الصحاري-KING
22/10/2005, 04:04 PM
اعتذر اعتذار شديد على الغياب عن هذا المنتدى ووالله ان افتقدت الردود على مواضيعي والتي كانت اشبه بمجلس للرجال اصحاب الشيم والذي تبرز فيه عاداتهم الاصيلة وطبائعهم ذات المعدن الاصيل ولو تدرون وش كثر فرحتي بالعودة ، ومن شدة فرحتي العودة هذي كاني اللحين قاعد اكشت بالبر معكم......المهم هذا الموضوع بمناسبة عودتي لكم[line]
الموضوع:
في احدى الرياض في شمال المملكة ما بين القصيم وحائل وعند ملتقى عشاق الرحلات البرية ومحبي الاثارة بالقرب من ساحة المنافسة(احد الطعوس)
عندما يكون الحضور الكثيف شبه يومي في ايام الربيع ... في هذا الجو المشحون بالأثارة كنت انت واقاربك وكلهم من الشباب وبحكم انكم من محبي التطعيس والمنافسة لم توفوتوا هذا الحدث ، وتقام المنافسة التقليدية بين سيارتين في قوة عزم السيارة وسرعة وصولها الى قمة الطعس قبل الاخرى.... فبينما هذه المنافسات تجري اكتفيت انت واقاربك بالتحليل مثلاً (انا اشوف ان راعي الشروكي ما يقوى حتى يقوم بالموتر ولد عمك يقول لالا انا اقول ان راعي اللاند بينجر على وجهه) وهكذا ... الى ان ازداد التحليل سخونة وفجأة قلت بصوت عالي والله لو اسوق بدا ل راعي الشروكي كان افوز بالراحة فــ سمعك راعي اللاند وزعل (وهو معروف بان ما احد يقوى على موتره حتى يسمونه هامور الطعوس) وقالك يالله (الميدان يا حميدان ) وانت معك باترول حقك (ولا اقصد التقليل من شأنه لكن الحق حق).
ملاحظة:
كل ما قامت منافسة بينكم (اولاد عمك يعني ) انت اللي تفوز فصعبة تعتذر للرجال قدام اخوياك ...فكر فيها
بعدين الرجال عند كلمته وانت قلت اقدر افوز عليه......... وش الحل برايك ....وهل تتوقع يا ترى انك بتقوى على اللاند وانت ما معك الا باترول؟؟؟
هل بتقول بلا هامور بلا لاند انا اوريك وتوريه وشلون التطعيس؟؟؟؟
او شي ثاني .......يالله انت وحظك الهامور يحتريك....
والموضوع هذا موب زي اول سرعة بديهه لا الحين نبي هوامير موب اي كلام
المطلوب باختصار:
1- وش بتسوي مع راعي اللاند وهل بتقبل التحدي
2- الطلب الثاني للهوامير الل قبلوا التحدي هل بفوز عليه؟؟؟
الموضوع:
في احدى الرياض في شمال المملكة ما بين القصيم وحائل وعند ملتقى عشاق الرحلات البرية ومحبي الاثارة بالقرب من ساحة المنافسة(احد الطعوس)
عندما يكون الحضور الكثيف شبه يومي في ايام الربيع ... في هذا الجو المشحون بالأثارة كنت انت واقاربك وكلهم من الشباب وبحكم انكم من محبي التطعيس والمنافسة لم توفوتوا هذا الحدث ، وتقام المنافسة التقليدية بين سيارتين في قوة عزم السيارة وسرعة وصولها الى قمة الطعس قبل الاخرى.... فبينما هذه المنافسات تجري اكتفيت انت واقاربك بالتحليل مثلاً (انا اشوف ان راعي الشروكي ما يقوى حتى يقوم بالموتر ولد عمك يقول لالا انا اقول ان راعي اللاند بينجر على وجهه) وهكذا ... الى ان ازداد التحليل سخونة وفجأة قلت بصوت عالي والله لو اسوق بدا ل راعي الشروكي كان افوز بالراحة فــ سمعك راعي اللاند وزعل (وهو معروف بان ما احد يقوى على موتره حتى يسمونه هامور الطعوس) وقالك يالله (الميدان يا حميدان ) وانت معك باترول حقك (ولا اقصد التقليل من شأنه لكن الحق حق).
ملاحظة:
كل ما قامت منافسة بينكم (اولاد عمك يعني ) انت اللي تفوز فصعبة تعتذر للرجال قدام اخوياك ...فكر فيها
بعدين الرجال عند كلمته وانت قلت اقدر افوز عليه......... وش الحل برايك ....وهل تتوقع يا ترى انك بتقوى على اللاند وانت ما معك الا باترول؟؟؟
هل بتقول بلا هامور بلا لاند انا اوريك وتوريه وشلون التطعيس؟؟؟؟
او شي ثاني .......يالله انت وحظك الهامور يحتريك....
والموضوع هذا موب زي اول سرعة بديهه لا الحين نبي هوامير موب اي كلام
المطلوب باختصار:
1- وش بتسوي مع راعي اللاند وهل بتقبل التحدي
2- الطلب الثاني للهوامير الل قبلوا التحدي هل بفوز عليه؟؟؟