تكفة يا خبراء البترول:لا تبخلون بالمشورة:

[لون الشجر]

السلام عليكم ورحمة الله وبركاته


العنوان واضح اخوكم ماله خبرة في الجيوب البترول وابي فزعتكم وانتم كفو :

عرض علي جيب باترول ربع ابيض موديل 95

ماشي 170000 مية وسبعين الف

السيارة تحتاج رش بوية (من سيارات الحكومة)

وتحتاج كفرات اربع.وجلد لان فيه رجة بسيطة.ويبيله فحص.

كم يسوا في السوق او في حدود كم.

صاحب الموتر طالب فيه 24000

وكل الشكر لكم مقدما

[moftt]

اذا البوية صبغ وكالة اخذه مو مشكلة انت اصبغه

اذا مرشوش ابعد عنه تلقا ارخص

[حاتم العمر]

اخوي ترى سعره زين اذا كان ممشاه صحيح وديكوراته زينه .. ولاتنسى الاستخاره .. والله يوفقك

[لون الشجر]

اذا البوية صبغ وكالة اخذه مو مشكلة انت اصبغه

اذا مرشوش ابعد عنه تلقا ارخص



الله يجزاك بالخيرما قصرت

[لون الشجر]

اخوي ترى سعره زين اذا كان ممشاه صحيح وديكوراته زينه .. ولاتنسى الاستخاره .. والله يوفقك


بارك الله فيك اخوي حاتم

صحيح اهم شي الاستخارة

كل الشكر لك

ولا استغني عن اراء الاخوان

[بارق الرحمن]

خذه ولاتشاور ان كان ممشاه صحيح

[لون الشجر]

خذه ولاتشاور ان كان ممشاه صحيح



جزاك الله خير اخوي (بارق الرحمن)

والممشى ان شاءالله صحيح (الا اذا العسكر يفصلون العداد)ههههههه


كل الشكر لك

[م تركي]

لا يروح عليك يالذيب ...اذا ممشاه حقيقي والديكور الداخلي نضيف .. تكفى لايروح ...انا مشتري 91 بـ 28 الف

[لون الشجر]

لا يروح عليك يالذيب ...اذا ممشاه حقيقي والديكور الداخلي نضيف .. تكفى لايروح ...انا مشتري 91 بـ 28 الف



جزاك الله خير اخوي

عزالله انك طمنتني

والله يطرحلك البركة في موترك ويعطيك خيره ويكفيك شره


الف شكر لك

[لون الشجر]

في انتظار اراااااااء اعضاء مكشات الكرام

[لون الشجر]

اعطيني المشورة

ولك عندي دعوة صالحة بحول الله

[لون الشجر]

معقول كله نفر ها زا في شوف موضوع ما في معلووووم

ههه

[abo naser 1]

مساء الخير اول شي نبي الدعوات. شف وانا اخوك اذا ممشاه صحيح وداخلية جدا نظيف ومحركاته اخت الوكالة. برظه تراه غالي قل ليش؟ رشة زي الناس اقل شي ب 3000 ريال + كفرات مع جنوط لأن جنوط الوكالة شنبر لازم رجة نقول 2500 ريال + ربلات وجلد ورباطات اسئلني اقل شي تكلفك اصلي طبعا 3000 ريال + تصفية بواجي واسلاك وتنظيف كلبريتر نقول ب 500 ريال + طبعا الاديتر الطبات والخراطيش تقول جديد الموتر اقولك لو الموتر مخزن هذي اشياء تصدي واذا استمريت ب المشي علية بعد هالوقفة بيجيك الصيف وتهرب واذا مانتبهت لحرارته راحت المكينة وبتتعطل لاسمح الله وبتخسر كثير وبيطيح من عينك... والطبات تحتاج تنزيل مكينة واذا نزلت المكينة بتقول عللى الطريق نغير دسك وكلتش وفحمة وصوفة المكينة الخلفية لكي مانظر بعدين لاجل الصوفة او الكلتش ننزل المكينة مرة ثانية هذي نقول ب 1500 ريال + وتلقيطات اخرى نقول 1000ريال + ومساعدة و يايات بتقول جديدة ابقولك الموتر بتلقه لين مرة ويلعب في المطبات واليايات الوكالة والاسترالي سعرهم متقارب نقول ب 2500 ريال + وفرارات عشان رجة عامود الدبل حتى لو مافية رجه الأن بتطلعلك في المستقبل وبعدين اخف للموتر ولاتنسى مراوح كهرباء وتعبئة فريون وانصحك تنظيف ثلاجة المكيف عشان يزود برودة وقوة هواء وكذلك نقل السيارة بأسمك نقول ب 1000ريال المجموع = 15000 ريال
الأجمالي اذا تبي موتر زي الناس 15000 + 24000 = 39000 ريال

( ولاتنسى انك تبي تداوم في الصناعية لمدة شهرين وتردد وتصالي ها العمالة كل هذا بتعبه ماحسبناها)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
39000 ريال اخذ موديل 96 كامل مكمل بدي وبوية وكالة ومسوى له صيانة من الصدام الى الصدام ومقارب ممشاة للسيارة التي ذكرت مايبي الا سواق بالعربي نظيف النظيف انا اتكلملك من خبرة في هذي النوعية من السيارات ولاتقول مبالغ ما تعرف اسعار الوكيل الحمراني الا اذا تبي تلمصقه بوية وكفرات صيني وتلمصقه من ها التجاري الله يعينيك ابقولك خذ الموتر الي ذكرت.........

[لون الشجر]

مساء الخير اول شي نبي الدعوات. شف وانا اخوك اذا ممشاه صحيح وداخلية جدا نظيف ومحركاته اخت الوكالة. برظه تراه غالي قل ليش؟ رشة زي الناس اقل شي ب 3000 ريال + كفرات مع جنوط لأن جنوط الوكالة شنبر لازم رجة نقول 2500 ريال + ربلات وجلد ورباطات اسئلني اقل شي تكلفك اصلي طبعا 3000 ريال + تصفية بواجي واسلاك وتنظيف كلبريتر نقول ب 500 ريال + طبعا الاديتر الطبات والخراطيش تقول جديد الموتر اقولك لو الموتر مخزن هذي اشياء تصدي واذا استمريت ب المشي علية بعد هالوقفة بيجيك الصيف وتهرب واذا مانتبهت لحرارته راحت المكينة وبتتعطل لاسمح الله وبتخسر كثير وبيطيح من عينك... والطبات تحتاج تنزيل مكينة واذا نزلت المكينة بتقول عللى الطريق نغير دسك وكلتش وفحمة وصوفة المكينة الخلفية لكي مانظر بعدين لاجل الصوفة او الكلتش ننزل المكينة مرة ثانية هذي نقول ب 1500 ريال + وتلقيطات اخرى نقول 1000ريال + ومساعدة و يايات بتقول جديدة ابقولك الموتر بتلقه لين مرة ويلعب في المطبات واليايات الوكالة والاسترالي سعرهم متقارب نقول ب 2500 ريال + وفرارات عشان رجة عامود الدبل حتى لو مافية رجه الأن بتطلعلك في المستقبل وبعدين اخف للموتر ولاتنسى مراوح كهرباء وتعبئة فريون وانصحك تنظيف ثلاجة المكيف عشان يزود برودة وقوة هواء وكذلك نقل السيارة بأسمك نقول ب 1000ريال المجموع = 15000 ريال
الأجمالي اذا تبي موتر زي الناس 15000 + 24000 = 39000 ريال

( ولاتنسى انك تبي تداوم في الصناعية لمدة شهرين وتردد وتصالي ها العمالة كل هذا بتعبه ماحسبناها)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
39000 ريال اخذ موديل 96 كامل مكمل بدي وبوية وكالة ومسوى له صيانة من الصدام الى الصدام ومقارب ممشاة للسيارة التي ذكرت مايبي الا سواق بالعربي نظيف النظيف انا اتكلملك من خبرة في هذي النوعية من السيارات ولاتقول مبالغ ما تعرف اسعار الوكيل الحمراني الا اذا تبي تلمصقه بوية وكفرات صيني وتلمصقه من ها التجاري الله يعينيك ابقولك خذ الموتر الي ذكرت.........



ابو ناصر روح الله يرزقك دنيا واااخرة بارك الله فيك ونفع بك

رايك على راسي

الف شكر لك