اريد عزبة بر تكون متكاملة

[klu7]

السلام عليكم ورحمة الله وبركاته

اريد عزبة بر تكون متكاملة للطبخ وتكون سهلة الاستخدام وسهلة الترتيب تأخذ عدة الطبخ والشاي والقهوة دون تزاحم وتراكم فوق بعض
وافضل صندوق للسكر والقهوة والشاي والرز والطحين وكل الاستخدامات تكون مقسمة اذا كان هناك من صمم مثل هذا النوع يفيدنا وشكرا

[ابوصالح77]

والله يا خوي مالك إلا تفصل على كيفيك

[اصيل نجد]

هلا ابوجهاد عليك بالقماش التنزاني وانا اخوك وابعد عن القماش الصيني

[klu7]

اولا اشكركم على الاراء

لكن التفصيل فكرت فيه وصممت وغيرت رأيي في اكثر من مره

لكني ابحث عن شخص يريحني بتصميم قد سبق ان احد سواه وارتاح

ونأخذ الفكره اما انا لا يهمني حجم العزبه بكثر ما يهمني خدمتها لي وسهولة وضع الاغراض

فيها وترتيبها بسهولة وتكون متكاملة بحيث لو ذهبنا عشرة يكون فيها اللي يكفي العشرة ولو

ذهبت بذبيحة كفت العزبة فإذا كان التصميم جاهز يكون افضل وشاكر لكم

[ابن حلاسه]

ياخوي ماهان تبارك

الشغله هينه وسهله وكل الطرق تؤدي الى روما على قولتهم

شف عندك السنيدي او برق الحيا او البريه او الكشاته او عروق الشمال او المرباع او اي محل في ديرتك ونق العزبه الوذفه وحاول تختصر ادوات البر لان الغرض من الطلعه التمشي وشم الهواء والترويح عن النفس مهوب نقل العفووش والعزب اللي مالها داعي

الله يذكر ايام عزبة البر يوم كانت ابريق ودله وقدر وصحن وكلها بكرتون صابون هههه

دمت بحفظ الله

[زهر النفل]

حي الغرابي فيه كل شي يخطر على بالك رح له واختر الي تبي

[البواردي...]

نبي صور اذا امكن

[بوخليفه77]

والله ياخوي
الشغله جدا بسيطه اذا ماكان يهمك الحجم والوزن
تقصمها مثل ماتريد وش تريد تحط واي محل لصنع الخيام يرتبلك وحده وعلى كيفك
تحياتي