يالربع الموتر دخن والرديتر يخر ماء.

[1231]

السلام عليكم ورحمه الله وبركاته.


يالربع اليوم وانا على موتري.. جمس حجم 2006 قير عادي. بكب.

رحت لمنطقه مطينه.. وحشرت الموتر.. ومع التطعيس. والدعس..


بعد 3 دقايق تقريبا من حشر الموتر.. طفت السياره.. ورساله الشاشه"زيت القير حامي".


والكبوت يطلع منه دخان.. والماي يهرب من جهه الرديف.



شغلت السياره.. وعبيت القربه.. ورحت للصناعيه.. فحصنا الرديتر سليم.. والخراطيش سليمه.


العامل يقول المشكله من البلف.. مايفتح.


وفكينا البلف. ومالقيته بقطع الغيار.


قال خلنا ننظفه. نظفناه.. وصار مايفتح الا حاجه بسيطه مآ يفتح كآمل.




قلت له ركبه بدون بلف. :قال بشيل البلف. بس لاتمشي على السياره واجد. لين تركب البلف. ولا تعدى 50 كيلو.







هل كلآمه صحيح.؟.





الي لاحظته.. السياره قبل المشكله والبلف موجود. الحراره على النص..تحت النص بشرطه..


الحين بعد ماشلنا البلف الحراره الربع.



يعني احسن.



بس هل اذا خليناه بدون بلف. يخرب المكينه.


وشكرا.

[عبدالرحمن السالم]

والله شف يالغالي ، إلى يعدم السياره إلى يدخل النفود او الطعوس ولا ينسم كفراته هذي بحد ذاتها تحمي القير والرديتر يفور ويرفع الحراره ، لانك تعطي جهد للسياره فوق طاقتها وبرمل
طيب حرارته ترتفع او لا ؟! سواء بالديره او بالنفود
شيله البلف مايخرب المكينه بس يخلي المكينه بارده على طول وينوم الحراره ، انا اعرف واحد معه باثفندر فاك البلف له 3سنوات وماشي معه مضبوط
عموماً فيه ناس اخبر منى بالامريكي وحبيت ادلو بدلوي

[WRWRWR]

الله يعينك على الجمس
بس ركب بلف ضروري لان الزيت مايعطي مفعوله للمكينه الا لين تحتر السياره بدرجه موزونه يعني البروده الزايده لسياره نظره غير صحيحه
واتمنا اني افتك

[هوايتي مكشات]

انا كان معاي فورد مشيول البلف حقه اخذ معاي تقريبا 3 سنوات ماصار للمكينه شي
لكن اللي يوهقك هو الصبح بالبرد مايحتمي ولا ترتفع حرارته يعني نص ساعه شغال حرارته ماتتحرك
اما بالصيف5 دقايق والحرارة اقل من الربع ولاعندك مشكله
تخاف من وقت البرد بس لانك تمشي مع الطريق والحرارة طايحه
وهذي حلها بسيط حط قصدير قدام شبك الموتر اذا نوت تمسك خط بالليل لان الهواء يبرد المكينه بزياده

[العمده 0ون0]

شوف ياالغالي: نصيحتي لك لازم تركب البلف مهم جدا لتنظيم دخول الماء وخروجه الى المكينه و تثبيت حرارة المكينه على وضع معين صيف شتاء صحيح ان( الحراره تنزل كثير) اذا شلت االبلف لاكن مع الوقت راح يأثرعلى المكينه (الشنابر والبساتم)ولمعلوميتك نقطه( مهمه جدا) اذا (ارتفعت الحراره) لاسمح الله كثير ماراح تنزل بسرعه وسهوله والعكس صحيح وهذامع الوقت راح يأثرعلى (راس المكينه) لاسمح الله خاصة ثمانيه سرندل لان حرارتها عاليه 0
هذا والله اعلم
وسلامة الجميع0

[GMC79]

ضروري البلف

وبالنسبه لحرارة القير ركب مبرد رياضي للقير

[الربذي]

انا كان معاي فورد مشيول البلف حقه اخذ معاي تقريبا 3 سنوات ماصار للمكينه شي
لكن اللي يوهقك هو الصبح بالبرد مايحتمي ولا ترتفع حرارته يعني نص ساعه شغال حرارته ماتتحرك
اما بالصيف5 دقايق والحرارة اقل من الربع ولاعندك مشكله
تخاف من وقت البرد بس لانك تمشي مع الطريق والحرارة طايحه
وهذي حلها بسيط حط قصدير قدام شبك الموتر اذا نوت تمسك خط بالليل لان الهواء يبرد المكينه بزياده
عليكم السلام
هو صادق بس العدوا اللدود لشيلة البلف هو عندما يكون الجو بارد ونت ماشي الماء يبرد وممكن ينشعر الراس وتدخل بمتهات وخسارات اذا لابد فحط على وجه الموتر قصدير بس يشوه لموتر .
ركب بلف احسن ودور اقل شي يعني مثلا62C اذا فيه بدلا من 82 لانه ابو 82 مايفتح حتى يوصل حرارة الماء 82 واشوفها حراره عاليه شوي اذا فيه اقل افضل لك ولا الاحسن مثل ماجاء بها من الوكالة اعتقد82

[شايب السبيت]

ما الذي يحدث اذا اذا كان بلف السياره غير موجود ؟؟
الماء يصير رايح جاي من المكينة الى الرديتر وهو بارد
وهذا يضر المكينة
وظيفة البلف انه ينظم حرارة الماء
الطالع والداخل للمكينة


رجع البلف في اقرب فرصه
وتركيبة بسيط تقدر تركبه بنفسك

[بدوي جنوبي]

ينقل لقسم الاعطال

[1231]

لآهنتم جميعا ع الافاده. جزاكم الله خير. وبارك الله فيكم.

ان شاء الله نشتري الثورمستات ونركبه باقرب وقت.


وكل الشكر للمشرف بدوي ع النقل.

[مركز حراره]

يمكن مافهمت ممكن شرح
كيف الموتر قير عادي وتقو رسالت الطبلون تقول حراره زيت القير؟

[كديان]

يمكن يقصد رسالة مبرد المحرك حار