أفضل محامص تبيع قهوة شمال الرياض

[نديم الحيا]

السلام عليكم ورحمة الله وبركاته

يا اخوان ياليت تفيدونا بأفضل محامص في شمال الرياض الصحافة ، الياسمين ، العقيق ، الربيع واللي حولها

لي فتره والله مالقيت اللي حمسته كايفة وانا توني ناقل للشمال ومالي خلق احمس واصنهج ابي شي جاهز>>>عجاز بقوه

فياليت تفيدوني باللي جربتوا ولكم جزيل الشكر

[سعود الحربي]

ليتك حددت نوع القهوه

لكن كان تبيها هرري فمالك الا عطارين اسواق العويس لديهم هرري اصليه هرري الخير اللي كتابتها خضراء وختمها تسكيره بلاستيك على السحاب

وان كان تبي البريه والقطماء هناك محلين احدهم في حي الملك فهد وهو جنب لهيب الشوايه او بنفس العماره لكن غالي جدا
وهناك محل الضيافه في ام الحمام اول اشاره تجيك وانت متجه غرب خذ مع الاشاره يمين المحل عندك اسمه الضيافه
وارجو اني ماعملت دعاية هذا المحلين
ومن الافضل ان تاخذ قهوتك وتنقيها وتحمسها على كيفك

[ابو وطبان]

هلا فيك يوجد محل خاص للقهوه في شارع العليا العام بعد شركه الحمراني وانت متجه شمال حي المروج قبل هيبر بنده اسمه ( الحميضي) عنده انواع القهوه وسعره زين قريب لسعر الجمله

[حناياالروح]

أخي كانك تبي القهوة الزينة اللي تقعّد الراس في اسواق التعمير في حي الديرة جنوب الرياض
في محل اسمه (الركن اليمني) هوصحيح المكان بعيد شوي بس صراحة قهوته كايفة وعنده عدة انواع
منها البرية المهيلةالمزعفرة والبرية السادة والخولانية كل وحدة احسن من الثانية.

[ولد وايل..]

والله الواحد ماعاد يدري وش الزين !!


انا أول كنت اخذها محموسه ومطحونه...

وكانت اول ما اخذها حليله همن تشين بأخرها...

وعقب وسوسو بنا جماعه يقولون لازم مغسوله ومدري وشو...

صرت آخذها من أميمتي الله يطول بعمرها

أخذها حب واطحن قدر التصليح... يعني على مقدار سوات الدله اطحن..

صارت ممتازة ... وريحه طبخها كايفه...

بس به مشكله إللي هي إن به قهاوي تنشق لها بهار يشق الراس...

ولا تعرف وش يحط معه..



نصيحتي لك لا تترك ترتيبها بنفسك....


وإن كان ولا بد فالشباب ما قصرو بالبن الجاهزة...

[ابوحمد2006]

السلام عليكم ورحمة الله وبركاته
ونا اخوك مامثل حمسة البيت ابد ابد وقهوه المحامص تمل منها بسرعه غير الي يغشونك

[ابوحيد 2011]

الحميضي

وعطارين سوق العويس قهوة برية لا يعلى عليها

بالتوفيق

[الحجايز]

اسواق العويس
عطار الرياض والمحمود

[ابوعبدالله البدراني]

عليك بقهوة الخير باشنفر تحصلها عند الحميضي مقابل اسواق العزيزيه على طريق العليا
بعدين أحمس القهوه في البيت غيرك كذا لن تشرب قهوه كايفه .. والهيل يطحن مع كل تبهيرة قهوه ولاتنسى الزعفران واقدع بالخلاص اللي يحبه قلبك

[لمع السحاب]

انا انصحك بقهوة صينية والله ياشباب شريته من الديرة والله طعم رهيب هي على الحمسه عند محلات التعمير اعتقد الحميضي اللي هناك وسعرها رهييييييييييب ورخيص

[نجم عبدالله]

الصينية مثل البريه ومتوفرة بكثرة وفية ناس تبيعها على انها بريه غش عينك عينك

[نديم الحيا]

ليتك حددت نوع القهوه

لكن كان تبيها هرري فمالك الا عطارين اسواق العويس لديهم هرري اصليه هرري الخير اللي كتابتها خضراء وختمها تسكيره بلاستيك على السحاب

وان كان تبي البريه والقطماء هناك محلين احدهم في حي الملك فهد وهو جنب لهيب الشوايه او بنفس العماره لكن غالي جدا
وهناك محل الضيافه في ام الحمام اول اشاره تجيك وانت متجه غرب خذ مع الاشاره يمين المحل عندك اسمه الضيافه
وارجو اني ماعملت دعاية هذا المحلين
ومن الافضل ان تاخذ قهوتك وتنقيها وتحمسها على كيفك

حياك ربي اخوي سعود

انا كيفي يالغالي في الهرري الخير اللي كتابتها خضرا على قولتك مايعجبني غيرها لا البري ولا الخولاني وخصوص الحمسة الوسط لكن يالغالي وش المحل اللي تعرف في العويس تكون حمسته عليها الكلام

ومن ناحية انقي القهوة واحمسها هذي يبيلها قعده ويالله إذا صرت في المشب نقيت وحمست وضبطت هاك الدلة اللي على الكيف لكن هذا مايحصل دايم

شرفت الصفحة بمرورك اخوي سعود

[نديم الحيا]

هلا فيك يوجد محل خاص للقهوه في شارع العليا العام بعد شركه الحمراني وانت متجه شمال حي المروج قبل هيبر بنده اسمه ( الحميضي) عنده انواع القهوه وسعره زين قريب لسعر الجمله

حياك مولاك ابو وطبان

ابمره ان شاء الله والمحل قريب مني

نورت الصفحة بمرورك يالغالي

[نديم الحيا]

أخي كانك تبي القهوة الزينة اللي تقعّد الراس في اسواق التعمير في حي الديرة جنوب الرياض
في محل اسمه (الركن اليمني) هوصحيح المكان بعيد شوي بس صراحة قهوته كايفة وعنده عدة انواع
منها البرية المهيلةالمزعفرة والبرية السادة والخولانية كل وحدة احسن من الثانية.


هلا بك حنايا الروح

والله يالغالي ماهوب بعيد شوي إلا واااااجد هههههه

خبرك زحمة طريق الملك فهد الحالها يبيلها عمر

لكن عادتي امر آخذ عود من واحدن في المعيقلية غاديني ان شاء الله اذا مريت يمه زرقت للتعمير

اشكر لك تواجدك بصفحتي حنايا الروح

[نديم الحيا]

والله الواحد ماعاد يدري وش الزين !!


انا أول كنت اخذها محموسه ومطحونه...

وكانت اول ما اخذها حليله همن تشين بأخرها...

وعقب وسوسو بنا جماعه يقولون لازم مغسوله ومدري وشو...

صرت آخذها من أميمتي الله يطول بعمرها

أخذها حب واطحن قدر التصليح... يعني على مقدار سوات الدله اطحن..

صارت ممتازة ... وريحه طبخها كايفه...

بس به مشكله إللي هي إن به قهاوي تنشق لها بهار يشق الراس...

ولا تعرف وش يحط معه..



نصيحتي لك لا تترك ترتيبها بنفسك....


وإن كان ولا بد فالشباب ما قصرو بالبن الجاهزة...


حياك ربي ولد وايل

والله كنك تقول اللي في بالي

الواحد ماعاد يدري وش الزين لكن ونا اخوك غير الهرري مايفك الخرمة

لكن اذا بتاخذ خذ محموس وابعد عن المطحون لسببين الأول انهم يطحنون في الطاحونه اكثر من نوع وحمستها مختلفه فيصير فيه تأثير على الطعم والثاني ان القهوة اذا طحنت وابطت مطحونه تختلف يعني بالكثير اطحن حق اسبوع لاتزيد

ومن ناحية اميمتك الله يطول بعمرها على طاعته ويخليها لكم ويخليكم لها فصدقت مامثل شغل امهاتنا اللي تنقي القهوة بنفسها وتنسقها وتحمسها بدون خربطة هالجيل الجديد وهالتخليط اللي ماله سنع على قولتك تنشق لها بهار يدوخ هذي مخلطات تباع عند العطارين... لكن خل عنك القهوة ثلاث.. قهوه .. وهيل.. وزعفران بس ان زادت في نظري بربسة صارت هالخلطات اللي عند العطارين اكثرها مواد حافظة ومنكهات وغيرها

على العموم يطول لي عمرك ولد وايل على موروك والله يخلي لك أميمك يارب

[هوايتي مكشات]

خذ هيراي باشنفر

[نديم الحيا]

السلام عليكم ورحمة الله وبركاته
ونا اخوك مامثل حمسة البيت ابد ابد وقهوه المحامص تمل منها بسرعه غير الي يغشونك

هلا بك ابوحمد

والله مالنا نفس في مطاول حمسة البيت نبي الجاهز ومانشدنا في هذا اللي نبي راعي المحل النصوح

شاكر لك تشريفك الموضوع

[نديم الحيا]

الحميضي

وعطارين سوق العويس قهوة برية لا يعلى عليها

بالتوفيق

هلا بك او وحيد

ياخوي العويس فيه يجي عشرين عطار اذا تعرف واحد عليه الكلام علمنا

شاكر لك تواجدك

[نديم الحيا]

اسواق العويس
عطار الرياض والمحمود

هلابك يالحجايز

ايه يالغالي هذا العلم اللي ننشد عنه

بيض الله وجهك ونمرهم ان شاء الله اليوم

[نديم الحيا]

عليك بقهوة الخير باشنفر تحصلها عند الحميضي مقابل اسواق العزيزيه على طريق العليا



بعدين أحمس القهوه في البيت غيرك كذا لن تشرب قهوه كايفه .. والهيل يطحن مع كل تبهيرة قهوه ولاتنسى الزعفران واقدع بالخلاص اللي يحبه قلبك



حياك اخوي رحال

والله انك صادق لكن مالي بالطويلة نبي الجاهز يالغالي

[نديم الحيا]

انا انصحك بقهوة صينية والله ياشباب شريته من الديرة والله طعم رهيب هي على الحمسه عند محلات التعمير اعتقد الحميضي اللي هناك وسعرها رهييييييييييب ورخيص

لمع السحاب

الهرري الهرري والله مايفك العماس الا هو وريحته

عسى الله لايخلينا من الهرري

[نديم الحيا]

الصينية مثل البريه ومتوفرة بكثرة وفية ناس تبيعها على انها بريه غش عينك عينك

اخوي نجم

خل عنك اللي يغش

اشتر القهوة بنفسك وخل راعي المحمصه يحمسها لك ترى ماياخذون على الكيس الا عشرة ريال فقط وخل عنك اللي تجي محموسه وطحونه في نفس المحل لابد من الغش الا من رحم الله

[ام زياد......]

اخواني الاعزاء انا عندي خبرةفي القهوة وتقريبا قراءت كل الردود واخذت بكلام الحجايزومريت محل العطارين محل محل عشان اشوف القهوة اتضح لي الاتي
اولا عطار الرياض والمحمود القهوة الي عنده ليست برية يا بوالشباب هذي هررية لاكن جيدة نفس با شنفر الهرري اتوقع ان يفتحها ويبيعها خولاني وابوحبةصغيرة يبيعها برية وصراحة ما لقيت قهوة لا وبعض محلات في باكستان ويعطيني لقمتي ويقولي خولاني وهذا الي طفشني وطلبت منهم برية اعطاني صيني وبعضهم كينية وهذي حبتها تكون مجوفه وصوتها مثل الحصى وريحتها شوي متغيرة

المهم لقيت بعضهم مخلطينها وما ودي اذكر اسماء عشان الارزاق
المهم لقيت اثنين محلات صراحة كفوا
الاول اسم العطارة عطار البركة
والثاني اسم العطار عطار الجزيرة
لقيت عندهم خولاني
الحمد لله اني لقيت
لا تنسوني من خالص دعائكم

[نديم الحيا]

حياك الله يام زياد

شاكر لك اثراء الموضوع لكن هالعطارين اللي ذكرتي وين مكانهم؟ في العويس ولا وين؟

انا والله جت السالفة بيني وبين اخواني والوالده حولنا وحلفت اني اجيب القهوة وتحمسها لي وجبتها وماقصرت وحمسة البيت مايعلى عليها لكن ما ابي ابلش الوالدة كل مرة

فليتك تحددين مكان المحامص او العطارين اللي ذكرتيهم وبالنسبة للحمود وغيره اللي يبيع القهوة مطحونة انحش عنهم.

[البر ليلة 15]

تحياتي العطرة
أهم شي بعد ماتختار اي قهوة
لاااااااااااااااااااااا تنسى تأخذ له بهار خلطة القصيم للقهوة انتبه للاصلية بس
والله رووووووووووووووووعة يكفيك عن اي شي للقهوة
بس تحط عليها شوية هيل أو اذا كنت ماتحب كثرة الهيل لاتحط عليها شي
موجودة عندالعثيم والعطارين والله بحق انها ممتازة وب5ريال عندالعثيم وبرا ب7ريال

محبكم ابووليد
:s

[نديم الحيا]

البر ليلة 15

حياك ربي ابووليد

جربت بهارات القهوة بكافة انواعها

لكن مايكيف الا الهيل وبس

[SEVENTH]

البر ليلة 15




حياك ربي ابووليد


جربت بهارات القهوة بكافة انواعها



لكن مايكيف الا الهيل وبس


أم زياد فاهمة بالقهوة وهذا الظاهر وهي تقصد عطارين العويس بنائا على المحمود والثاني

[السنع كله]

اشتر محمصة كهربائية فهي عمليه %%
واشتر قهوتك بنفسك وينظفونها اهل البيت عن كل الحصى والقشر
واحمس قدر حاجة اسبوع واطحن حق كل يوم بيومه
هنا تتذوق المذاق الصح
اماتشتري كيس كامل مطحون وبالفليزر القهوة حساسة وتشفط اي ريحة ولو ماتحس انت بها وتتغير عليك

[ام زياد......]

اخواني اسف جدا على التاخير المحلات المذكوة باسواق العويس محل الجزيرة صار اسمه طويل ينتهي بالشرقي وفيه واحد شايب والبركة في واحد لحيته كثيرة

[عنزي من نجد]

فيه محمصه في العويس اسمها حبة البركة يقولك اذا القهوة ماعجبتك ردها وخذ دراهمك واللي تقهويته منها لك بﻻش المحل في الركن الشمالي الشرقي وواجهته غربيه