الكوت الجيشي الزين وين نلقاه

[عزوز الليل]

يالربع انا ابي كوت جيشي قماشه الي يسمونه تمويه وين الزين ينباع فيه والي داخله فرو
ولكم خالص الشكر
اخوكم/ابوعيسى

[متابع]

أعتقد انك تلاقيه في محلات تفصيل البدل العسكرية فيه أنواع متعددة .

[شـهـاب]

اضن اني شفت عند السنيدي الي في القصيم

[عزوز الليل]

اخوي متابع محلات البدل العسكريه مايفصلك لو تحلم الين تكون معك بطاقه عسكريه الله لايحدنا لها
اخوي شهاب ماقصرت والله يعطيك العافيه

[غيّام]

عند الهدف اللي في شارع التخصصي انواع ممتازه جدا ومقاسات مختلفه وايضا عندهم بدل كامله للجسم تصلح لراعين النحم

[ابومرتاح]

المحلات يبيعك جاهز من حقات التموين.......بس خذ امريكي تفصيل امريكي حق التموين ....ما فوقه فوق

[عزوز الليل]

ابوي ابو مرتاح وش التموين ذا ووين القاه فيه
اخوي غيام شاكر لك

[متابع]

أعتقد ان قصد اخوي ابو مرتاح (بدل التموين) البدل اللي تجي قطعة واحدة كاملة للجسم
بس ما أدري موجود منها مموه لأني ما شفت منها غير اللون الاخضر الغامق ( الزيتي )

[عاشق النحم]

هلا والله رحت لم الهدف اللي بشارع التخصصي
يوم جيت قالي الجاكيت خلص اليوم بعناآخر حبة
قلت له متى بيجي قال بيتأخر ولا اظمن يجي عقب العيد

وسعره بـ600 ريال وعلى فكرة تراه أمريكي

ولقيت عنده أغراض تمويه مثل الطاقيه وبنطلون وفتيله شغل خواجات

عاشق النحم

[مهيلان]

عزوز الليل سلام عليكم

طلبك تلقاه عند الشيبان اللي يبسطون في احد شوارع البطحاء مقابل كبري البطحاء من الشرق في سوق اليمنه

وسبق ان شفته عندهم .... وناوي اروح لهم اخذ واحد
والسلام

[عزوز الليل]

اخوي الغالي مهيلان
الشيبان يبيعونك قماش وانت تفصله ولاكامل وبعدين قصدك الي عند بيع الجمله الي هم الشيبان

[ابو سلامه]

السلام عليكم ورحمه الله وبركاته
اخوي عزوز الليل
انا خابر اني قد شريت العام الماضي من الشيبان اللي بالبطحاء ولا جازلي لانه قماشه مروح
لاكن فيه بالبطحاء بعد كبري البطحاء العام مبنى تجاري اسمه مركز جمال التجاري
بأذن الله تحصل عندهم لانه يروح بسرعه النوع هذا اللي هو المموه العسكري وبالنسبه للجاكيت اللي عند
محلات الخياطه العسكريه يبيعونك لاكن بشرط انك تعطيهم صوره للبطاقه وتكتبلهم انك فصلت عندهم باليوم الفلاني جاكيت هذا والله اعلم
لاكن وصف المحلات هاذي بشارع الوزير

[شبوب]

لاتفصل ولا تشتري ولا تروح ولا تجي :D

شف لك أي واحد من معارفك " أخو.. عم.. حال.. . صديق " اللي شغالين بالقطاعات العسكريه ، قله تكفى الله لا يهينك " نبي وحيـــد " ، تراء كل عسكري عنده اقل شي ثلاثه ، وسنويا يعطونهم مع الشتاء جديد00!!

واذا تعرف " أحد" شغال بالتموين انعم واكرم ;)

[الوزير2326]

عليكم السلام ورحمة الله وبركاته


اخوي عزوز الليل كيف حالك طيب
انت تسأل عن كوت او بالطو يكون فيه فرو انا مفصل في محلات اللي على شارع الوزير في الرياض انا فصلت عند محل اسمه عبير الوفاء جنوب محل الجندي على شارع الوزير



اذا ماعرفت هذا رقم جوالي 0500885633 دق على وانا اوصفلك




وشكرا

[الشمطري]

السلام عليكم ورحمة الله وبركاته
بكل بساطة اشتر القماش من اي محل اقمشة (( غالباً موجود )) او محل الرحلات

ومر اقرب خياط وخلة يفصل لك على المقاس اللي يجوز لك

تحيــــاتي وكل عام وانتم بالف خير ومن العايدين

[عزوز الليل]

اخواني الاعضاء شاكر لكم تفاعلكم
وماقصرتم يالنشامى

[سعدسعود888]

بسم الله الرحمن الرحيم
السلام عليكم ورحمة الله وبركاته
اسمع وأنا أخوك
الجيشي الأصلي بكل أنواعه مايجي مبطن ألا بالنايلون
أفضل نوع الأمريكي وقيمته حول 500 ريال
وباقي الأنواع بعده كلها سوا(صيني- كوري-تايوان)
وكان لك قريب عسكري (خاصة اذا كان من التموين) يعطيك واحد
او اشتر من المحلات

[اسد رغبه]

الكوت الي تبغاه تلقاه عند السنيدي اللي في القصيم مثل ما قال الاخ شهاب لكن اعمل حسابك لاشياء ثانيه بتشتريها لان المحل اذا دخلته معد ودك تطلع منه

[مخـاوي الـذيب]

ياناس سمعت أنه ممنوع وتصادره الدوريه عند نقاط التفتيش هل هذا صحيح



0