وش يسوي الي وده يصير صقاار

[شريده]

بسم الله الرحمن الرحيم

ياعيال الي وده يصير صقاار وش يسوي يعني شلون يتعلم ودنا تفيدونا

[AL_36EEB]

وينك فيه كان بديرتنااا
فااا ابشر بالسعد تعال كل يوم معي وتعلم ان شاء الله ....

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخو/شريده
بعض المشاور يؤدي للموت .. كثرة مشاكل الصقاره ..واخاف ماتلحق خير من شوري
لكن الله يوفقك
فتى كتب بيت على صخره ومره الاصمعي ورد عليه ببيت
وقراه الفتى ورد بيت وهكذا حتى مات
الفتى
ايامعشــــــــر العشاق بالله بلغوا** اذا حل عشق بالفتى كيف يصنع
الآصمعي
يداري هواه ثم يــكـــتـــــــم سره ** ..............................
الفتى
إذا لم يداري والهوى قاتل الفتى ** وفــــــــــــي كل يوم قلبه يتقطع
الأصمعي
إذا لم يجد حلا لكتـــــــمان سره ** يموت وذا في حق المحبين انفع
الفتى ..
سمعناوطعنا ثم متنا فــــــبلغوا ** سلام على من كان للوصل يمنع
وجد الاصمعي الفتى ميت تحت الصخره

لكن في مكشات بتلقى كل خير اشور عليك بخوة الصقاقير
وتعلم منهم.. ونسمع شور باقي الأخوه
*
والسلام
الفيتو
الحجاز
2-2-1432هـ

[تميم222]

اخوي شريده ...قبل ما تنقل الطير ...اختر ((الرفقه )) اولاً وقبل كل شي ....وهذا اهم شي ..دور النا س تعين وتعاون ...:no2:ولا تروح للي يكسرون مجاديف الرجال وطيورهم ....تذكر كلاااااااااااااامي زييييييييييييييييييييين والله يوفقك يالخوي ...وفالك العلوم الطيبه ان شالله

[جلاد الحباري]

الللي وده يصير صقار لابد يحسب فالبداية انها هواية فيها مخاسير و السياره كل يوم بالصناعية بنزين كل يوم وفيها خطورة لا صار الطير يطرد وانت تسوق وعينك بالسما وفيها عوماس من قل الصيد وفيها اهم شي الخويا تراهم يحقلون على الصيد ويشفحونك حتى لو طيورهم صايده وانا مااقول كلهم فيه ناس تبدي خويها على نفسها وهذي للاسف قله واذا لقى الحبارى وانت ماانت بحوله ويهقى انك ماراح تشوفه هد عليها وقالك الجهاز طافي وانا اناديك على الكنود ماتسمعني والحبارى طيار شسسسسسسسوي هذي حركات الخويا للاسف الشديد اني اقول هالكلام وفيه ازود وخذها مني لاصار الهدد لطيرك وشاف الحبارى شوف العين سكت وقال الطير اطلع شسسسسوي هد هد وهد وصاد الحقال النصاب وخويه مالقى دوره مشكله لاصرت بتمشي على الهوايه هذه وخوياك مثل هالنوعية وانا ما اقولها عبث اقولها من واقع ماشفت بعيني ولا ودي احبط معنوياتك بس ابيك تعرف الصقاره يبيلها واحد ذكي ويلعبها صح مع الحقاله الحسدان الصقاقير الاغلبية منهم واعذروني هذي الحقيقة للي يبي يصير صقار اهم شي الخوي لازم يطبق كلام الرسول حب لأخيك ماتحب لنفسك وكان الله غفور رحيم

[عصام البلادي]

والله هي المقناص حلو وتسايله وماقبابله الرياجيل
لاكن تعب وتكلفه والمشكله اذ توعلت فيها نادر ماانسمع ان احد يترك المقناص وانا من راي انك تبعد عنها

[yasser1389]

تسمع نصيحتي لك لا تحاول لان فيها مرمطه على الاخر اذا انك غاوي تعب ادخل هالهوايه والله يوفقك

[الهدهد]

السلام عليكم ورحمة الله وبركاته
هذي الايام الصقاره فيها تعب وتكلفه وتاخذ من وقتك ممكن النهار كله.
لكن مفيده لانك تبتعد عن المدينه وتريح بالك شوي
اذا نويت تصقر اول شئ دور الرفقه الرجال الراكد والي يعرف الصقاره لان الي مو باله طويل يتعب ويترك بسرعه وبدأ بالطير الوحش الي ما تدرب لانك اذا بديت صح تكمل صح ولا تبالق بالاسعار.
بمعنا اخر لازم ترافق صقار او تاخذ نصيحته في كل مرحله .
اسمحلي على التعبير.

[أجود التميمي]

سلام ياللي ودك تصير صقار === واهلا وسـهلا ومرحبا يالشـريده
رفقة الطيب قبل نقل الاحرار === تسوى التعب وملاحقات الطريده

[صلهآم]

سلام ياللي ودك تصير صقار === واهلا وسـهلا ومرحبا يالشـريده
رفقة الطيب قبل نقل الاحرار === تسوى التعب وملاحقات الطريده

الله الله

صح الله لسانك

[النتاوي]

سلام ياللي ودك تصير صقار === واهلا وسـهلا ومرحبا يالشـريده
رفقة الطيب قبل نقل الاحرار === تسوى التعب وملاحقات الطريده


صدق من قال : وإن من الشعر لحكمة .
ـــــــــــــــــــــــــــــــــــــــــــ
صح لسانك ..

[falcon 1]

السلام عليكم ورحمة الله وبركاته


السلام عليكم ورحمة الله وبركاته
هذي الايام الصقاره فيها تعب وتكلفه وتاخذ من وقتك ممكن النهار كله.
لكن مفيده لانك تبتعد عن المدينه وتريح بالك شوي
اذا نويت تصقر اول شئ دور الرفقه الرجال الراكد والي يعرف الصقاره لان الي مو باله طويل يتعب ويترك بسرعه وبدأ بالطير الوحش الي ما تدرب لانك اذا بديت صح تكمل صح ولا تبالق بالاسعار.
بمعنا اخر لازم ترافق صقار او تاخذ نصيحته في كل مرحله .
اسمحلي على التعبير.

كلام اخوي الهدهد صحيح..الله يجزاه خير
وان شاء الله الاخوان ما يقصرون