المساعد الشخصي الرقمي

مشاهدة النسخة كاملة : سوبرفتك الخبير الكبير الفزززززززززززززعه


أبوبسام 0104
08/01/2011, 10:53 PM
مرجعي في هذا المنتدأ سوبرفتك ولايهينون باقي الشباب
معي تاهو باب واحد موديل 98 وطيت أمس المطبات اللي صغار يجن ورى بعض وطفى الموتر ابشغل وعيى يشتغل بس يدق جبت ميكانيكي وفحص الموتر ولقى دفع البنزين ضعيف مره علما ان الطرمبه مالها صوت اذاشغلت السويش حركت اسلاك التانكي مافيه فايده
نجي للمهم ابي واحد ببريده سبق رهم طرمبات فكسار ونجحت معه علما باني رحت للعثمان بالتشليح يقول طرمبة الفكسار بعضها تجي فيه بعدين مشاكل باللي الراجع عاد مدري وشو اللي الراجع يقول خذطرمبة شدبلد من العيسى اطلبها برقم الهيكل
وش رايك سوبر وين اروح لواحد يرهم لي الطرمبه او اخلي المكيانيكي اللي موقف موتري عنده يصلحه علما بانه يقول ركبت طرمبة جمس شد بلد بس ماسبق رهمت طرمبة فكسار يقول ابنزل التانكي وجب انت الطرمبه حقت الفكسار وابشوف وبصراحه انا محتاااااااااااااار
تكفى ياسوبر عجل بالرد
mhajer666
10/01/2011, 10:57 AM
اهم شي خط الراجع ما يلغيه وركب وتوكل على الله
على فكره الطرمبه بحوالي 560 ريال
لكن اذاحصلت طرمبه VXR V8 اسمها دينسو بحوالي 260 ريال
معي نفس موترك وركبتها ووحده بوحده
ولا تنسي الفيش بعشرين ريال
بالتوفيق
مسمار شداد
10/01/2011, 11:01 AM
انا مركب اطرمبه مكسيما ب 170 ريال يابانيه وليست وكاله
وممتازه
كديان
11/01/2011, 12:06 AM
شف يا خلفهم رح و انت مغمض لورشة الكهربائي العثيم بصناعية الرواف
باذن الله يضبط لك الموتر
أبوبسام 0104
11/01/2011, 12:59 AM
ياشباب لاخلا ولاعدم بيض الله وجيهكم على الردود
والموتر الحين عند العثيم ياكديان واتفقت انا وياه بيركب اطرمبة جيب لكزس لكن ارسلي اليوم يقول انها ماتركب وبحاول ارهملك طرمبه لافالون امريكيه تجي ثمان سرندل لكنها مستعمله اهم شي يقول ابقيس ضغطها اذا كويس ركبتها وقلتله عن طرمبة الفكسار قال حتى الاصليه اللي في السوق هي في الحقيقه ليست اصليه بمعنى الكلمه قلت الموتر عندك سوي اللي تبي فيه
كديان
11/01/2011, 01:12 AM
شف ياقلبي جميع ماقاله العثيم على مسؤليتي
لان العثيم رجال يخاف الله و ذمه و هذا من تجارب الزملاء اللي عاملوه و حتى من اعضاء مكشات
كلامه صحيح لازم يوزان بين ضغط الطرمبة و بين البخاخات
على ما يقلون حط راسك بالدرج ههههه
طيب اساله عن امكانية تركيب طرمبة فورد او طرمبة بي ام دبليو ؟ اذا كانت تجي اصليه
أبوبسام 0104
11/01/2011, 12:47 PM
ماتقصر ياكديان ونا أشهد إن العثيم رجل ذمه ماشاءالله عليه
ونا ابمره اليوم وبشاوره على طرمبة البي ام
والله يكتب أجرك
أبوبسام 0104
11/01/2011, 11:36 PM
أبشركم مريته اليوم وحصلته مرهم طرمبه حقت الظاهر افالون امريكيه يقول تجي ثمان سرندل
وسألته كيف ضغطها قال ممتاز وجربت وشغلت الموتر والامور إن شاءالله تمام
الله لايحرمكم الاجر ياشباب
راعي طويلات
12/01/2011, 01:10 PM
الحمد لله انه ضبط ولو تغير له صفاية بنزين أفضل علشان ماتضعف عليك الطرمبة