بمناسبة قدوم الجراد

[صريح]

سبق وان كتبت مقالات مختلفة عن الجراد واليوم احاول ان اطرح موضوع


الجراد والإقتصاد
وذلك كالتالي:-
يعتبر الجراد وخاصة في إقليم نجد ثروة إقتصادية بمعنى الكلمة وذلك لما له من سوق رائجة في معظم المحافظات حيث يتحول موسمه الى سواق رائج لذا أود أن اطرح الأسباب التي استدل بها على كلامي وهي:-
1 - أن الجراد لا ياتي الا في موسم الأمطار وفي الأماكن الممطورة ولا ياتي الى الأماكن المجدبة .
2 - ان رش الجراد في المبيدات يكلف الدولة اموالا طائلة اضافة الى الأدوات المستخدمة في الرش من طائرات وسيارات واجهزة مكلفة وكذلك النفقات التي تصرف على القائمين باعمال الرش .
3 - قد يسبب رشه اضرار عظيمة في الممتلكات من حيوانات وطيور على المدي البعيد والقريب اضافة الى ضرره بالنسبة لمن سيأكلة من الناس والدواب والطيور .
4 - الفوائد العظيمة في تركه بدون رش وهي تلافي كل ما ذكر من الأضرار اعلاه اضافة (وهي الأهم ) انه مصدر هام في الدخل الفردي لمن يعملون في صيده وبيعه .
5 - اخيرا الفوائد الصحية كما يقول الآوائل ( اذا جاء الجراد انثر الدواء)
لذا اهيب بمن له صلاحية في هذا الشان تركه لنا فنحن نقضي عليه بفوائد للبلد دون اي ضرر .
وتقبلوا تحياتي
صريح

[رشيد22]

هلا بك اخوي صريح نعم انت صريح ويكفي انا بنكفيهم تكلفت المبيدات والطائرات والهنود . لا اذا بغونا نروح نكافحه في افريقيا نروح بس بشرط يفكونا من المجاهيم اللي هناك .هههههههه


اخوك/رشيد22

[أبوفرحان]

لاهنت على الطرح

[قناص النَزيًه]

والله من زمان ما اكلته
ويقولون هالايام جاي في السوق
الي عنده خبريسبق لنا بخيشتين
هههههههههههههه
ومشكور على الطرح اخوي

تحياتي....,....

[الفيصل55]

هههههههههههههههههههههههههههههههههههه

انت كذا

[صريح]

هلا بك اخوي صريح نعم انت صريح ويكفي انا بنكفيهم تكلفت المبيدات والطائرات والهنود . لا اذا بغونا نروح نكافحه في افريقيا نروح بس بشرط يفكونا من المجاهيم اللي هناك .هههههههه


اخوك/رشيد22

بارك الله فيك اخوي رشيد وقناص النزية على ردكم ونسيت اقول لكم ان الجراد بيع اليوم الثلاثاء بجردة بريدة وهو مكن وزعيري وهو غالي ولكن لو يكثر يرخص شوي

[الــفــيــصــــل]

اقول وش ريكم اعزمكم عندي روبيان في الشرقيه وتتركون الجراد الا اذ كان الجراد فيه فؤاد صحيه هذا شي ثاااااني تسلم ياصاحب الموضوع

[ABOمحمدالحوطي]

كلام سليم هو صح انه يتحول الى خطر كبير اذا انتشر بقوة مثل ماجاء في حوطة بني تميم قبل عشرات السنين اكل حتى جريد النخل وهو ايضا عقاب سلطه الله عز وجل على بني اسرائيل لكن قبل لايبداو بالرش لماذا لايدرسو مدا خطره لانه ينتشر بسرعة وهم يسارعون برشه بدون معرفة مدىخطره وهذا خطا فهو ذافائدة صحية ويجوز اكل الميتة منه فأضم صوتي الى اخي في عدم رشه

[صريح]

اقول وش ريكم اعزمكم عندي روبيان في الشرقيه وتتركون الجراد الا اذ كان الجراد فيه فؤاد صحيه هذا شي ثاااااني تسلم ياصاحب الموضوع
الأخ الفيصل ما عندنا مانع والروبيان صديق الجراد لكن ابغاك تعلمني فيه شيء يجمع الجراد بالروبيان يعني قاسم مشترك .
والفوائد الصحية ما اقدر اجاوبك عليها لانه ربما يرش فتصير الكارثة .واقول لك نبغى من هالقطا اللي طاير ريشه ترانا مبطين عنه .

[صريح]

كلام سليم هو صح انه يتحول الى خطر كبير اذا انتشر بقوة مثل ماجاء في حوطة بني تميم قبل عشرات السنين اكل حتى جريد النخل وهو ايضا عقاب سلطه الله عز وجل على بني اسرائيل لكن قبل لايبداو بالرش لماذا لايدرسو مدا خطره لانه ينتشر بسرعة وهم يسارعون برشه بدون معرفة مدىخطره وهذا خطا فهو ذافائدة صحية ويجوز اكل الميتة منه فأضم صوتي الى اخي في عدم رشه
بارك الله فيك واشكرك على تأييدك لي والحمد لله الآن كثرت الخيرات والأشجار في كل مكان وكما اسلفت فإن الجراد لا يأتي الى بلاد لم تمطر او يكون فيها ربيع وادعو الله ان يرزقني رجل من الجراد أي فرق بلغة الصيادون ويقع في استراحتي في حي الطعمية واضعه في اكياس واذهب به الى السوق ولا مانع من ان يأكل كل ما وجد فيها حتى النخل ولكن المشكلة هي اين اجد الأكياس الفاضية .

[بدوي مطنوخ]

تسلم اخوي صريح على هذه المعلومات
وذكرتني بالماضي عندما تم تعييني في منطقه القصيم وكنت اشاهد المزاد على الجراد بسوق الجرده ايام لا تنسي
واسأل الله ان يسقي منطقة القصيم بالامطار وجميع مناطق المملكه
ودمتم بخير

[صريح]

تسلم اخوي صريح على هذه المعلومات
وذكرتني بالماضي عندما تم تعييني في منطقه القصيم وكنت اشاهد المزاد على الجراد بسوق الجرده ايام لا تنسي
واسأل الله ان يسقي منطقة القصيم بالامطار وجميع مناطق المملكه
ودمتم بخير
تسلم يا اخوي وحياك الله في ديرتك القصيم وبكل الإخوان يا هلا

[نهار تميم]

بارك الله فيك وعسى الله يجيبه مثل ايام زمان

[صريح]

بارك الله فيك وعسى الله يجيبه مثل ايام زمان

جابه الله بس عسى الله يفكه من اللي يرشونه بالمبيدات وعسى الله يبارك لنا فيه اذا تركوه .

[بو يو سف]

كيف طريقة طبخ الجراد

اذاكر ونا صغير اقطع الراس و الجناح واكله بدون طبخ هل فيه مضره

[reality.ah]

يعطيك العافية

[صريح]

كيف طريقة طبخ الجراد

اذاكر ونا صغير اقطع الراس و الجناح واكله بدون طبخ هل فيه مضره

الأخ بو يوسف
تقول وانت صغير كنت تأكل الجراد بدون طبخ وتسأل هل فيه مضرة .
لو فيه مضرة كان اثر فيك ولكن الحمد لله الحين اطبخه ونشفه حتى يقرمش وحط فيه ملح وفلفل احمر وتذوق الطعم .

[بريداوي اصليm]

الأخ بو يوسف
تقول وانت صغير كنت تأكل الجراد بدون طبخ وتسأل هل فيه مضرة .
لو فيه مضرة كان اثر فيك ولكن الحمد لله الحين اطبخه ونشفه حتى يقرمش وحط فيه ملح وفلفل احمر وتذوق الطعم .


أطبخه بماء فقط ؟
وكم المده ؟
ماقصرت موضوعك رائع

[صريح]

أطبخه بماء فقط ؟

وكم المده ؟

ماقصرت موضوعك رائع

نعم اطبخه بماء وحط اللي يجوز لك من بهارات او كمون او فلفل وخل الملح يطلع اشوي اذا ما عندك ضغط
والمدة في الكاتم اكثر من نصف ساعة - الى 45 دقيقة
وفي القدر العادي اكثر من ساعة
وبعدين نشفه في فرن او بأي طريقة واذا نشف فهو امرى يعني اسهل للمضغ

[صريح]

نعم اطبخه بماء وحط اللي يجوز لك من بهارات او كمون او فلفل وخل الملح يطلع اشوي اذا ما عندك ضغط
والمدة في الكاتم اكثر من نصف ساعة - الى 45 دقيقة
وفي القدر العادي اكثر من ساعة
وبعدين نشفه في فرن او بأي طريقة واذا نشف فهو امرى يعني اسهل للمضغ

[ẤℓqηαṣṤ ««•]

انت حصلته بس

[صريح]

انت حصلته بس


نعم حصلته واكلت منه

[Swordfish]

كيف طريقة طبخ الجراد

اذاكر ونا صغير اقطع الراس و الجناح واكله بدون طبخ هل فيه مضره

لو فيه مضره ما كان اناملك الجميله تسطر لنا احلى الكلام

وانت صغير ما جاك الا العافيه ان شاء الله :)

[ẤℓqηαṣṤ ««•]

نعم حصلته واكلت منه


اي يابعدي والله بالعافيه عليك ان شاء الله

وين انت ساكن فيه يالغلا؟

تحياتي لك

..

[ẤℓqηαṣṤ ««•]

لو فيه مضره ما كان اناملك الجميله تسطر لنا احلى الكلام

وانت صغير ما جاك الا العافيه ان شاء الله :)


انا اشهد يالذيب دواء

[القناص-sniper]

كيف طريقة طبخ الجراد

اذاكر ونا صغير اقطع الراس و الجناح واكله بدون طبخ هل فيه مضره


ابو يوسف الله يصلحك >>>> لوعت كبدي على الصبح

ياخوي ينطبخ واقل شي ينشوي

تقبل مروري >>> ياااااااااخي

[ẤℓqηαṣṤ ««•]

ابو يوسف الله يصلحك >>>> لوعت كبدي على الصبح

ياخوي ينطبخ واقل شي ينشوي

تقبل مروري >>> ياااااااااخي


هههههههههههههههه اعصابك يالسمي :D

[خليف حمود]

اما لو يحصل انهم ما يرشونه ويخلون نهجم عليه .. ياسلام :good:

تصدق يالصريح اني دافع ميه ريال لواحد من شان ياكل

وحده بس .. الغريب انه ما قدر ياكلها ولاعت كبده

اععععععععع :p

[abujod]

ايام زمان يقولون (حي الجراد وتابعه)كنا نتفائل بالجراد ويجي الخير معاه حتى لو اكل بعد مايروح تجي الزراعه اللي اكلها الجراد ازين
انا احب الجراد في طيرانه لما يكون مجموعه
اتمنا من كل قلبي انه مايرشونه

[عطيب ومايغيب]

ياجمعه الله يمسيكم با الخير..
يقول الوالد الله يرحمه واموات المسلمين..يمكن قبل60سنه يقول كان عندي خرافان وذاك الوقت ماكن فيه شعير واعلاف وكان الحلال الي لون لحمه ابيض اشوي يعني يمخ مامثله ماكن شحم توضيح اكثر بس يقوم وبسرعه ماهو هزيل عندهم طيب المهم يقول الوالد كان علينآ ربيع ماهو ذاك الربيع يقول وفيه شعيب مليان عشب المهم جاء جراد واكله خلال اسبوع من اوله الا اخره.يقول الوالد فضلات الجراد قمة تكلها الخرفان وخلال سبوعين وماكملت شهر الا والخرفان دوبها تمشي من الشحم يقول والله مانفعها العشب اكثر من فضلاات الجراد..
المثل المشهور عند الناس لجاك (الجراد انثر الدوا)اعتقد لنه ياكل من كل انواع الاعشاب ويعطيهم مضاد وفتمين..ولكم الشكر والتقدير

[هوايتي مكشات]

كلامك صحيح

[صريح]

اما لو يحصل انهم ما يرشونه ويخلون نهجم عليه .. ياسلام :good:



تصدق يالصريح اني دافع ميه ريال لواحد من شان ياكل


وحده بس .. الغريب انه ما قدر ياكلها ولاعت كبده



اععععععععع :p

الأخ خليف
لو يكثر الكلام عليهم مارشوه
وتقول انك دافع مية ريال لواحد من شأن يأكل جرادة وش تعطين واكل عشرين جرادة ولو قلت له خذ فيشار قال هاته
الجراد يحتوي على الفوائد التالية وهذا الكلام منقول من منتديات صامطة للأمانة
فوائد الجراد:
يعتبر الجراد أكلة مفضلة عند كثير من الشعوب في آسيا وبعض الدول العربية، فحشرة الجراد غنية بالبروتين الذي يمثل 62% ودهون 17% وعناصر غير عضوية تمثل الباقي مثل: الماغنسيوم، الكالسيوم، والبوتاسيوم، المنجنيز، الصوديوم، الحديد، الفوسفور، وغيرها.

[رحاال 2009]

نجرب ناكله وعلى مسؤليتك ..

[صريح]

ياجمعه الله يمسيكم با الخير..
يقول الوالد الله يرحمه واموات المسلمين..يمكن قبل60سنه يقول كان عندي خرافان وذاك الوقت ماكن فيه شعير واعلاف وكان الحلال الي لون لحمه ابيض اشوي يعني يمخ مامثله ماكن شحم توضيح اكثر بس يقوم وبسرعه ماهو هزيل عندهم طيب المهم يقول الوالد كان علينآ ربيع ماهو ذاك الربيع يقول وفيه شعيب مليان عشب المهم جاء جراد واكله خلال اسبوع من اوله الا اخره.يقول الوالد فضلات الجراد قمة تكلها الخرفان وخلال سبوعين وماكملت شهر الا والخرفان دوبها تمشي من الشحم يقول والله مانفعها العشب اكثر من فضلاات الجراد..
المثل المشهور عند الناس لجاك (الجراد انثر الدوا)اعتقد لنه ياكل من كل انواع الاعشاب ويعطيهم مضاد وفتمين..ولكم الشكر والتقدير
الأخ العزيز الفعير
صراحة اول مرة اسمع مثل هذا الخبر وهو ان الأغنام تأكل فضلات الجراد وزود على هذا يسمنها معلومة طيبة اثابكم الله . وسوف نضيفها الى المعلومات لدينا الخاصة بالجراد
ادعو عسى الله يفكه من المبيدات التي تضر الإنسان والحيوان والنباتات قبل الجراد . وبهذه المناسبة ادعو الأخوة بالمشاركة بأي معلومة عن الجراد ومعلومتي انا هي عن بيض الجراد الذي يبلغ حوالي 100 بيضة وتبقى في الأرض الى أن يأتي مطر بكميات مناسبة في وقت مناسب ثم تفقس وقد تصل مدة بقاءه الى 40 سنة والدليل انه من حوالي 20 سنة طلع فراخ الجراد دبى او كتفان او نميلي في موقع قريب من مركز النبقية شرق القصيم في موقع يقال له النبقي وشاهده اهل تلك الديار وقد تناقلوا الأخبار حتى اخبرهم كبار السن ان هذا باضه الجراد من زمن بعيد وعرفوا مكانه بالتحديد واكدوا انه منذ ما يقارب من 20 سنة او اكثر والحادثة معروفة لدى الناس القريبين من تلك الديار .

[العاذر]

هذي القصه حدثت قديما في نجد ايام الجوع

مع باكستاني يشتغل مع اهل نجد ويوم جا وقت الغداء رفض الباكستاني ياكل لان الغداء جراد

قالو له ليش ماتاكل : قال هذا عقارب سماء , وانا ماياكل عقارب سماء هههههه

المهم تركوه لين طاح من الجوع بعدين جاهم وقال مافي مشكل عقارب سماء ياكل ضب ياكل كل شي ياكل هههههه

يسمي الجراد عقارب سماء خخخخخخخ

لكن يوم حداه الجوع كل غصب عنه

[ẤℓqηαṣṤ ««•]

....................

[صريح]

عزمنا على الذهاب الى الجراد بدياره ولكن انا غير متأكد من المكان هل هو في القنفذة او الليث او اي مدينة يذكر فيها واذا احد متاكد يخبرنا ونحن ممنونين له ومقدرين

[بو يو سف]

الله يعطيكم العافيه جميعا على الأفاده

[صريح]

ما جائنا رد حتى الآن عن تواجد الجراد اين هو الآن ؟

[أنا الذي...]

صاحب الموضوع ذكرتنا بزمان أول لما كنا ناكل الجراد نجمعة في خيش ونطبخة ونجففة وناكله ، بصراحة مقرمش وطعمه رائع جدا.
وفي قصة:
في بداية السبعينات(قبل لا ننولد) وبداية النهضة كان معنا في البلد معلمين مصريين ولما جاء موسم الجراد وصاروا أهلنا يأكلوا الجراد قامواا المصريين يتلوعوا ومستغربين.!!!!
ولكن وينه الجراد؟بلادنا محلانه صارلها تقريبا أكثر من 10 سنوات ماجانا مطر قوي.
يارب تمطر علينا عن قريب ويسيل الوادي.