Benelli سوبر بلاك ايقل 2 .......... >>>

[صياد الجبل]

بسم الله الرحمن الرحيم


كيفكم ان شاء الله انكم بتمام الصحه والعافيه



اخواني واحبتي اعضاء مكشات الكرام


ولد عمي يسئل عن شوزن


بنلي سوبر بلاك ايقل 2


يسئل عن مواصفاتها وقوتها


وتحملها ومداها


وافضل فشق يستخدم وافضل ضغط


لصيد القماري والشنانير ((الحجل))او مايسميه البعض بــ(( القهد القهب القهادي ))


المهم


......


وويسئل ايضا عن التشوكات وهذي الاشياء الى تأتي مع السلاح وكيفية استخدامها


وافضل تشوك وكم مقاسه


بالنسبه لسوبر بلاك ايقل2
......................................


وجزاكم الله الف خير


وجوزكم من الحور العين


...

[صياد الجبل]

20 مشاهدة تمر على الموضوع دون اي رد نبي العلم الوكاد الله يجزاكم الف خير

[قناص العويصي]

تكفون وش رايكم في دربيل كايت اليباني مقاس 24


10x قيمته عند الرماية بـــــ 1700 ريال

[صياد الجبل]

الله يهديك ياخوي

لو انك سلمت ولا قلت يفيدونك الاخوان

لاكن على طول تحط موضعك برد في موضوعي

المهم ...

انا ماعندي علم بالدرابيل ويفيدونك النشامه

بس غريبه مافي ولا احد من المكشاتيه افادني

وينكم ياذيابه

[صياد الجبل]

وينكم يااخوان مافي احد رد على موضوعي
http://www.mekshat.com/pix/upload04/images153/mk21527_5732_imgcache.jpg

ياليت احد يشرح لي هالصوره وخاصه الي محدد عليه بالقلم




يااخوان تراكم طولتم تمرون عالموضوع ولاتردون



تكفون ابي منكم الفزعه

[وبر الديره]

..... يفيدونك الاخوان ان شاء الله ...........

[صياد الجبل]

ان شاء الله جزاك الله الف خير على مرورك

[صياد الجبل]

ان لله وان الييه راجعون لا ليس للبيع بس ياليت اذا كان عندك خبره بالسوبر بلاك تفيدنا الله يجزاك خير


يااخوان وينكم مافي احد عطاني العلم ...

[شادي زمانه]

الله يحييك اخوي صياد الجبال اخوي الغالي انا ابي انقل لك موضوع واحد يتكلم عن البلاك ايقل وان شاء الله انك تبي تستفيد

بسم الله الرحمن الرحيم


الكثير من الاعضاء والزوار قد سمع عن السوبر بانلي وعن مميزاتها وبلا شك ان يكون متطلع لمعرفة المزيد عن السوبر بانلي اضع بين ايديكم هذاء الموضوع على امل ان يحوز على رضاكم


سوبر بانلي بلاك ايقل Super Black Eagle


(علم وفي رأسة نار) حائزة على الجائزة الذهبية من جمعية الصياد الأمريكية
فخر الصناعة الايطالية البندقية ذات الشعبية الأولى في الخليج والوطن العربي امتلكت قلوب الناس وتعلقو بها انها فعلاً بندقية الأجيال


خفيفة الوزن فلا يتعدى وزنها الثلاثة كيلو ونص ... الجوانب من الألمنيوم المقوى والشديد المقاوم للحرارة والاستعمال ... القطع الداخلية من الحديد المعالج بلفولاذ والصلب والمقاوم للكسر والحرارة العالية والتحمل مهما كان الضغط ... انسيابية وشكلها كلا سيكي رائعة بكل ما تحمل الكلمة من معنى


من مميازات السوبر بانلي ان مقاس فتحت الترباس هو الأعلى من بين البنادق ( 4/3 2...... 3 ...... 2/1 3 ) أنـــش


بمعنى انها تستطيع ان تأخذ جميع مقاست فشق الشوزل وجميع ضغوطة الخفيفة والعالية
مثل الموجود بهذة الصورة
http://img101.herosh.com/2011/01/07/972930372.jpg
ومع جودتها الا متناهية فهي سهلة الفك والتركيب ومعداتها بسيطة وليست معقدة او متعددها مثل الكثير من البنادق واشتغالها يعتمد اعتماد كلي بالضغط على الترباس . بمعنى : ( ان السبطانة ثابتة عند الرماية ولا تتحرك ابداً والترباس هو المسؤل عن الحركة والتبديل )


السبطانة وعليها غطى الماكينة
http://img101.herosh.com/2011/01/07/164165586.jpg
وهذي الملحقات الخاصة بالسوبر بانلي بلاك ايقل


المخازن الخارجية ( توصيلات اضافية)
http://img102.herosh.com/2011/01/07/286054339.jpg
وهناك الكثير من الصيادين يقومون بتغيير سبطانة السوبر بانلي وتركيب سبطانة ( بلجيكية أو كندية او يابانية) لأجل الحصول على دفع اطول (قذف الحلبي لمسافة بعيدة) وهذاء الأجراء لا يغير او يعطل السوبر وانما هي عملية ما يسمى (الترهيم) وللمعلومية ان السوبر بانلي بلاك ايقل 2005 قد تم تطوير هذة الخاصية بأستحداث شوكات طويلة وتقوم بعمل جيد جداً
http://img102.herosh.com/2011/01/07/920698076.jpg
واتمنى انك تستفيد من الموضوع

[شادي زمانه]

اخوي وبالنسبه للصوره ذي التخطيط الي على اليسار والي مكتوب 36gr هذا كميت البارود للفشق
والرقم 6 الي علي اليمين من الصوره هذا يدل على مقاس الحلبي
http://img102.herosh.com/2011/01/07/812426219.jpg

[صياد الجبل]

الله يجزاك خير وماقصرت ويرزقك ويزوجك من الحور العين

[صياد الجبل]

....وش افضل فشق للقمري... والحجل ... الشنير الجبلي ... وياليت تقولون لي افضل تشك للسوبر بانلي ..

[شادي زمانه]

....وش افضل فشق للقمري... والحجل ... الشنير الجبلي ...
هلابك اخوي الله يجزاك خير
بالنسبه للفشق للقميري في 7.5 على 36 او 7.5 على 32 هذا كله حلو
والشنير والحجل 6 على 36 او على 32 كلها ممتازه
واتمنى اني افدتك
تحياتي لك:good2:

[صياد الجبل]

انا اشهد انك ذيب الله يجزاك خير وماقصرت جاري الاتصال على ولد عمي

[شادي زمانه]

بالتوفيق يالغالي وماعليك زود يالنشمي والله يوفقك انت ولد عمك وفالك الصيد الطيب واي استفسار تحت الخدمه
تحياتي لك

[صياد الجبل]

الله يجزاك خير .. قسم بالله انك ذيب ..ولد عمي حب يققتني هاشوزن .. لانه يقول قوي ... بس هو حب يعرف عنا اشياء وكيف يستخدمه .. وش الفشق والشوكات الي ياخذه من ذي العلوم .......وهو ماعنده نت ...

وحب اني افزعله قلت مالي غير احبابي اعضاء مكشات النشامه .. مثلك ..

[حسين ابوسعد]

السلام عليكم (اخوي صياد الجبل) افضل تشوك للسوبر بنلي
هو التشوك( رقم1)وافضل فشق هو كاكا(ضغط 6*36)

[صياد الجبل]

حياك اخوي حسين ابو سعد

ولد العم شرا وباع
ههههههههههههه

والموضوع ترا له قرابة السنتين والحمدلله على كل

تحياتي للجميع