ساكتون هوائي هات سان 95

[ع السمدان]

السلام عليكم ورحمة الله وبركاته

صبحكم الله بالخير ياجماعة

بالامس القريب اشتريت ساكتون هوائي تركي من نوع هاتسان اعتقد وقوته 95

من محلات الرماية

وكانت من مواصفاته انه مايرجع اذا كسرته وفكيت الامان وضغطت الزناد

لكنه رجع علي من اول يوم

وخربت الوزنية

رجعت له وحاول يضغط الزناد وهي مكسورة وعيت ترجع على حظي

وزينا الوزنية لكن احس انها تتغير بعد الرمي يعني بعد كل عشر مرات رمي تتغير ولا اقدر ارجع وماحد فاضي كل شوي يوزن من جديد

الناس اللي استخدموا الساكتون هذي وش رايكم فيها وشي اكثر عيوبها رغم ان قوتها تعتبر من اقوى البنادق كقوة .

[راعي الجمس200]

مبروووك ما اقتنيت بالنسبة للمشاكل فيها مشكلة وحدة الاي هي الوزنية تتغير بسرعة اما بالنسبى للاشياء الثانية ما اشوف فيها شى غلط

[الرحال تبوك]

السلام عليكم مبروك ماشريت عندي نفسها ونفس القوة ومن الرمايه بعد الي لاحضته ان القميري ماتتطرحه علئ طول لابد يطير مادري ليه وبعد شوي يطيح مع ان الطلاق الي جامعها بدون حربه والوزنيه ممتازه انا شريتها قبل عيد الاضحى والله يكتب الي فيه الخير
والضاهر اني بغير سستتها 45او 38 اذوافقونا الاخوان بهالاقتراح ومدري وشرايك انت.
السبب انها قويه وتتطلاع من الطير .

[قناص الأشهب]

بالنسبه لتجربتي مع التركيه كان مع موديل 88 وكانت فاشلة وترفع الضغط دائما تتغير الوزنيه ولكن الساكتون صراحا قويه جبارة وبالنسبه لطرح القميري خذ علم ترامن قوتها تخترق بسرعه هائله علشان كذا ماتحس القميريه بالرمية الا بعد ثواني هذا رئيي وقابل للخطء
موفق

[الرحال تبوك]

كلمت الرمايه عن سبب عدم طرحها الطير على طول قال انها قويه والصتمه صغير 5-4 وان اغلاب الي شروها يطلبون تغيير الماسوره (السبطانه)الى 5-5 اكبر شوي والرمايه طالبين كميه منها بهاذا المقاس لان عليها طلب من الزباين وهي تركب على طول على نفس البندق بدون تعديل والشركه موافقه بس ينتظرون التصريح
ونشوف
الميزانيهة عندي الحمدلله ممتازة جداَ 95

[كاشت 2011]

السلام عليكم ورحمة الله وبركاته

الف ممبرو ك السكتون

ولاكن كم اسعار السكتون النوع الاصلي


وشكراً

[ع السمدان]

مبروووك ما اقتنيت بالنسبة للمشاكل فيها مشكلة وحدة الاي هي الوزنية تتغير بسرعة اما بالنسبى للاشياء الثانية ما اشوف فيها شى غلط


أخوي راعي الجمس

اشكرك على اهتمامك والله يبارك فيك طال عمرك

انا اشوف ان الوزنية تتغير مع كل عشرين طلقة يمكن او اقل او اكثر احيانا

لكن القوة مانختلف عليها انها قوية جدا

والمشكلة اانا اللي قاهرني ان السوداني قال ان السكتون اذا كسرته وضغط الزناد ماترجع الماسورة حتى لو فكيت الامان وانا اكثر من مرة اكسرها وافك الامان واضغط الزناد عشان اختبرها وترجع الماسورة لدرجه اني حسيت انها مالت ميلان خفيف الماسورة ورجعتها عليهم عشان يسوي لها صيانه كامله

[ع السمدان]

السلام عليكم مبروك ماشريت عندي نفسها ونفس القوة ومن الرمايه بعد الي لاحضته ان القميري ماتتطرحه علئ طول لابد يطير مادري ليه وبعد شوي يطيح مع ان الطلاق الي جامعها بدون حربه والوزنيه ممتازه انا شريتها قبل عيد الاضحى والله يكتب الي فيه الخير
والضاهر اني بغير سستتها 45او 38 اذوافقونا الاخوان بهالاقتراح ومدري وشرايك انت.
السبب انها قويه وتتطلاع من الطير .

هلا وسهلا اخوي الرحال تبروك

الله يبارك فيك طال عمرك

بنسبة انها تطرح الطيور انا اشوف انها تطرح الطيور على طول لانها قوية جدا

لكن ياخي تعلك من كثر ماتختلف الوزنية وعشان ترجع تضبطها يبي لك وقت اذا كنت توزنها بنفسك ويبي لك نيشان ورق مثل اللي عندهم لين تضبط لكن تاخذ وقت وتعب

بالنسبة لتغيير السسته المشكله اخاف يروح الضمان حقها ويمكن ماتروح مشكلتها من الاساس

ازين مافيها قوتها للأمانه
واذا غيرت السسته وزانت معك علمني وانا اخوك :D

[رحال الصمان]

سوداني الرمايه الي بشارع التخصصي اكبر نصاب ويحاول بشتى الوسائل تشويه صورت محلات الرمايه واستغرب بقاءه في المحل

[ع السمدان]

بالنسبه لتجربتي مع التركيه كان مع موديل 88 وكانت فاشلة وترفع الضغط دائما تتغير الوزنيه ولكن الساكتون صراحا قويه جبارة وبالنسبه لطرح القميري خذ علم ترامن قوتها تخترق بسرعه هائله علشان كذا ماتحس القميريه بالرمية الا بعد ثواني هذا رئيي وقابل للخطء
موفق

هلا فيك اخوي قناص

كلامك صحيح مشكلتها دايما بالوزنية اما القوة اتفق معي ومعك الكثير على قوتها

شاكر لك تعليقك

[ع السمدان]

كلمت الرمايه عن سبب عدم طرحها الطير على طول قال انها قويه والصتمه صغير 5-4 وان اغلاب الي شروها يطلبون تغيير الماسوره (السبطانه)الى 5-5 اكبر شوي والرمايه طالبين كميه منها بهاذا المقاس لان عليها طلب من الزباين وهي تركب على طول على نفس البندق بدون تعديل والشركه موافقه بس ينتظرون التصريح
ونشوف
الميزانيهة عندي الحمدلله ممتازة جداَ 95

أخوي الرحال اقولك مرة ثانية اذا غيرتها وشفت انها زانت بلغني الله لا يهينك

[ع السمدان]

السلام عليكم ورحمة الله وبركاته

الف ممبرو ك السكتون

ولاكن كم اسعار السكتون النوع الاصلي


وشكراً

عليكم السلام والرحمه

يبارك فيك اخي كاشت

بالنسبة للانواع الاصلية هي الالمانية مع ان صارت المصانع حقتها بالصين يعني صارت تختلف جودتها عن الالماني القديم

بالنسبة للجديد الافضل هي الديانا اوو الفايروخ وهي الاغلى سعرها تصل إلى 1900 ريال للـي قوتها 90

والاسباني جيد إلى حد ما لكني تجربتي معه مدتها شهرين فقط

بالنسبة للتركي مابعد تاكدتنا من جودته بالنسبة لي لانه ماكمل معي شهر وكان فيه مشاكل بالوزنية وقيمته 950 ريال من الرماية

[بريداوي اصليm]

السلام عليكم ورحمة الله وبركاته

صبحكم الله بالخير ياجماعة

بالامس القريب اشتريت ساكتون هوائي تركي من نوع هاتسان اعتقد وقوته 95

من محلات الرماية

وكانت من مواصفاته انه مايرجع اذا كسرته وفكيت الامان وضغطت الزناد

لكنه رجع علي من اول يوم

وخربت الوزنية

رجعت له وحاول يضغط الزناد وهي مكسورة وعيت ترجع على حظي

وزينا الوزنية لكن احس انها تتغير بعد الرمي يعني بعد كل عشر مرات رمي تتغير ولا اقدر ارجع وماحد فاضي كل شوي يوزن من جديد

الناس اللي استخدموا الساكتون هذي وش رايكم فيها وشي اكثر عيوبها رغم ان قوتها تعتبر من اقوى البنادق كقوة .


وعليكم السلام ورحمة الله وبركاته
أولاً مبرووك والله يطعمك خيره ويكفيك شره
بالنسبه للوزنية أنا مثلك لدرجة أني من القهر ضبت الوزنيه
وحطيت صمغ جني :D وعيت تحرك إلى الأن له أكثر من 7 شهور ونا أطلعبه رحت للرمايه أبدور لي منشاف جديد
رحت وسألت وهو أعترف البايع الي بالرمايه
يقول أشين منشاف منشاف الأسبانيه قلت لوه توك تدري :D
قال فيه منشاف حديد ×حديد 70 ريال توه نازل يقول
خذه وإذا خربت الوزنيه رجعه وأعطيك قروش
أنا معي قاموو 27 شاريه للدخل فقط !
المنشاف حديد توه ناااااازل لايفوتكم يا راعين الأسبانيه
والتركيه
موفقين

[جنرال المدينه]

عليكم السلام والرحمه

يبارك فيك اخي كاشت

بالنسبة للانواع الاصلية هي الالمانية مع ان صارت المصانع حقتها بالصين يعني صارت تختلف جودتها عن الالماني القديم

بالنسبة للجديد الافضل هي الديانا اوو الفايروخ وهي الاغلى سعرها تصل إلى 1900 ريال للـي قوتها 90

والاسباني جيد إلى حد ما لكني تجربتي معه مدتها شهرين فقط

بالنسبة للتركي مابعد تاكدتنا من جودته بالنسبة لي لانه ماكمل معي شهر وكان فيه مشاكل بالوزنية وقيمته 950 ريال من الرماية



الله يرحم لي والديك والناس أجمعين
أبعد عن البندق الأسباني والله ما بها فايده عندي م28 والله أستخدامها زفت
أسأل مجرب!!!!

[ع السمدان]

وعليكم السلام ورحمة الله وبركاته

أولاً مبرووك والله يطعمك خيره ويكفيك شره
بالنسبه للوزنية أنا مثلك لدرجة أني من القهر ضبت الوزنيه
وحطيت صمغ جني :D وعيت تحرك إلى الأن له أكثر من 7 شهور ونا أطلعبه رحت للرمايه أبدور لي منشاف جديد
رحت وسألت وهو أعترف البايع الي بالرمايه
يقول أشين منشاف منشاف الأسبانيه قلت لوه توك تدري :D
قال فيه منشاف حديد ×حديد 70 ريال توه نازل يقول
خذه وإذا خربت الوزنيه رجعه وأعطيك قروش
أنا معي قاموو 27 شاريه للدخل فقط !
المنشاف حديد توه ناااااازل لايفوتكم يا راعين الأسبانيه
والتركيه

موفقين



الله يبارك فيك اخوي بريداوي

هذا طال عمرك يوم جيت اشتري الساكتون قالي انها ممتاز وانه يقارع جودة الألماني ومن هالكلام

انا مابي اضلم الساكتون لانه فعلا قوي جدا لكن مايعيبه الوزنية

اما مسئلة اني احط صمغ وكذا ياخي قهر والله اني اخرب شكل البندق

فكرت بالدربيل لكن الدربيل يبي له وزن كل فترة وهذا شي معروف

وشكلي بجرب المنشاف لعل وعسى

هي الآن مضبوطه برمي فيها هاليومين واذا تغيرت الوزنية بتوكل على الله واركب المنشاف

شكرا طال عمرك على التوضيع والمرور

[ع السمدان]

الله يرحم لي والديك والناس أجمعين

أبعد عن البندق الأسباني والله ما بها فايده عندي م28 والله أستخدامها زفت
أسأل مجرب!!!!


هلا فيك اخوي جنرال المدينه

انا زي ماقلت بالرد ان تجربتي مع الاسباني شهرين فقط وكانت جيده يعني ميب شينه لكنه ماطول معي

الاسباني ضعيف لكن بالدقة اشوف انه دقيق خاصة باللون الفسفوري والاحمر اللي يجي بالناضور حقه للي شوفهم الله بالخير <<:D

[قناص الخبر]

السلام عليكم يا اخوان بالنسبه للتركيه موديل 135 6 ونص مل هل تنصحون فيها ولا لا
انا 4 ونص جربتها ماتذبح الحمام جننتني

[بو يو سف]

السلام عليكم يا اخوان بالنسبه للتركيه موديل 135 6 ونص مل هل تنصحون فيها ولا لا
انا 4 ونص جربتها ماتذبح الحمام جننتني

نصيحتي لك اشتر الفايرخ والله انا اخذتها متحسف كاهي بالدرج المزانيه صعبه فيها

اذا لك نيه تشتريها تراها للبيع