استشاره .. وماخاب من استشار

[ابو سلمان]

السلام عليكم ورحمة الله وبركاته

الاخوة الكرام

طيري فيه من عند منخره كنه جرح طبعا من حزة البرقع من الجهتين يقول خالد العويدي عايدي طبيعي !!

بس نيست اسأله فيه لها مرهم او لا طبعا البرقع على كلامه مقاسه جيد عليه والله العالم كني اشوف انه ضيق عليه شوي !!

قلت اسأل اخوانا الصقاقير يمكن احد عنده مرهم ولا طب ؟

سؤال اخير هل تنظيف ارضية الطير بالديتول وتخفيفه بالماء افضل على فترات متباعده تقيه الحفاة ؟؟

والله يحفظنا وياكم من كل شر

[جير شاهين]

وعليكم السلام ورحمة الله وبركاته

مرحبا فيك أخوي ابوسلمان وحياك ربي


بالنسبه للحزوز الي من البرقع عاديه . شوفلك برقع اكبر شوي وانشاءالله تروح
وتراها صارت لطيري وخذتلى برقع اكبر والحمدلله راحت .


وتنظيف ارضية الطير ماتكلفك الى مسحه طبيه كل يوم بعد الوجبه

خلها في مخلاتك (الخرج) .

هذا والله اعلم .

[NooNo Go MezZ]

الله يشفي طيرك اخوي ابو سلمان
ورايي ان النظافه زينه باي طريقه كانت سواءً ماء وديتول او مسحه

[ابو سلمان]

جزاك الله خير اخوي جير شاهين

تسلم اخوي Noono Go

وبنتظار ردود الاخوان

[راعي برق]

بسم الله الرحمن الرحيم
ابو سليمان حياك الله وبياك ورفع بالجنة مثواك ...

انا عندي طير فية حفاة وراحت ابشرك اتبعت نظام علاجي دقيق مع الطير

اولا / اوكر الطير على ملح ( مع انة مفروض كل الصقارة يوكرون على ملح حتى لو ان الطيور سليمة كفوفة لان الملح يقتل البكتيريا الظارة )
ثانيا / انظف رجل الطير بماء وملح دافي كل يوم بفرشة اسنان والمفروض كل الصقارين ينظفون ارجل الطيور
ثالثا / لة دس ووكر خاص ما انقل بة اي طير والمفروض كل طير لة دسة الخاص لان الدس والوكر ينقل العدوى
رابعا / فية كريم عند المستشفى ممتاز جدا يدهن يوميا والمفروض يدهن اي طير ليس بشرط المصاب كل فترة
خامسا / تنظيف الوكر والدس يوميا بديتول و ماء علشان يطلع معقم ومفروض كل اوكار ودسوس الطيور تتنظف
سادسا / المسحة الطبية كل فترة
سابعا / توكير الطير على صفاة او حطبة او ما شابة ذلك علشان الارظية تكون خشنة
يوجد ملاحظة قالة لي شايب صقار قال ( اذا اعلفت الطير لا تبرقعة على طول خلة ينظف نفسة هو ادرى بنفسة )

وارجو منكم المعذرة اذا فية تقصير
اخوكم
راعي برق

[ابو سلمان]

اخوي راعي برق

بارك الله فيك على هالنصائح المفيده لكل صقار