سالفه مهمه..

[يكفيني نظرة]

السلام عليكم..
السالفه ان شاء الله بتفيد اللي يقراها..
هذا عمي باع سياره موديل 84 في عام 1985م تقريبا ..
المهم اخذ من المعرض ورقة مبايعه وراح وبعد كم يوم والا الباب يطق يوم فتح لقى الشرطه عند الباب ..
قالوا: الاخ فلان؟
قال: وصلتوا..
قالوا :اركب..
قال: على وين؟؟
قالوا: القسم ..
قال: وش السالفه؟؟
قالوا: بالقسم تدري..
المهم يوم راح والا الشرطه محصلين السياره بين مزارع مفتوحه بيبانها وفيها نقط دم وشماغ ونعال (اعزكم الله)..
قال: عمي انا بايع السيارة من كم شهر والاثبات عندي بالبيت المهم جاب ورقة المبايعه وسلم من المشكله..
* الفائدة: المحافظه على الوثائق المهمه حتى بعد الانتهاء منها..

[ساحووق]

يعطيك العافيه

قصه باسطرها قليله لكنها باهميتها وفوائدها عظيمه

بيض الله وجهك والله يكفينا الشر

[يكفيني نظرة]

شاكر لك مرورك والرد الكريم ..
وفقك الله ..

[You Like Me]

وعليكم السلام والرحمه

فك الله عمك من مشكله لها اول مالها آخر
المشكلة ان المعرض مايعطيك صورة من عقد المبايعة
ومافي نظام يجبرهم انهم يعطونك صورة او غيرة
يعني من تدخل اي معرض تلاقي خطابات المرور منثرة من كل جهة
ولا فيها اي شي يجبر المعرض بإعطاء البائع صورة من عقد المبايعة
ولو قلت له عطني صورة قال ممنوع
ولما صاحب المعرض وعيالة يتمشون على سيارتي وسياره غيري مو ممنوع
الله المستعان

[يكفيني نظرة]

وعليكم السلام والرحمه



فك الله عمك من مشكله لها اول مالها آخر
المشكلة ان المعرض مايعطيك صورة من عقد المبايعة
ومافي نظام يجبرهم انهم يعطونك صورة او غيرة
يعني من تدخل اي معرض تلاقي خطابات المرور منثرة من كل جهة
ولا فيها اي شي يجبر المعرض بإعطاء البائع صورة من عقد المبايعة
ولو قلت له عطني صورة قال ممنوع
ولما صاحب المعرض وعيالة يتمشون على سيارتي وسياره غيري مو ممنوع

الله المستعان


كلامك سليم اخوي لكن اطلب المبايعه بسياسه وبأسلوب لين لأنك في حاجتها وانا خابر المعارض وطريقتهم وربنا يفكنا من كل مكروه.:)

[الخزاعي2010]

الحمد الله فعلا ورقه المبايعه مهمه جدأ

وبعدين اي شخص يبيع موتره بعد اسبوع يروح للمرور ويطلب منهم برنت ويشوف الموتر باقي بسمه ولا نقلت الملكيه للمشترى

وذا كان الموتر باقي بسمه على طول يسوي بلاغ عليها

لجل تفك روحك من المشاكل

ومشكور اخوى على القصه

[يكفيني نظرة]

شاكر لك مرورك اخوي الخزاعي 2010وكلامك فعلا عين الصواب ..

[الباحث_6610]

الله يكفينا شر خلقه
والله انك صادق
والسالفة أتوقع مايحتاج خذ صورة من عقد المبايعة من المعرض وهذا حقك
لانك ماتدري عن ظروف الدنيا
انا بعت مرسيدس موديل 86 قبل خمس شهور وبعد المبايعة بأسبوع استفسرت عن السيارات الموجودة باسمي ولقيتها ما هو محول الأسم
للمعلومية السيارة الي تخرج من المعرض بدون نقل ملكية يغرم صاحب المعرض مبلغ 10000 ريال ويقفل لمدة شهر على ما أعتقد
من خلال كلام أحد الأخوان

[الصيهد.......]

جزاك الله خير
وكفانا الله وياكم الشر

[سديراوي 503]

جزاك الله خير