حكايتي مع دوار البحر

[liteon]

السلام عليكم ..... وكل عام وانتم بخير

كلمني النوخذة (واحد من الربع) وقال اليوم نبي ندش البحر ونبيك معنا.... قلت مافيه مشكلة.
انا سمعت عن دوار البحر فقمت مريت الصيدلية وشريت حبوب الدوار وحطيتها في صندوق العدة وقلت الإحتياط واجب.... أول ما مشينا بالطراد سألت النوخذة عن الدوار قال انه يبيلك كذا طلعة لين تتعود عليه.
يوم وصلنا الموقع ووقفنا.... بدأ الطراد يتمايل وبعدها بعشر دقائق بدأت اعراض الوحم ... أقصد الدوخة..... تذكرت الحبوب وقمت فكيت الصندوق وخذيت لي حبة..... لكن للأسف ما فيه فايده لأنه الظاهر المفروض اني آكلها قبل الطلعة بساعة...... مالكم بالطويلة..... الله يكرمكم استفرغت ... لكن بعدها حسيت اني ارتحت.
بعدها بربع ساعة عاودتني الدوخة وقلت ياولد امسك نفسك فشلتنا مع الناس ... لكني تفاجأت بالنوخذة يقول لي عطني حبة.... ساعتها أخذت راحتي وسويت عملية غسيل معدة للمرة الثانية.
بصراحة بعدها قفلت وما عاد لي نفس بالصيد ولا الكلام.... لكن صعب اقولهم رجعوني لأن الجماعة مبسوطين ويسولفوا ويضحكوا وما عندهم أي مشكلة.
من فضل الله انهم ما صادوا شيء.... لذلك قرروا العودة وقلت في نفسي زين اني ما تكلمت..... وحنا راجعين النوخذة عنده جهاز تحديد مواقع الأسماك..... وكل ما شاف مجموعة سحب هاند بريك ووقف ورمى سنارته..... انا من التعب بغيت أقوم اسطره وأرميه في البحر وأسحبه بسنارته الى المركز..... لكني تعوذت من ابليس والنوخذه قرر ان ما فيه فايدة ورجعنا بسلام والحمد لله.

نصيحتي للي بينزل البحر بطراد مع شباب ..... اشترط عليهم ما يبعدوا وانك اذا تعبت يرجعوك.... أو خلك على البر أبرك لك.

انا الصراحة احب الصيد وأعتبره هوايتي الأولى.... لكن ما ادري هل فيه حل لدوار البحر... يعني اذا دخت هل الأكل أو شرب الماء أو القصيد ممكن يخفف منه. هل الحبوب فعلا فعالة. وكم يبغالي مرة حتى اتعود عليه وأصير نوخذة. وأخير آسف على الإطالة ومع السلامة

[صقر]

هههههههههههههههه

أجل تقول:


انا من التعب بغيت أقوم اسطره وأرميه في البحر وأسحبه بسنارته الى المركز



الله يقطع بليسك ياليتون ضحكتني بهالسالفة .... وبيني وبينك احمد ربي اني قريتها وانا صايم والا كان علوم.

مشكور على هذه القصة ... ونتمنى من اخواننا افادتك عن أسألتك المهمة.

وبارك الله فيك.

[النوخذة]

السلام عليكم ورحمة الله وبركاته
:) الحمدلله على السلامة اخوي liteon وماتشوف شر :)
زي ماتفضلت اخوي دوار البحر يجي غالبا للي ماتعودوا على دشات البحر
واعراضة واجد لكن اذا جاء للواحد تلقى مزاجه ينعفس مرة ووده ان ماجاء للبحر مرة وتلقاه دايما منفعل
وتزيد الاصابة بالدوار كل مااشتد الموج وقلب البحر
افضل علاج طال عمرك الحبوب اللي انت استخدمتها لكن المفروض انك تاخذها
قبل لاتدخل البحر بنص ساعة على الاقل , بس كم يطول مفعولها ماادري لاني ماقد استخدمتها والإستفراغ الله يكرمكم يريح واجد يعني لو تاخذ الحبوب بعد الاستفراغ على طول ممكن يعطيك نتيجة كويسة
بس فيه اشياء اخوي لو سويتها ممكن تقلل الاصابة بالدوار بشكل كبير منها انك
تدخل البحر بنص تانكي ( يعني لاتاكل واجد ) ولاتكثر اكلات دسمة ولا تكثر مشروبات خصوصا الثقيلة مثل اللبن
وعنـدك نقـطة طال عمـرك الـلي هي : من تـدش الـبحر لا تنكس راسك تحت ولا تـنـسدح لان السـدحة بداية الدوخة وحاول دايما انك تطالع بإتجاه الافق
عموما سالفتك حلوة مرة وتذكرني في واحد من الشباب ( خوينا MARINE بس لا تعلم احد ;) ) وحنا راحين جزيرة جنا

[ابوسعد]

السلام عليكم ورحمة الله وبركاته

الحمدلله اخي ليتون على السلامه ...

ما احد يقدر يحس باحساسك الا الي جرب دوار البحر . ومحاكيك جربه مره كرهت اليوم الي دشيت بحر ؟؟؟
جلست بالطراد اسوي حالي عادي مافي شي قدام الشباب شوي الا النوخذه يقول ابو سعد رح اجلس عند المكينه حقت الطراد بترتاح فعلن ارتحت شوي بس ما في فايده الخلاطه تدور ...

قلت السالفه لواحد من الشباب قالي كان كليت قشر ليمون او شربت شوي من ماء البحر بمقدار ملعقه شاي صغيره؟؟؟

اخوك ابو سعد

سهم الشمال

[liteon]

مشكور أخوي صقر على المرور

اخوي النوخذة وأبو سعد ..... الله يعطيكم العافية على هذه المعلومات.

اليوم الشباب استلموني حسبي الله عليهم ... واحد يثبت والثاني يشوت والثالث يجيب الكور ..... لكن المرة الجاية بكون جاهز ان شاء الله.

[عضـو قديم]

حبيبي دوار البحر مو مشكلة بدون حبوب ولا خرابيط
علية بس تغرف غرف من ماي البحر وتشربة او تاخذ معك زيتون او هناك حل مثالي جداً وهو
انك تروح الصيديلية وفيها يبيعون مضاعد تلبسها في يدك وفيها خرزه مغنطيس تكون باتجاه النبض في يدك بعد الكف بمقدار اصبعين
انا مجربها وهي فعالة وهذه المضاعد تعطى للجنود البحرية الامريكية المستجدين خوفا عليهم من دوار البحر
وسلامتكم

[MARINE]

السلام عليكم ورحمة الله وبركاته

حياك الله اخوي liteon معنا في مكشات وخصوصا الخيمة البحريه

بصراحه الشباب ما قصروا معك في شئ لكن ابقول لك مثل ما قال النوخذه لا تدخل وانت

معبي التانكي فل يعني شبعان انا اول مرة ادخل البحر وتصير لي الحالة هذي لكن دخلاتي كثيرة

ما قد صار هذا الشئ معي الا وانا مليان معبي اكل الى ما قلت بس

تحياتي لك

MARINE

[نور العزيز]

السلام عليكم ورحمة الله وبركاتة :-
الأخ/ ليتون سالفتك هذي ذكرتني بواحد من الشباب طلع معانا للصيد في مره ونفس الأعراض اللي جاتك صابته والمسكين كان في حال والشباب طايحين فيه حش اللي يقوله معليش هذا أول حمل دائما كده ، والثاني يقوله هذا بس في الشهور الأولى ، واللي يقوله غلطتك ليش ما أخذت موانع المهم صاحبنا ما صدق أنه رجع وقال توبه .وصار حاله مثل حال واحد من الجماعة الله يرحمه ويرحم جميع موتا المسلمين يوم أحد يقوله طالعين للصيد تخاوينا يرد ويقول الله معاكم ( بر محمد ولا سفينة نوح ).
وترى الشباب ما شاء الله عليهم ماقصروا بكل الحلول اللي سمعنا عنها من السابق أنه اللي يصيبه دوار البحر يعمل الأشياء اللي قالوها بس في طريقة أحب أقولها اذا كان الواحد في عرض البحر ومعاه أحد عنده دوار البحر يدور أقرب شعب (الشعاب المرجانيه) ويقبل الهوري (الطراد) عليها ويدخل في بطان الشعب ويصير في الدرى وحسب الحاية من أي اتجاه المهم يكون الشعب من أمام الهوري بحيث أن الموجة تجي مكسورة في هذي الحاله اللي عنده دوخة يقدر يرتاح وهذه الطريقة دائما يستخدمها الحواتين (الصيادين) اذا كانت الأحوال الجوية متقلبة أو يكون ناوي يقضي ليلة في عرض البحر ويكون في أمان أو يكون واحد ناوي يسوي غدوة أوعشوه لأنه يكون الهوري مافيه
حركه قويه من الموج عنما يكون في درى الشعب وبحكم البحرالأحمر يتميز بكثرة الشعاب المرجنية ستكون الطريقة جدا سهله لمن يبحر منه و أرجو العذرة على الأطاله لكن بحكم أنه أول مشاركة لي ومتحمس جدا لعلوم البحر وما فيه.

[liteon]

أخوي عضـو قديم.... الله يمنحك الصحة وبالنسبة للمضاعد ان شاء الله أمر الصيدلية وآخذ منها.
أخوي Marine بارك الله فيك... بالنسبة للتانكي ما راح يتعدى الربع ان شاء الله.
نور العزيز .... الله يحييك في مكشات وسعدت بمشاركتك وأتمنى لك التوفيق.

[gulfhunter]

السلام عليكم ورحمة الله وبركاته

حياك الله أخوي liteon............. الحمدلله على السلامه وان شاء الله الجايات أزين لك...... بس لاتحط شي في بالك توكل على الله .......... وإذا جاك الدوار ماعليك من اخوياك كلهم خبره ومرو على اللي انت مريت فيه ...... بس فعلاً خلك شجاع...... وخذ بنصايح الشباب......... والحبوب ممتازه ..........

ونصيحه لك اخوي واي واحد تجيه الدواخه في البحر ..... يحاول دائماً يجلس عند المكينه بالأخير ..... وحتى أثناء الصيد يفضل انك تكون في الأخير لأنه نوعاً ما يعتبر ثابت في البحر....

والله يوفقك ويبارك فيك

[جمران]

السلام عليكم ورحمة الله وبركاته...
الحمدلله على سلامتك أخي liteon
وتشكر على موضوعك. حيث استفدت
كثيرًا بكيفية مواجهة دوار البحر. والشكر
موصول لبقية الإخوان الذين أفدونا
كثيرًا... تشكرون مرة أخرى
بارك الله في الجميع
أخوكم جمران

[liteon]

الشكر موصول للمشرفين GulfHunter و جمران ...... وان شاء الله بعد العيد بتشوفوا الصيد اللي ما يحتاج.

[هواوي]

بسم الله الرحمن الرحيم

صراحه دوار البحر لي معه قصه رهيبه الله لا يعيدها

كنا في عباره في ماليزيا بين بيننق ولنكاوي في نص الطريق جاني دوار البحر ومن زود النحاسه نفسي حامت من الي جاهم دوار البحر قبلي وشفتهم يستفرغون فزادوا الطين بله

والله ما صدقت على الله اني وصلت وانا كنياعمي ما اعرف الطريق بغت تطلع المعده في البحر

رغم اني ركبت زوارق وعبارات كثير ولكن اول مره يجصل لي كذا

[hamoor77]

لمعالجة دوار البحر اشرب من ماء البحر مقدر غرفة يد وانشاء الله تروح عنك

[عاشق القنص]

اخوي دكرتني باخواني الصغار ادا اخدهم معاي البحر
واركبهم الطراد مساكين كل واحد يطلع الي في بطنه
نعطيهم ي شي ياكلوه ونقوله حاطين فيه دواء ((نخدهم))
يعني الي فيه دوار البحر عضه اي شي وقوله فيه دواء وهو
بياكله وبتشوفه يطيب ولا اخد الك ماي من البحر واشربه وانشاء
الله كلو خير وتحياتي
بومطير

[Alhzzen]

اشرب مويه للبحر او انزل اسبح شوي وتطلع 100 %%
والحمد الله على السلامة واذا جات سو من الطرق الي فوق


شكرا

[vip2000]

احسن طريقة قبل لا تطلع البوت (الطراد) ابعد عن اي شي فية سكر او حلى وحاول تاكل قليل من الموالح او اليمون
او قبل لاتطلع بنص ساعة اةساة خذ دواء اسمة ديزينل وبعدين كل اربع ساعات وهذ ترى طريقتي في البحر