كيف اضيف بطارية ثانية للسيارة ؟؟

[موبايلي]

السلام عليكم ورحمة الله وبركاته
يعطيكم العافية ... انا ابي اضيف بطارية ثانية للسيارة بحيث تكون خاصة بالجهاز والأمبي !
فالمطلوب كيف اشبك البطارية الجديدة او ( الاضافية بالاصح ) مع البطارية الرئيسية بحيث يكون لها مصدر يغذيها ؟؟؟ :confused: :(

[جفيل]

هلابك يالغالي

واظن فيه موضوع في خيمة تجهيز السيارات يتحدث بالتفصيل عن هذا الموضوع (( ابحث ))


وآسفين على القصور بس هذا الي اقدر عليه

[محب الشمال]

فيه موضوع كامل زي ما قال الاخ شايب سدير في خيمة السيارات
وعلى فكره الاخ المشرف المترو خبير في هذي الامور وان شاء الله يفيدك كثير

وعلى فكره في موضوع اخر بالمنتدى يتكلم عن جهاز يشحن البطارية ممكن تاخذه معك في السيار بعد شحنه بالبيت موجود عن ساكو

والله يوفقك

[موبايلي]

تكفون يا اخوان :(
تعبت وانا ادور هالموضوع الخاص بالبطارية الاضافية افيدوني ولو بس بالرابط
تكفوووووووووووووووووووووووووووووووون !! :( :( :(
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون
تكفون

تكفون
تكفون

[Abuanas05]

منقول من الأخ المتميز المترو
http://www.mekshat.com/vb/showthread.php?t=34875&page=2&pp=15

--------------------------------------------------------------------------------

السلام عليكم ورحمة الله وبركاته
الاخوان الكرام كلن بأسمه تسلمون على المرور والتشجيع
ولمن سأل عن البطاريه الاخ الوهاج ومحب الشمال والباقين

اخوكم راعي حربثه والبطاريه انا مركبها ولم تكلف الا تجهيزاتها انا مركبها شخصيا انا وواحد من المحربثين

وترى الموضوع بسيط جداً لتركيب البطاريه بنفسك اذا طبعاً تحب الحربثه وتتقن العمل او تستطيع تطبق التعليمات المترويه بدقه

1-مطلوب بطاريه نفس مقاس شد البلد من حيث الامبيرات 125 ريال وهلايام اظنها 145 ريال وهي ايسي دلكو رخيصه ومن وراء الاجهزه ولمبة الكبس

2-كيبل احمر من شارع الرين بالرياض طوله 3 متر او 4 متر ب 8 ريال للمتر ومقاسه اظن 6 ملي ناعم قله ابي سلك بطاريه ويعطيك وخذ انجليزي افضل
3- كيبل اسود 1 متر كافي للتاريض فقط يوصل لبدي السياره نفس مقاس الاحمر
4-سلك عادي صغير عشان توصل الدقمه بالكهرباء 2متر او اي سلك كهرباء للسياره
4- دقمه حقت الفروت القديمه او الجموس السوداء 90 ريال
5- رؤس حلقات جميع المقاسات لتركيبها بروس الكيبال للربط للمعلوميه يجي طقم 25 ريال فيه حوالي 24 راس مختلفه( طقم كنكترات كهرباء )
6- اصابع بطاريه عدد 2 بـ10 ريال
7- خرطوش للحمايه للكيبلين طول 6 متر ب3ـ يال للمتر
8- قاعدة علويه للبطاريه نفس اللي تجي شد بلد شريتها اظن 45 ريال من الوكاله
9- قاعده ارضيه للبطايه عند الحداد 15 ريال عباره عن 4 حديد زوايا لحمها مع بعض واخرمها على نفس الفتحات التى بالرفرف عشان تثبتها فيها 4 مسامير مقاس 12 او 13 مااذكر بالضبط هذه اللاوازم المطلوبه

ولم ايحدث ولله الحمد اني شفت منها اي مشكله لها الآن حوالي سنتان من ركبتها وكم واحد من الشباب مركبينها له لم يذكر شيء سيء فيها
وللعلم تراها مفصوله عن الاساسيه تماما اذا طفت السياره الدقمه تقوم باللازم تقفل الهرباء عنها
الدقمه تشتغل على السويك يعني تعبي فقط اذا اشتغل دينمو الكهرباء لانها تشبك مع لمبة الدينمو اذا طفت اللمبه عبت واذا اشتغلت قفلت الدقمه (تحتاج شرح اوفى هذه النقطه ودقيق وتركيز )
وكذلك الكيبل الاحمر يشبك ليس على اصبع البطاريه الاساسيه ولكن يوجد فيوز كبير بأصبع الكهرباء على البطاريه الاساسيه وفيه عدد2 مسمار فاضيه ومكان فيوز قبل الاصبع وعليه غطاء يوصل فيه اصبع الكهرباء الجديد وتضيف فيوز جنب الموجود نفس الشكل اظن 60او 80 وقيمته 5 ريال وهذا احياطاً عند حدوث اي مشكله بالبطاريه الاحتياطيه يقطع

واهم شيء جميع الشغل مرتب والاسلاك مخفيه بالخراطيش والمساكات اللي هي تاي راب بـ 5 ريال ولا تشوف شيء مختلف داخل الكبوت كأن مافيه شيء مضاف للسياره غير البطاريه والدقمه

التكلفه الاجماليه للوازم البطاريه الاحتياطيه 380 ريال فقط طبعاً شغل مرتب وليس شغل مش حالك مثل اللي يسوون بعض الورش للاسف كل الامور شطرطون وانت ماشي

وسوف احاول انزل موضوع بالصور عن اللوازم والطريقه بموضوع مستقل لاحقاً


ولكم وافر التحيا
المترو

[فتى الوادي]

السلام عليكم ...

ما فائدة تركيب بطارية ثانية ؟
وين ألقى الشغل النظيف الذي ذكر ؟
ويعطيكم ألأف وخمسائة عافية .

[محب الشمال]

بس بالمناسبة هل لا سمح الله تسبب البطارية الاضافية التماس في الكهرباء او اختلال بالبطارية الاساسية

وشكراً لك يا ابو انس وما قصر المترو قام بالواجب واكثر بكثير الله يجزاه خير ويحفظة

[موبايلي]

يعطيكم العاااااااااااااااااااااااااااااااااااااااااااافية :d
:d :d :d :d :d :d :d :d
:d :d :d :d :d :d :d :d
:d :d :d :d :d :d :d :d

[راعي العوجاء]

يا ليت لو فيه محل شغله ممتاز وسعره معقول لان للاسف ما عندي وقت

[البنتلي]

يا راعي العوجاء
فيه محل يحكر البطارية الاضافية لدرجة ان واحد من الشباب كان مركب بطارية اضافية عند ورشة قلعها وركب عندهم

ويعطيك ضمان لكن الشغل الزين يبي دراهم

والمحل فور باي فور
4x4

لا تنسى تدعيلي

[موبايلي]

السلام عليكم ورحمة الله وبركاته
يالبنتـــــــــــــــــــــلي عطني عنوان الـ 4×4 الفور باي فور

[راعي العوجاء]

ياليت عنوان المحل