هل يمكن استخدام الطعم الصناعي الكاذب (الربيلا) من على الشاطئ؟

[محمد آل يتيم]

السلام عليكم ورحمة الله وبركاته

المقصود هذا النوع

http://www.faresandbehar.com/up/upload//uploads/images/domain-d206413595.jpg

وشكرا

[accentkool]

يمكن حلو للمجرور البوت
واللفحاح من الشاطي

[صيادة زمارير]

هي اخوي في منها انواع للاعماق وفي للاسطح وفي للبيحرات او الانهار اللي يكون فيها العمق اقل وركود المياه اكثر اشوف كثير عند الاجانب ويستخدمونها من الشاطيء بس ماني عارفه على اي اساس واشوفها والله تصيد وياهم ماشاء الله

يبيلك تصير مثلي لاترحم احد عالسيف امش واسال خخخخخخ

انا للحين ماعرف الطعم الصناعي المناسب ولسه مالقيت جواب وان شاء الله يفيدوني ويفيدونك النواخذه

تقبل مروري

[rayan015]

تصيد وفيها خير بس انتبه من التصخير لأنها مكلفه

[egy lion]

من احسن الجراير للصيد من الشاطيء هذه الجريره
http://www.istockphoto.com/file_thumbview_approve/6073754/2/istockphoto_6073754-casting-lure.jpg
وايضا ما تأتيك علي شكل سردينه
للاسف لا املك لها صوره الان

[دل البحار]

ممتازه لكن لاتصخر ما تطلع

[nasser a]

اي تقدر تستخدمها في الفاح من الشاطئ لاكن بدون ثقل او ثقل خفيف مره تخليهاا تطفي على الماي وتحركه يمين ويسار
طبعا طريقتها متعبه لاكن جدا مسليه انا عن نفسي ما استخدمها لاكن كثير ناس شفتهم يستخدمونها ويمدحونهاا \
طبعا في انواع الي اعرفه كل ما صار اللون غامق حق السمكه كل ما زاد العمق وتقدر تشوفها العمق في الكرتون حقها

امل اني افدتك

تحياتي

[شاهين2007]

تقدر تستخدم نفس احجام الربالا المستخدمه في اللفاح او الترولينق على السيف ولكن لازم تعرف العمق وتختار السمكه المناسبه للعمق
الطريقه معروفه باسم كاستنق casting
وهي انك تستخدم سناره نفس اللي تستخدم للحداق وقصبه مرنه والافضل استعمال سيم ويكون بين السيم والخيط مدور واخر السيم مشبك لسهولة تغيير الربالا وترمي ابعد ماتقدر وتسحب بسرعه معينه طبعا كل مازدت السحب راح تنزل السمكه اكثر وتكرر العمليه لما الله يوفقك
طبعا العمليه ممله شوي لكن باذن الله فعاله وتصيد
بالتوفيق

[X P]

انا عندي وحده منها صغيره بس مشكلتها مافيها ثقل ابد

يعني ماراح توصل للمسافه المطلوبه

[Mr.mego]

انا عندي سمكة صناعية وناوي اسوي بها مد فلين من الشاطي واسحبها واشوف << فاضي ههههه

[A B D U L L A H]

بإمكانك آخي خصوصآ إذآ كان الهواء معاك ويساعد على ذلك

آخبر يستعملونها بالمنطقه الشرقيه بكثره من الشاطئ

[المستحيل 2]

السلام عليكم ورحمة الله وبركاته

المقصود هذا النوع

http://www.faresandbehar.com/up/upload//uploads/images/domain-d206413595.jpg

وشكرا
من تجربه على الشاطي استخدمت الاخيره التى لونها ابيض واحمر وكان يضرب عليها بياض وكنايا بدون ثقل مقاس الطعم الصناعي 13 لا تاخذ اكبر من كذا ماتنفع مره
الخيط مقاس 60 الماني