اهل الخبرة وش الحل

[bnsa]

معي باثفندر موديل 2001
قبل شهور الاديتر ينقص ولا اشوف تهريب . وتركته وكل اسبوع ازودة مويه اديتر قلت حتى اكتشف التهريب وعجزت ما فيه أي أثر لتهريب والان صرت كل 3 أيام احط فيه لتر ونص مويه. قالو لي الشباب لا يكون يخلط الزيت بالماء
1- المكينه نظيفه من المويه غيرت الزيت سليم
2- غطاء المكينه فيه ذرات بسيطه حليبي ناس يقولون عادي وناس يقولون عندك مشكله
3- الصباح فتحت عطاء الاديتر وشغلت السيارة ما شفت فورة وفقاعات فى الاديتر
4- الحرارة طبيعيه فى الصيف توصل النص والسبب نقص الاديتر اعبيه ترجع طبيعي
السؤال وين يروح الماء

[سلكي نت]

اتوقع ان الماكينة تبخر الماء بسبب مشكلة برأس الماكينة او وجة الراس والذرات الحليبي قد تكون بسبب اختلاط الماء بالزيت
وفيه شغلة ثانية .. (تفقد طبات الماء)
لكن الشباب اهل الخبرة يفيدونك وهم اكثر خبرة واغلبهم فنيين وميكانيكين
والله لا يخسرك او يخسر المسلمين

[مركز حراره]

اذكان فيه ابيض في الغطا فيمكن خالط الما مع الزيت ممكن من وجه الراس لابد من الفحص بلهواء لتاكد من عدم وجود تهريب
ممكن حله بس قبل يتفاقم الامر

[كديان]

اغلب مشاكل الباترول و الباثفندر بخصوص نقص الماء
يكون من الدفاية حقت الحار و مكانها امام رجلين الراكب
و غالبا اذا رفعت الفرشة الارضية تحصل اثر ماء
طبعا تلحم مواصير الدفاية تكون منشقة و تهرب
او تغيره من التشليح او تلغي الحار => لي الدخول و الخروج
و تاكد من غطاء الاديتر لا يكون رقمه يختلف او الربلة او السبرنق حقه خربان
و اجلد الموتر بالدبل الثقيل همن اذا احتمى الموتر طف الموتر و تسمع الاصوات عند الاديتر
راح تسمع صوت تس تس تس تنسيم لطبلات الاديتر او من الغطاء او من وجه الطرمبة او الطرمبة تهرب من التامين حقه



اذا كان الماء ينقص
تاكد من غطاء الاديتر خصوصا ضعف ربله الغطاء + سبرنق الغطاء
طبات الايتر
رصات الاديتر يصير ينسمن الماء
احيانا من شده الحرارة يتبخر الماء
اجلد الموتر بمشوار لمده 5دقائق
خصوصا عند الاشارات كانك ملحوق بسباق سرعه
تدوس و تهدي بشكل فجائي
همن وقف و افتح الكبوت و افتح غطاء الزيت
اذا حصلت على نفس الغطاء حق الزيت بخار ابيض تقل حليب
فهذا وجه الراس ضعيف ما يحجب الماء و الزيت
او الراس به شعر بسيط



رابط

http://www.mekshat.com/vb/showthread.php?t=229689