سلة اللآند كروزر

[كليجا]

مساكم الله بالخير
ابي أسألكم اذا كان فيه أحد يعرف وين القى احد يبيع السلة الخلفية اللي تركب على الصدام لأن بصراحة شبك الدوافير :p اللي يركب على السقف مادخل مزاجي ... :confused: فإذا أحد يعرف وين الآقيها تكفون دلوني عليه مع العلم اني شفتها مركبة على اليوكن وشكلها حليووو وحجمها صغير ..ولا تبخلون علينا :no2:

[غالي]

السلام عليكم يالغالي
اخوي انا ما اعرف اسم المحل لكن
واحد من اخواني مفصل تفصيل في الصناعيه الكبيره بالرياض
انت تختار طولها وعرضها وارتفاعها على حسب مزاجك وهم يفصلونها لك
وكذلك عندهم تفصيل توانكي وغيره وعندهم على كلامه تانكي جاهز للاندكروزر يكون بالشنطه مفصل تفصيل على حجمها
انا الصراحه شفت مشاركتك الصباح وابشر ان صارت انشاء الله مكالمه مع اخوي سألته عن اسم المحل وماني مقصر معك
اخوك غالي

[حـاتـم]

اخوي العزيز كليجا

انصحك بعدم تركيبها

لانها اول خطره وتطيح السياره من وراء بشكل كبير

ومره شفت لاندكروزر مركبها

والله نازل مره ووجه طاير بالسماء

وارجوا اني افدتك ___شبك الدوافير احسن ولاماتبي شي يرد الهواء

وشكرا

اخوك / حاتم

[كليجا]

مشكورين على الردود
الأخ غالي تكفى ان جاك علم أوخبر رد لي مع الشكر الجزيل
الأخ حاتم بالنسبة للسلة تقول إنها تطيح السيارة من ورى .. أنا اللي ناوي اركبها تكون سلة مهب كبيرة وبعدين الجيب اللي معي فيه هدروليك يعني ان شاء الله مايطيح ومشكور يالغالي على ردك ..

[كليجا]

معقول اللي داخلين الموضوع أكثر من ستين ولا واحد عنده فكرة عن سلة اللآند كروزر ... وينكم ياراعين الجيوب ؟؟؟

[ابو ناصر 1212]

أخي كليجا فيه محل في الصناعية القديمة اسمه مواهب للحدادة وهو يقوم بعمل السلة الخلفية وبشكل منظم وحسب المواصفات التي تريدها ورقم الجوال 0504492550
مع الشكر،،،،،،

[الكونترولCONTROL]

احسن محل في الصناعية اسمه (( مصنع المميز )) ..... بالنسبة للسلة اللي ماتنفع هي الي لها فصالات و يتم طيها
بعد انتهاء مهمتها و رفعها خلف الشنطة ....
انا مركب واحدة و لكن تصرفت فيها و عدلتها مرتين بأفكار من عندي كالتالي :
الارتفاع بدل ماهوب 60 سم قصيته و صار 20 سم فقط
العرض بدل ما هوب 160 سم نقصته الى 150 سم
الطول ( خلف السيارة ) بدل ما هوب 60 نقصته الى 40
كانت الجوانب متحركة و تنفتح .... لحمتها لكي تتماسك و تكون أقوى و يذهب منها الإزعاج
ثم اني ركبت شبك فتحات صغيرة على الجوانب الخارجية الثلاث ... و لحمت مشدات للحبال
==========
يعني صغرت حجمها بشكل طيب (( صارت حواي 70 % من حجمها الأصلي ))

[سعد الدين]

يا ليت اللي عندة مثلها السلة يضع لها صورة

لأني اريد اتعرف على طريقتها بالضبط

و اريد اركب مثلها

[الكونترولCONTROL]

احط الصور غدا ان شاء الله !!!! مع اني ما جربت انزل صور بالنت .... لكن كل شي بسيط ان شاء الله
================================================== ===
حتى توقيعي ما فضيت انزل له صورة أثلتنا اللي بالعاير

[الكونترولCONTROL]

و ان ما اعجبتك الصور اعذرني .... تراها من كميرة فيديو ديجيتال ... ما هيب ديجيتال سايبر شوت !!

[الكونترولCONTROL]

صورة السلة بجانب اللاند كروزر -

http://www.mekshat.com/pix/upload/images11/mk13430_unizah-sallah_0001.jpg
=====================
صورة لبداية تركيب السلة
http://www.mekshat.com/pix/upload/images11/mk13430_unizah-sallah_0004.jpg
==================
السلة بعد التركيب - لاحظ هناك زاوية في الأسفل لرفع السلة
و بعض الورش الغشيمة ما يحط زاوية و هذا اكثر ما يسبب ضعفها و انكسارها
http://www.mekshat.com/pix/upload/images11/mk13430_unizah-sallah_0008.jpg
===============
و هذي السلة - العرض خمس قوارير ماء كبيرة و واحدة صغيرة
http://www.mekshat.com/pix/upload/images11/mk13430_unizah-sallah_0009.jpg
==================
و هذي صورة خلفية
http://www.mekshat.com/pix/upload/images11/mk13430_unizah-sallah_0014.jpg
=================
و هذي صورة جانبية - مع بيان الزاوية - وفائدتها رفع السلة عن الضرب في السكك البرية و خاصة
مرافع النفود
http://www.mekshat.com/pix/upload/images11/mk13430_unizah-sallah_0013.jpg
==============
وهذي صورة شواية جبتها معي من امريكا
http://www.mekshat.com/pix/upload/images11/mk13430_unizah-sallah_0003.jpg
===================
و السلام عليكم

[كليجا]

وش رايك يالكنترول بهالسلة بما انك جربتها هل هي عملية ومفيدة وممكن تفيدنا عن المحل اللي سوالك اياها مع الشكر ...

[الكونترولCONTROL]

السلة عملية جدا ..... و اهم فوائدها:
1- المحافظة على نظافة السيارة من الداخل
2- تحميل اكبر لسعة السيارة
3- تستطيع التخلص من المواد المؤذية و الروائح بوضعها فيها
4- استخدمها في البر طاولة لتجهيز ادوات الطبخ و غسيل الاواني فوقها (( اقلبها ))
5- استخدمها في البر للاحتطاب و حمل الذبيحة و الماء
=========================
عادة احمل فيها الأشياء الغير مرغوبة داخل السيارة مثل (( الماء ... الحطب و الفحم ... الخيمة ... منقل الشوي ..و سياكل الاطفال .... الدافور ... البصل .... المسحات و الشيول و الفاروع ))
و كذلك في البر اروح اشتر ذبيحة و احملها فيها بدل اركبها فوق العفش و المراتب
=========================================
و في السفر شلت عائلة من 7 أشخاص ... و كنت حاط الماء و بعض الشنط الكبيرة فيها و كذلك عزبة الطبخ و عزبة القهوة
و اغراضي في تناول اليد ... و لها مرابط للحبال
===========================
من ناحية المحل الي صممها لي :....... تصميم الورش اغلبه تعبان ... و ما هوب مبني على تقنية ابدا !!!
سويتها عند ورشه في الصناعية .... ثم اشتغلت فيها بافكاري و عدلتها مرتين او 3 مرات
مرة لحمت الجوانب المتحركة مع بعضها ..لانها مزعجة
و مره نقصت من طولها خلف السيارة ... كان 60 سم حطيته 40 او 45
و مرة نقصت من ارتفاعها ... كان يمكن 60 و حطيته 20 و هو يكفي لان اهم شي حاجز للغرض ما تزحف
و لحمت مرابط للحبال (( شناكير )) كذلك بحيث ترفع الحمولة كما تشاء و تربطها
و كذلك العرض طلبت من الورشة يخلونه 150 سم لأنهم يحطون 160 و تكون قريبة من حجب الانوار
الخلفية .... الله يستر !!!!!!!!!!!!!!!!!!!!!!!!
=====================
بصراحة كانت متعبة و سيئة ..... و مزعجة ... و ثقيلة .... و مؤذية ... و تسبب مشاكل مع المطبات الصحراوية و الصناعية
و بعد التعديلات صارت ما تشوفها و ما تميزها الا اذا اقتربت من السيارة !!!! و تركيبها صار سهل جدا
===========
ملها ربط في السيارة و لا حاجة
مجرد ادخال الحاملين في قاعدتيهما في السيارة ثم شد القفيز عليهما
===================================
الاخوان اللي يقولون سمعوا ان بعضها ينكسر : نعم مصنوعة من حديد ضعيف و صغير
انا اخوي بلغني عن واحدة شافها انكسرت !!! ما تتحمل ضعيفة خاصه مع المطبات !!!
===========================================
لأي معلومة او مساعدة ارسل رقمك على الخاص !!!!

[dim106]

أقول والله انك ذيب يالكنترول .. الله لا يضرك

تقبل مروري
تحياتي

[ابوغلا2004]

يا اخوان وين المحل الي عنده السله الزينه الي تتحمل العفش الثقيل سواء بالرياض او بالقصيم ((موتري يوكن 2006 ))

[خيال العبيه]

]اخوي العزيز كليجا

انصحك بعدم تركيبها

لانها اول خطره وتطيح السياره من وراء بشكل كبير

ومره شفت لاندكروزر مركبها

والله نازل مره ووجه طاير بالسماء

وارجوا اني افدتك ___شبك الدوافير احسن ولاماتبي شي يرد الهواء

وشكرا

[ابوغلا2004]

انتظر الرد.

[kal440]

شغل مزبوط يا كنترول ارتفاع الشبك 20 سم صغير كان افضل اكبر شوى بحيث لم تحط جركل او اى شى لايحتاج للتربيط يعنى دبلها خليها40 * على العموم ماقصرت على المجود بارك الله فيك منكم نستفيد يا كنترول

[صقرحايل]

الله يعطيكم العافيه جميعكم
الاخ كنترول لو سمحت اسم الورشه وسمك الحديد الى سويت فيه اسله
وشكر للجميع

[ابوغلا2004]

ياجماعه يا اخوان وين المحل الي عنده السله الزينه الي تتحمل العفش الثقيل سواء بالرياض او بالقصيم ((موتري يوكن 2006 ))

[ابوغلا2004]

تكفون ياجماعه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الكونترولCONTROL]

السلام عليكم - المعذرة ما انتبهت لطلبك يا ابو غلا ... فاعذرني ...
و أتمنى انك ما تركب السلة بالطريقة التي تصنعها ورش الصناعية لثقلها و عدم ملاءمتها للسيارة و حسب تعديلاتي المتعددة :
تقوم بجعلها بجوانب ارتفاع لا تزيد عن 12 سم لترد الشنط و الكراتين عن الانزلاق خارجها - و تعوض الارتفاع المستغنى عنه
بدوائر تربيط لشد الحبال ( اقترح بين 6 و 10 مرابط ) و لا تزيد بعدها عن السيارة أكثر من 45 سم ( عندي 42 سم ).
لأن الورشة يجعلونه أحيانا 60 سم أو أكثر - و هناك جانب مهم و هو أن تكون جميع أجزاء السلة ملتحمة مع بعضها كتلة واحدة
بدون فصالات و لا غيرها بذلك تكون السلة ( عملية - خفيفة - سهلة التركيب - آمنة - غير مزعجة ) .. (( و الله خير حافظا ))
و هذا الوصف ... و الله يحييك

http://www.mekshat.com/pix/upload03/images103/mk13430_mumayyz.jpg

[ابوخالد]

عليك بالمميز بصناعية الدائري جيدين

[الكونترولCONTROL]

http://www.mekshat.com/vb/images/myicons/sign3.jpg

[غبار الهجير]

احد جرب سلة السنيدي

[بر وعزبة]

الصراحة الموضوع سبق إني كتبت فيه بموقع مكشات قبل شهر
الشباب ذكروا لي إن أفضل محل هو المميز الصراحة شغل ممتاز
لأنه يحط العامود 4 ملم عكس بعض الورش يحط 3 ملم
الصراحة أنا شريتها منهم بـ 600 ريال
وفصلت له شراع 200 ريال الشكل كان مميز
على فكرة ترى موتري جيب لاند كروزر

[بن نويشر]

يا الكليجا
المسئلة ما يبي لها كل هالمشاركات
عندك سلمك الله سلة رفيق الدرب خفيفة وسهلة التركيب والفك وسعرها حول الـ 1200 ريال .

ما تصلح ... ركب سله صينية الصنع شفها عندي ومن احسن ما تكون مركبها على الفورنتشر وتقدر تركبها على اللاند والجمس (تقدر تتحكم بمقاسها)
ومشكلة انها تبطح الموتر من ورا ؟! فهذا صحيح .. وقمت ركبت يايات مقاس برادو من الرماية وحلنا المشكلة وصار الموتر من اروع ما يكون ..

بس انت حاول انك ما تحمل في السلة عفش ثقيل او أغراض ثقيلة .

وفقنا الله وياك لما فيه الخير والصلاح والمسلمين اجمعين ...

[عبدالرحمن السالم]

ياساتر الموضوع قديم تاريخه 21/10/2005