.. وش اللي يقوي عظم الطير لاهنتو..

[ابوسمرى]

السلام عليكم ورحمة الله وبركاته
والصلاة والسلام على رسول الله

أخواني مشرفين واعضاء منتدانا الغالي مكشات مساكم / صبحكم الله بالخير
عندي طير حر انكسر جناحه ووديته للمستشفى واشاعات والحمد لله تحسن الطير شوي وحطو فيه جبيره وعطوني مضاد حيوي وأبي الله لايهينكم شيء يزيد الكالسيوم والله يكتب اجركم ولايعرض طيوركم للمستشفيات....

[ahsmaalie]

عليك بالحلب يابو سمرى يجبر الطير ويقوى العظم الطريقه ضعه مع الحلف

[عاشق جلاد]

اخوي اخذ العلف حق الطير وقبل ما تعلفه غطسها في الحليب وخله يعلف وعطه ماء بعدها

[@قرناص@]

وعلـيك بصفآر البيض وان شاء الله تزين أموره ,,

[قرناس شماالي]

اخوي عطه صفار البيض وان شاءالله بيتشافا

[جرناس الغربيه]

موميان بيفيدك تلقاه عند محل العطاره

[ولد مساكن]

السلام عليكم و رحمة الله و بركاته

يا خوي خذ من الصيدليّه حبوب الكالسيوم و معها حبوب فيتامين D

السلام عليكم و رحمة الله و بركاته

[صقار مبتدئ]

الحلف و لا تدور غير الحلف حطه مع العلف ولا عليه خلاف ان شاء الله

[ابوسمرى]

جزاكم الله خير
وماقصرتو
والله يكتب أجركم..

[غضبان]

افدوك الاخوان

[قرناس شاهين]

اخوي عليك بزيت كبد الحوت وعليك بالعظم

[شطب]

الحلبه ثم الحلبه ثم الحلبه

تجبر عظام الاوادم مهوب معجزها عظم طييير

ذرها على العلف

وان حصل تسقيه بيض بالحلبه افضل

عسى الله يشفي طيرك ويعافيه ويرجع ازين من اول

[قطر903]

اخوي عليك بزيت كبد الحوت وعليك بالعظم

ان شاء الله الربع افادوك ومثل ماقال اخوي قرنااس شاهين الله الله بالعظم مع كل وجبة اي نعم دقه عدل علشان مايغص به الطير وان شاء الله يتعافى ، ،

[الهدهد]

في بالصيدليات دواء بودر اسمهaminostress هو خليط من الفيتامينات والبروتينات وفيه كالسيوم هذا مفيد للطير ..للريش والعظام والملوع وصحت الطير عامه وهو دواء ناجح جدا للطير المريض وغير المريض
طريقة استخدامه تحط ربع معلقة شاي مع العلف مره وحده باليوم.
والله يوفقك

[ذيب الصدارة]

السلام عليكم ورحمة الله وبركاته
الله يشفي طيرك
وتاكل من صيده ان شاء الله
تحياتي لك

[الـسـاطـع]

اخوي كل الي ذكروها الاخوان مفيده وناجحه لكن من خلال تجربتي عليك
1- العظام
2- الموميان

الله يشفي طيرك ويوفقك

[جلاد الحباري]

خذها مني وانا اخوك حبوب زيت كبد الحوت يقوي العظم والريش والطير اهم شي هالزمان مايهد ويربط من الحين على وكره ربط واكرمه بالعلف وعسى الله لايوريه مكروه

[غريم]

وانا اقولك عليك باشب والموميان مطحون وحط معه ملعقة حلبه وحطه مع العلف مقدار راس السكين ولاله شر انا تعور طير عندي وافتك بعد الله باطريقه هاذي وعطه فيتامينات

[مساح الريضان]

حلبة مطحونة حطها بطن العلف وباذن الله تقوي عظامة

[البحري ولبري]

الله يشفي طيرك نشالله

[الصاعقة33]

طيرك انشاء الله راح يجبر وماراح يطير الطيار اللى انت خابره نصيحتى لك دورلك طيرغيره والله يوفقك