إنصحوني بكفرات للجمس

[خالد2007]

أخواني الأعزاء هذه أول مشاركة لي ، ونظراً لقرب موعد الطلعات البرية أتمنى منكم أن تنصحوني بكفرات للجمس (الحوض) يكون ثمنها مناسب وتعيش معك . لأني كنت مركب كفرات (بالون) وذبحتني بالبنشر .

[FJ 40]

حبيبي

لا تركب الا ميشلان

جنط 16

قياساته (( 16×285×70 ))

ترى الواحد قيمته 580 ريال

ولا تأخذ الا امريكي فقط

بس ترى كفر يستاهل ويتحمل الجمس

فيه ناس بيقولك خذ يباني او ماليزي او او .... هذي كفرات تصلح للسيارات الصغيره أما الميشلان فلا يصلح للجمس الا هو ...

لأنه سلك و12 غاط يعني قوي وراح يخدم على اقل تقدير 4 سنوات

مع خالص تحياتي وامنياتي بموسم سعيد وممتع

[عاشق هدوء]

السلام عليكم
تبي نصيحت مجرب
1- انحش عن الامريكي تراه ينفجر توني مغيرها انفجر علي كفرين خلال شهر والحمد لله اني ماني مسرع مع العلم انها جديده!
2- انحش عن الحجري تراه يزعجك بصوته
3- عليك بالياباني كان دراهمك واجد
4- كان دراهمك قليله مثل الفقير الى عفو ربه عليك بالكوري هانكوك سعر معقول وجوده مشهود لها توني مغير
طقم من وكيلها بن شيهون
انتبه للتاريخ انه جديد
ملاحظه
ترى سعر الوكيل ارخص من الموزعين
5- لاتنسانا من دعائك
أخوك عاشق هدوء

[خالد2007]

Fj 40.عاشق هدوء
أشكركم على ردودكم ، وسوف اختار الكوري بضمان سنه والله يستر .

[طشي وامطري]

على حسب استخدامك للموتر
فمثلا إن كنت راعي خطوط عليك بالميشلان ، لكن بالشعبان ما ينفع بريال لآنه خفيف مع الجوانب وهذا سر تفوقه بالخطوط لكن بالشعيب لو تبطه خوصة نخلة انشق.
وتقبل تحياتي

[اسيزو 4x4]

ركب تويو ياباني وبتدعيلي ( للرمل وللحصى وللجبال والوعر وللخط ممتاز ولا يمسح إلا بعد فترة طويلة ... ) أسأل مجرب ...100%

.

[حرباش]

الجمس الحوض مايباله الا شواهين


خفيفه وعريضه وتنصب الموتر والخط الحلوه والبر ولا أحلى منها


تحياتي لك ;)