زجاج الباترول ....

[صاحب نوماس]

ياشباب انا عندي طبق الخلفي حق الباترول

كليت مطب قوي شوي على الموتر وضرب الطبق الزجاج الخلفي وكسرة

اولا ابي اسئل وين افضل محل الله لايهينكم يركب زجاج علماُ اني بالرياض وان الزجاجة اللي انكسرت حقت الباب اللي علية الاستبنة

وثانياُ هل في طريقة تثبيت للطبق غير التخريم لة فالبدي


بيض الله وجيهكم على تحملكم لي والله لايهينكم

[سما الهاوي]

رح لزجاج السالم في الصناعية القديمة ممتازين جدا

[صاحب نوماس]

رح لزجاج السالم في الصناعية القديمة ممتازين جدا

ياليت وصفهم والا تليفونهم يالغالي

[هويدي]

مثل ماتفضل اخونا سما السالم ممتاز

والوصف ماعرف اسماء الشوارع اعرف ادرعمله :)

اسئل اي واحد بالصناعيه القديمه ويدلك عليه والاعضاء فيهم الخير والبركه

[سما الهاوي]

السالم ياطويل العمر على طريق الخرج القديم كما يسمى عند اشارة غبيرة يفتح جهة جنوب غرب ومحلة واضح جدا اي واحد بالصناعية يعرفة