مشكلة في دبل الباترول

[أبوفهد-5448]

السلام عليكم ورحمة الله وبركاته


يأخوان انا مشكلتي إذا عشقت الدبل ومشيت

بالنفود اسمع صوت طقطقه قوية

وكل مازات الدعسه زادت الطقه


نرجو من لديه علم ان يفيدنا

وجزاكم الله خير ...

[ff-19]

اذا كنت تسمع الطقه بدون اللف يمين اويسار======جنزير الدبل950 ريال سعره
اما اذا مايطق غير اذا لفيت في اي جهة ==== راس العكوس الدفرنش الامامي يمين اويسار

[فهد بن مشبب العاصمي]

أخوي اذا صوت يطلع اذا دعست للموتر وجرت عليه سواء يمين او يسار او سيده او بترقى لك طعس وحس الصوت تقول صوت سنه تفرط فهذا جنزير دبل والمشكله حاليا في سيارتي

[كديان]

عليكم السلام و الرحمة
اشبك الدبل الثقيل بنفود هيار او تحت نفود و حط القير ب1
اذا طلع صوت طقطقة تحت رجليك او قعد الموتر ينتع يعني يفلت
فهذا جنزير الدبل
و افضل تركب دبل من التشليح استخدام ياباني نظفيات بالحيل ماجاهن كد
و الغالب اللي غيروا جنزير دبل ما كد فترة ويخرب
انصحك بدبل من التشليح موزون شد المصنع و ما فك
عادة قيمته بالقصيم راكب من 800 الى 1200
اعانك الله

[kmn]

ملاحظة ( ماهي كل الاصوات اللي تطلع من الجنزير والعكوس ) ترى فيه شيء اسمه الدفلك يطلع صوت .

على العموم اذا كان عندك عكس قدام فاحسلك تغير دفرنس كامل لأن قيمة العكس ياصل 2000 ريال والدفرنس كامل من التشليح 1500 ريال .

[أبوفهد-5448]

ff-19 مشكور يابعدي لكن الدبل يطق وانا أمشي بدون لفلفه

فهد بن مشبب الله يعيننا وياك

كديان المشكلة ان العمود الثقيل مايشتغل خير شر

وقصدك اني اغير الدبل كامل

وجزاك الله خير


kmn مشكووور يالغلا وماقصرتو بيض الله وجيهكم ..

[أبو الفهد]

أنصحك بما نصحك به الأخ كديان - أنا كان معي باترول 99 وصار فيه طقطقة نفس اللي أنت قلت - رحت للورشة وفحصه الميكانيكي بالطريقة التالية ( عشق الدبل ونتع بقوة - ظهر الصوت ) قال هذا الجنزير.
وأنا إذا كنت بطعس وشبكت الدبل يشتغل ولكن فيه طقطقة وكل ما زدت الدعسة زاد الصوت.
وأنصحك بأن تغير الدبل لأني غيرت الجنزير مرتين وما فاد ترجع نفس المشكلة بعد فترة.
غيرت الدبل واسترحت ( وإن لقيت دبل باترول شركة يكون أفضل ) لإن استعمال الشركات للدبل غالباً قليل ما هو مثل سيارات الشباب والله أعلم.

[سما الهاوي]

انا كان كعي نفس المشكلة ماخليت مكان اللي يقول عكوس واللي يقول جنزير ورحت لواحد ثقة قال اذا ما كان الجنزير حسابك علي وغيرته وماعليه الكلام له ثلاث شهور

[أبوفهد-5448]

أبو الفهد يعني أغير الدبل مرة وحدة واريح راسي من هالمشاكل ؟

وجزاك الله خير على المشورة

سما الهاوي اختلفت الاراء ومشكور يالغالي ...

[mhajer666]

السلام عليكم
1- شيك العمود تبع الدبل مايكون فيه فضاوه في الترس
2- جنزير الدبل اذاكان خربان يعمل تفليت في الدبل وتسمع دقه بس بيكون واضح بحيث مع كل طقه يضعف العزم ويمكن يوقف مكانه
3- يمكن فحص الجنزير عن طريق تعشيق الدبل بالثقيل وتلف الطاره يمين مره وتمشي وبرضه يسار مره وتمشي (طبعا على الزفلت) اذا طلع طقه من الجنزير وبتطلع طقه مستمره
3- شيك على الدبل ظاهريا من التهريبات او يكون فيه كسر بالجرم لانه يمكن يكون فيه فضاوه بترس الشجره الداخلي ويسويها
وبالتوفيق والشباب بعد ماقصروا

[هوايتي مكشات]

هذا جنزير الدبل يكلف تقريبا مع شغل اليد 1500 ريال

[كديان]

الاخوان ماقصروا
طيب انت تقول الدبل الثقيل ما يشتغل
طيب
الطقطقة تظهر بالدبل الخفيف فقط ؟
عصا الدبل يشبك على الثقيل ؟ او يرفض ؟
اذا كان الثقيل شابك يمشي الموتر ؟ او واقف ؟ يعني كان القير بالفاضي

[أبوفهد-5448]

السلام عليكم
1- شيك العمود تبع الدبل مايكون فيه فضاوه في الترس
2- جنزير الدبل اذاكان خربان يعمل تفليت في الدبل وتسمع دقه بس بيكون واضح بحيث مع كل طقه يضعف العزم ويمكن يوقف مكانه
3- يمكن فحص الجنزير عن طريق تعشيق الدبل بالثقيل وتلف الطاره يمين مره وتمشي وبرضه يسار مره وتمشي (طبعا على الزفلت) اذا طلع طقه من الجنزير وبتطلع طقه مستمره
3- شيك على الدبل ظاهريا من التهريبات او يكون فيه كسر بالجرم لانه يمكن يكون فيه فضاوه بترس الشجره الداخلي ويسويها
وبالتوفيق والشباب بعد ماقصروا


مشكووور على مروروك يالغالي

[أبوفهد-5448]

هذا جنزير الدبل يكلف تقريبا مع شغل اليد 1500 ريال


مشكوووووور

[أبوفهد-5448]

الاخوان ماقصروا
طيب انت تقول الدبل الثقيل ما يشتغل
طيب
الطقطقة تظهر بالدبل الخفيف فقط ؟
عصا الدبل يشبك على الثقيل ؟ او يرفض ؟
اذا كان الثقيل شابك يمشي الموتر ؟ او واقف ؟ يعني كان القير بالفاضي





المشكلة يابعدي ان الثقيل رفض يشبك مرة يعني مستحيل

والطقطقه بالدبل الخفيف هو يرجع للخفيف بس الثقيل بغى ينكسر القير وهو مارجع

[ساهرالليل]

اخواني انا عندي تقريبا مشكله مشابهه

وهي لما اشبك الدبل الخفيف والف يسار اسمع صوت طقات ورا بعض من جهة العكوس

ولما امشي سيده يختفي

هل المشكله من راس العكس او لا

وما الحل؟؟

بارك الله فيكم

[ساهرالليل]

طلعت من الجنزير

[ساهرالليل]

نبي حل جذري لمشكلة الجنزير

[ls1.5700]

اخوي ابو فهد لاتغير دبل ولا دفرنس مثل ماقالو الاخوان
غالباً المشكله تكون من جنزير الدبل
اعرضه موترك على ميكانيكي ممتاز ويشخص لك المشكله
اذا طلعت من الجنزير بسيطه
تغيره بدون فك دبل لانه الباترول يغير الجنزيز بدون مايفك الدبل