ماهو دربيلك المفضل ولماذا ؟ [الأرشيف]

عاشق الجبل

22/10/2005, 09:44 PM

السلام عليكم ورحمة الله وبركاته

حسب تجربتي المتواضعة ، هذا الدربيل يمتاز برؤيته الواضحة وبرودته على العين وخف حجمه ويمتاز

بتلبيسته المصنوعة من الربل المقوى الممتص للصدمات عند السقوط ( الأنسب للجبال )

اضافة الى أن صناعته نمساوية بدون بلد مشارك في التصنيع أو التجميع .

هذا هو الدربيل المقصود ولكنه غير متوفر الأن

مقاس 8×30
http://binoculars.alege.net/img/1881.jpg

البديل المتوفر الأن نفس الموجود بالصورة لكن لونه أسود وغير ملبس بربل

ابو فهد 171

22/10/2005, 10:24 PM

مرحبا أخوي عاشق الجبل

والله انا عندي الدربيل المفضل steiner الصقرll مقاس 30*8 الصغير سعره 475 ريال

تقولي لماذا أقولك صناعته المانية سعره رخيص بالنسبة لجودته حجممه صغير صافي مره

ويعتبر من افضل واشهر انواع الدرابيل وانصح فيه والتجربة خير برهان

عاشق الجبل

23/10/2005, 12:23 AM

الله يبارك لك فيه يبو فهد ..... ودربيلك غني عن التعريف وقيمته رخيصه على وزنه وصفاوته .

لكن اذا دربلت بالشمس لأكثر من 3 دقايق هل تدمع عيونك أو تحس بحرقان فيها ؟

شاص

23/10/2005, 12:28 AM

بالنسبة لي أستخدم Nikon Action 7-15X35
مشكوووووووووووووووور يابو منصوووووووووووووووووور الله يرزقك الحووووووووووووووووور

عاشق الجبل

23/10/2005, 12:49 AM

اذا هو الياباني يالشيخ شاص فهو مسكت :)

سحــاب

23/10/2005, 01:14 AM

اما انا ياجمـــــــــاعه فدربيلي المفــضل والذي استخدم منه نوعيـــن هـــو( سايــــز )
وهو الماني واستخدم منه نوعين احدهما ( 10*25) والآخـــر ( 7*50 )
ولها عندي قرابة عشرة سنوات وهو جيده وليست حارة على العين .

عاشق الجبل

23/10/2005, 01:43 AM

الأخ : سحاب ( السايز القديم ) لاغبار عليه وهو من أفضل الدرابيل لكن النوع الحديث تغير بسبب تصنيع عدساته في دولة

خارج ألمانيا حسب ماسمعت .

تتهنى فيه إن شاء الله

الصياد المحترف

23/10/2005, 03:04 AM

بسم الله الرحمن الرحيم
السلام عليكم ورحمة الله وبركاته
ابو منصور جربت كثير وعزالله ان الشتانير الألماني (N2) الي فيه نيتروجين مقاس 7×50 مجنون احسن من الزايس والايكا بس قهر ضاع بالبر واخذت للضلع نوع جديد منه صغير ومقاسة 10×30 مهبول للضلع قوي وصغير.

عاشق الجبل

23/10/2005, 03:39 AM

حياك الله يبوتركي

هل جربت السوارفيسكي الذي صورته في أول موضوعي ؟

حسب سمعته الحالية وتجربة الأخرين أنه لايعلى عليه :)

جربت منه أثنين لكن ماشاء الله ( الأخضر الربل ضاع في جبال الفقره وعساه حلال على اللي يلقاه ) :)

عزوز الليل

23/10/2005, 07:31 AM

الروسي مهب زين
على العموم جزاكم الله خير استفدنا وش الزين

كان

23/10/2005, 10:15 AM

اخوي عاشق الجبل اريد من حضرتكم التكرم بذكر محلات متخصصة في بيع الدرابيل لاني المحلات الي اعرفها تبيع الدرابيل مع اجهزه اخرى فلا اجد مبتغاي ولكم جزيل الشكر

عاشق الجبل

23/10/2005, 02:00 PM

صدقت أخوي عزوز الليل ( الدربيل الروسي فاشل )

هلا براعي الصفر

اولآ أبشر بالمحل اللي فيه درابيل عالمية على مستوى رفيق ....... لكن بشرط :)

نتسحر عند النياق وتذوقنا حليب الطيبات وبعدين نتفاهم :)

بلوتوث

24/10/2005, 11:46 AM

غير {الكالس }لاتدور مركب على البندق دربيل كالس تدريج خارجي روعه ومعي دربيل كالس ايضا وهو افضل من السوار فسكي من ناحيه البندق ولاهن شبيهات لبعضهن كلهن صناعه نمساويه

عاشق الجبل

24/10/2005, 03:05 PM

صدقت يالبلوتوث شتايري عليها كالس شد بلد لكن ( خيال )

بواسامه

24/10/2005, 03:13 PM

انا جربت بنتكس
شركه الحقيقه مشهوره بعدسات الكميرات
ويابانيه ميه بالميه
ونزلو دفعه درابيل وخذيت واحد من خمس سنين ومثل الحلاوه
وكل من جربه من الشباب مدحه بصفاه وبرودته على العين
وسعره معقول 460 ريال بس
ومقاسه 10 في 40
وانصح به :good:
والا الغالي اكيد ازين لان كل شي سعره فيه مو عبث والزين يفرض نفسه
بس مو معقوله اشتري دربيل 3000 الاف ريال :eek:
كان يقرون علي اهلي :D :D :D

عاشق الجبل

24/10/2005, 04:12 PM

هلا بوأسامة :)

وش يقول اللي تكلفة دربيل بندقه مع القواعد بــ 5200 ريال :(

لكن البندق تستاهل طال عمرك قيمتها 15000 ريال ومصرحة والبارح مسيومه بــ 23000 ريال ولا فيه آمل بيع

يكفيني اذا مديتها وقمت أشوف الصيد كنه عندي .... حزتها ماهمني لو قروا علي وكووني بمخطر مع الهامه :D

المطلق

24/10/2005, 05:02 PM

ممكن تورينا البندق اللي تتكلم عنها

وللمعلومية أنا معي دربيل جيشي ولا يعلا عليه

عاشق الجبل

24/10/2005, 06:02 PM

ستنزل صورتها غدآ إن شاء الله

بلوتوث

25/10/2005, 06:35 AM

دربيلك مكلفك ففوق الخمسه الاف الي على البندق طيب وشلون تقول انه شد بلد وايضا القناصه العاديه تقوم مقام الشتاير الفرق الوحيد انك تقدر تفك الدربيل وتركبه بدون ماتتغير الوزنيه فقط
اشتريها با23الف وشهوله وبلقا قناصه بموصفات افضل با 5 الى 8 الاف ان كثرت وصلت تسعه الاف اوتماتكيه بدون تعشيق
واسف على الرد القاسي وشكرا

عاشق الجبل

25/10/2005, 09:40 AM

الله يهدينا وياك يالبلوتوث :)

يعني دريبل بلدها مايباع في السوق ؟؟!!

اسأل عن سعره مع القواعد لدى الهدف في الرياض بشارع التخصصي ويجيك العلم وتزول عنك الشكوك .

ولاتنسى بارك الله فيك أن الشتاير على سبطانتها ضمان من الشركة ( موضوح بالكاتلوج ) على 100000 ( مية ألف طلقه )

ليتك تراجع مواصفاتها بالكتالوج أو تبحث بالقوقل أو حتى تسأل شخص غيري :)

ولو البندق ماهي من النوع الطيب كان ماسيمت مني بهذا السعر لكن ليتك تشتري أم 8000 وتصرحها وتعرضها للقناصين

عساها تجيب لك رأس المال :)

وأذا كانت النظرة مادية وأنا أخوك طق لك برنو g3 بقيمة تراب الفلوس ومعها دربيل يمشي الحال واذا أختفى التقاطع

بعد كم رميه علمني

وعساك على القوة :)

معليش ردي قويسي شوي والعين بالعين :):):)

كايد

26/10/2005, 12:39 AM

لاهنت

وجعلك دوم راعيها

بس بغيت انشدك يا ذيبان :

اولا شتايرك ؟؟هذي فيبر ولا خشاب؟؟

ما اقصى مدى قاتل ؟؟طبعا للصيد ؟؟مثلا الوعل ؟؟الوبر ؟؟الظبي ؟؟

كم تعطيها من 100؟؟وكم تعطي g3 brno من 100؟؟؟ولا سواري (جثري سور الالمانية )؟؟؟
لان الجثري البرنو تقريبا ربع قيمة الشتاير ؟؟

مشكور ...
يا ذيبان

ما ابيحك الا ليمن تجاووب على الاسئلة كلها

بواسامه

26/10/2005, 12:56 AM

الله يعطيك من خيرها هالشتاير
اخوي عاشق
ويكفيك شرها
وعز الله انها سلاح وتستاهل
ولي خوي مسيومه منه 25000 ولا باع

الوسم

26/10/2005, 12:57 AM

الدرابيل الزينه غااااااااااااليه ! لكنها تبرد الكبد
سعرها فيها ومثل ما يقولون 000 شييييييييييييك
والله يهني سعيد بسعيده

عاشق الجبل

26/10/2005, 01:08 AM

الأخ : كايد

البندق فيبر... مموه

ومداها 900 متر ( ليست مقتل ) ( السلاح دائمآ في بداية الطلقة ... قاتلة .... جارحة ... مؤثرة .

وأقصى صيد رميته على بعد 200 متر فقط

كان عندي j3 والصراحة أشهد لها أنا وغيري بخف الوزن ودقة الرمي ظهر ورخص سعرها ولكن يعيبها اذا رميت بها تحس

أن البندق ترجك بقوه .

القناصات البولندية 100% ( سعر بعضها 25000 ريال وفوق ومواصافاتها عالمية وبعضها ينافس الشتاير .

الشتاير 90% وهي مجربه ومشهود لها بالدقة ( بدربيل ) طبعآ وظهرها بلد خرطي إلا اذا غيرته الى برنو J3 وعيبها ثقلها

البرنو 70% وذكرت أيجابياتها و سلبياتها سابقآ لكنها تقوم بالواجب وزود وربعي صادوا فيها بدون .

وبعدبن يالشيخ كايد أنا أجاوب كل أخ شرواك بدون مايحللني :)

هاه حللني .... جعل أبوقرون ينطح عدوك :)

تسلم يبوأسامه ونصيحتي لخويك لايبيع لأن السلاح الطيب ماينباع لو بغالي الأسعار .

تسلم يالوسم .... وعسى الله يكفينا شر سعيده وخواتها :)

الصياد المحترف

26/10/2005, 02:38 AM

بسم الله الرحمن الرحيم
السلام عليكم ورحمة الله وبركاته
ابو منصور الصراحة الشتاير من افضل البنادق ولا يعلى عليها لكن بعض الناس ما يعرف قيمتها لأنها ما مرت عليه . وهذي صور لها وانواع ثانية :
http://www.mekshat.com/pix/upload/images11/mk15249_hnbvjuyrtvd.jpg

وهذي صورة للقناصة الي اتمنى مثلها وتكون دبل .
http://www.mekshat.com/pix/upload/images11/mk15249_kjnhfbgtdre.jpg

عاشق الجبل

26/10/2005, 02:41 AM

تعديل

المقصود القناصة ( الفلندية ) 100 % ( فلندا ) finlna

كفو يالصياد وعسى الله يرزقك بما تتمناه ( صورة الشتاير ماظهرت )

كايد

27/10/2005, 01:25 AM

اخواني
الصيد المحترف
عاشق الجبل

وكل الاعضاء شكرا لكم

وجزيتم خير

عاشق الجبل

27/10/2005, 03:11 AM

وإياك أخي كايد

بلوتوث

01/11/2005, 02:07 PM

السلام عليكم
بنقارن بين :الشتاير :والماوزر:والبرنو التشيكيه:والهكلر :والهورنيت.
الشتاير :مميزاتها : نمساويه لاتتغير وزنيتها اثناء فك الدربيل عمليه لك وللزمن دقيقه الاصابه :عيوبها ثقيله سعرها غالي
الماوزر :......:المانيه قويه دقيقه الاصابه لك وللزمن :عيوبها :ثقيله تردف صعوبه وزنها
البرنو:..:تشيكيه خفيفه دقيقه الاصابه لانقول انها بمثابه البنادق السابقه من ناحيه العمر ولكنا تعمرسهوله وزنها سعرها معقول عيوبها لاتوجد
الهكلر ...:لااعلم ولكنها اتومتكيه مثل الشاخوفه خفيفه :عيوبها:ضعيفه من ناحيه التعشيق ليست مطلوبه
الهورنيت:...:لااعلم ولكنا عمليه جدا ودقيقه الاصابه وصوتها خافت :عيوبها الرصاص غير متوفر يعني تصير مثل العصا
وافضلهن من جميع النواحي 1:البرنو2:الشتاير3:الماوزر4:الهكلر5:الهورنيت
واااااااللللللللللللللسسسسسسسسسسسسسسلللللللللللللل لااااااااااااااااااااممممممممممممممممممممممم عععععععللللللللليييييييييييككككككككمممممممم

الذبياني

03/11/2005, 12:15 AM

السلام عليكم ورحمة الله وبركاته..افضل انواع الدرابيل حسب رائي الشخصي ستنر اللاماني7x50صغيرالحجم خفيف الوزن بارد على العين سعره مناسب للجميع ممتاز لمقناص الجبل انشدوا محبين الوعول والوباره

حنشولي

04/11/2005, 06:41 AM

السلام وكل سنه وانتم طيبين وماقصرتم
اما بالنسبه للدرابيل انا افضل :
1الايكا 10×32 قزاز مايحتاج صفاوه وبرواده وصغر حجم وينباع في الرياض في العليا وسط سوق اليورمارشيه عند محل (مراد) وغالي
2 سوارفسكي 10×40 وهو ثلاث انوع وافضلهن المطور والي قبله و مايحتاج كلام وينباع عند محل (الهدف) على طريق التخصصي
3 السايز 10×40 . 8×30 ويباع عند الرمايه ويوجد منه الماني الماني وكذلك هنقاري

عاشق الجبل

09/11/2005, 12:28 AM

لاهنتوا يالربع

ومن لديه معلومات عن درابيل أخرى فلا يخلينا ليستفيد الجميع .

غيّام

09/11/2005, 01:19 PM

http://www.mekshat.com/pix/upload/images11/mk7099_swarviske.jpg

دربيلي المفضل وشكرا على الموضوع

عاشق الجبل

11/11/2005, 06:47 PM

ماشاء الله على هالدريبل ( سوارفيسكي مطور ) عزالله شريت دريبل

مبروك التوقيع الجديد ..... وهالقلاده اللي عليه :)

الضاري

11/11/2005, 11:36 PM

الدرابيل الزينه غااااااااااااليه ! لكنها تبرد الكبد
سعرها فيها ومثل ما يقولون 000 شييييييييييييك
والله يهني سعيد بسعيده

^^^^^^^^^^^^
^^^^^^^^
^^^^
^^
^

بلوتوث

01/07/2006, 05:02 AM

غير السوارفسكي لاتدور

محب الرمنغتون

04/07/2006, 01:06 PM

يا شباب
ابي أعرف اشهر المحلات المتخصصة بالدرابيل في مدينة الرياض 000 من فضلكم

ابو نقاء

04/07/2006, 01:29 PM

السلام عليكم اما من ناحيه افضل دربيل فهو سوارفسكي وبعده السايز وفيه ياباني توه نازل في سوق الزل شفته بس مايحضرني مقاسه بس جيد وصافي

ابرق العزاف

04/07/2006, 01:55 PM

:j اخواني افضل انواع الدرابيل عندي انا جولري ودربيل عبدالله صلاح الجهنى

بالمدينه ولايباع الا عنده غالبا وسعره غالي من 700 الى 750 وهو مرغوب
جدا حوالين المدينه 6*30

النوع الثالث هو / السايز الاصلى ممتاز

ولعلى ان شالله انزل موضوع علمي عن الدرابيل
قريبا بس اجمعه من الكتب والمصادر الاخري
و مانى باعرف للطباعه بالحيل 00000 تحياتى