راع العودة
05/01/2011, 08:24 AM
بسم الله الرحمن الرحيم
السلام عليكم ورحمة الله وبركاته
اليوم انا ابسولف لكم عن سالفة صارت للشاعر سليمان بن شريم رحمه الله واموات المسلمين
واعتقد إن سليمان بن شريم غني عن التعريف فهو من عمالقة الشعر الشعبي....
السالفة ياجماعة الخير إن الرجال كان بنجد وقرر انه يتزوج وياخذ له بنية حلال المهم بعد ما
تزوج وقعد معها تقريبا خمس ايام او حولها جو له ربعه وقالوا له ترا نبي نروح للكويت نبي
نترزق الله معنا و لا لا؟
ومثل ما انتم عارفين قبل نجد كانت فقر والواحد اذا بغى يجمع قرشين ملزوم انه يتغرب سواء
للكويت او الشام او العراق هالديار اللي كانوا يروحون لها عقيلات وغيرهم من اللي يبون
يكدون ..
المهم إن سليمان قالهم ياجماعة الخير اصبروا لكم كم يوم انا توني معرس وصعبة اني اخلي
مرتي ..
قالوا له بكيفك حنا علمناك وحنا ترانا ماشين
المهم يوم شاف ربعه ملزمين اضطر انه يروح معهم ويخلي مرته علشان لقمة العيش ...
وبعد تقريبا كم شهر قال قصيدة يبين فيها توجده وشوقه لزوجته ..
ويقولون انه كان يطلع يشم الهواء اللي يجي من جهة نجد معتقدا انه يشم ريحة زوجته لقوله
ليت الهبوب اللي تجيني تجيبه...........لاشرقت من نجد من غير تجنيب
ماودي اطول عليكم
يالله يامجـري القمـر مـن مغيبـه
............ يامرجعه للشرق من عقب تغريـب
تفرج لعيـن مـن وجعهـا مريبـه
............ عيّا يفيـد بهـا الـدوا والتطابيـب
هذا لها خامـس شهـر مستصيبـه
............ بين الرجا والياس والخبث والطيـب
على الذي من دونـه ارض تعيبـه
............. مـا ياصلنّـه متعبـات المناجيـب
ليت الهبوب اللـي تجينـي تجيبـه
............. لاشرّقت من نجد من غيـر تجنيـب
لين اني اقضب مقدمه والتـوى بـه
............. عقب التفـرّق والبطـا والتغاريـب
يقرا لمظموني وانـا اقـرا لغيبـه
............. سرايـر تكشـف بليّـا مكاتـيـب
اللي على فـراق شوفـه غصيبـه
............. نهار قفّينـا علـى الفطّـر الشيـب
ادعج غنـج كنّـه عيـون الربيبـه
.............. شيهانـة تفـرس بكـل المخـاليـب
المتـرف اللـي مايماتـع صويبـه
............... جرّبت منه وكـل شـي بتجريـب
العين خرسا مـن طربهـا غضيبـه
............... فيهـا لطـرّاد المـودّه مغالـيـب
والراس ذيل اشقر يشعشـع سبيبـه
................ يسبـق اذا جـنّ السبايا جنـاديـب
والخد قنديـل الدجـا ينسـري بـه
................ عليه من شغل النصـارى كواليـب
وعوده كما البـردي ليـان رطيبـه
............... يومي به النسنـاس بيـن النبانيـب
وملامـس مانشـت منهـا لبيـبـه
............. الين من الديباج دمـث المقاضيـب
وريحه كما ريح الزهر في شعيبـه
............. في مربع علّه من الوبـل تشعيـب
ممطور امـس ومـدرس ما وطيبـه
............. واليوم شمس وفاح طيب على طيب
لاوهنـي الذيـب يـرفـع قنيـبـه
.............. وانا قنيبي بالخفـا شقًـت الجيـب
ماوالله اصخي به وانا خاطري بـه
............. لو غتّرت سود العوارض من الشيب
يا اهل الهوى سود الليالي صعيبـه
.............. ياما سمعن بفراقهم عقـب تقريـب
خـطّ بسجلـي مالغيـري قريـبـه
............... عطف بلطف واجتمـاع وترحيـب
وصلوا على سيـد البرايـا طبيبـه
............... ماافتـرّ دولاب الهـوى للطواليـب
الشاعر الكبير سليمان بن شريم رحمه الله
السلام عليكم ورحمة الله وبركاته
اليوم انا ابسولف لكم عن سالفة صارت للشاعر سليمان بن شريم رحمه الله واموات المسلمين
واعتقد إن سليمان بن شريم غني عن التعريف فهو من عمالقة الشعر الشعبي....
السالفة ياجماعة الخير إن الرجال كان بنجد وقرر انه يتزوج وياخذ له بنية حلال المهم بعد ما
تزوج وقعد معها تقريبا خمس ايام او حولها جو له ربعه وقالوا له ترا نبي نروح للكويت نبي
نترزق الله معنا و لا لا؟
ومثل ما انتم عارفين قبل نجد كانت فقر والواحد اذا بغى يجمع قرشين ملزوم انه يتغرب سواء
للكويت او الشام او العراق هالديار اللي كانوا يروحون لها عقيلات وغيرهم من اللي يبون
يكدون ..
المهم إن سليمان قالهم ياجماعة الخير اصبروا لكم كم يوم انا توني معرس وصعبة اني اخلي
مرتي ..
قالوا له بكيفك حنا علمناك وحنا ترانا ماشين
المهم يوم شاف ربعه ملزمين اضطر انه يروح معهم ويخلي مرته علشان لقمة العيش ...
وبعد تقريبا كم شهر قال قصيدة يبين فيها توجده وشوقه لزوجته ..
ويقولون انه كان يطلع يشم الهواء اللي يجي من جهة نجد معتقدا انه يشم ريحة زوجته لقوله
ليت الهبوب اللي تجيني تجيبه...........لاشرقت من نجد من غير تجنيب
ماودي اطول عليكم
يالله يامجـري القمـر مـن مغيبـه
............ يامرجعه للشرق من عقب تغريـب
تفرج لعيـن مـن وجعهـا مريبـه
............ عيّا يفيـد بهـا الـدوا والتطابيـب
هذا لها خامـس شهـر مستصيبـه
............ بين الرجا والياس والخبث والطيـب
على الذي من دونـه ارض تعيبـه
............. مـا ياصلنّـه متعبـات المناجيـب
ليت الهبوب اللـي تجينـي تجيبـه
............. لاشرّقت من نجد من غيـر تجنيـب
لين اني اقضب مقدمه والتـوى بـه
............. عقب التفـرّق والبطـا والتغاريـب
يقرا لمظموني وانـا اقـرا لغيبـه
............. سرايـر تكشـف بليّـا مكاتـيـب
اللي على فـراق شوفـه غصيبـه
............. نهار قفّينـا علـى الفطّـر الشيـب
ادعج غنـج كنّـه عيـون الربيبـه
.............. شيهانـة تفـرس بكـل المخـاليـب
المتـرف اللـي مايماتـع صويبـه
............... جرّبت منه وكـل شـي بتجريـب
العين خرسا مـن طربهـا غضيبـه
............... فيهـا لطـرّاد المـودّه مغالـيـب
والراس ذيل اشقر يشعشـع سبيبـه
................ يسبـق اذا جـنّ السبايا جنـاديـب
والخد قنديـل الدجـا ينسـري بـه
................ عليه من شغل النصـارى كواليـب
وعوده كما البـردي ليـان رطيبـه
............... يومي به النسنـاس بيـن النبانيـب
وملامـس مانشـت منهـا لبيـبـه
............. الين من الديباج دمـث المقاضيـب
وريحه كما ريح الزهر في شعيبـه
............. في مربع علّه من الوبـل تشعيـب
ممطور امـس ومـدرس ما وطيبـه
............. واليوم شمس وفاح طيب على طيب
لاوهنـي الذيـب يـرفـع قنيـبـه
.............. وانا قنيبي بالخفـا شقًـت الجيـب
ماوالله اصخي به وانا خاطري بـه
............. لو غتّرت سود العوارض من الشيب
يا اهل الهوى سود الليالي صعيبـه
.............. ياما سمعن بفراقهم عقـب تقريـب
خـطّ بسجلـي مالغيـري قريـبـه
............... عطف بلطف واجتمـاع وترحيـب
وصلوا على سيـد البرايـا طبيبـه
............... ماافتـرّ دولاب الهـوى للطواليـب
الشاعر الكبير سليمان بن شريم رحمه الله