المساعد الشخصي الرقمي

مشاهدة النسخة كاملة : شاص 2011 لهل الخبره


قناصه
10/01/2011, 01:30 AM
السلام عليكم ورحمة الله وبركاته

مليت من كثر مالفيت المعارض ادور شاص وقررت اتسلف و اشتري جديد 2011

لين ربك يفرجها وش تنصحوني به

الافضل والارخص بريمي او اليحي او المعارض او اطلع للخليج

ابي فل كامل بدون رفرف

وسلامتكم
بلاتين
10/01/2011, 04:48 AM
انصحك تاخذ 2010 جديد يصير نازل سعره السعودي فل بدون رفارف ونش ودفلك مايفرق الا الخط شي بسيط ومن الداخل افخم الفرميكا في الطبلون الى الطفايه وعلى الابواب بـ113 الف جديد
المداوي2
10/01/2011, 11:06 AM
نصيحه لاتقرب السعودي
ajaa2009
10/01/2011, 11:35 AM
نصيحه لاتقرب السعودي
اخي جربت البريمي والسعودي بالعكس السعودي احسن من البريمي
الي له دعايه على الفاضي السعودي اخف نفس من البريمي والبريمي
ثقيل ويالله يشيل نفسه والسعودي الفل كامل احسن مواصفات من البريمي
والتخشيباالي على الخليجي كلهاقص وتلزيق والسعودي تجي ثابته ماتنشال
ajaa2009
10/01/2011, 11:49 AM
السلام عليكم ورحمة الله وبركاته

مليت من كثر مالفيت المعارض ادور شاص وقررت اتسلف و اشتري جديد 2011

لين ربك يفرجها وش تنصحوني به

الافضل والارخص بريمي او اليحي او المعارض او اطلع للخليج

ابي فل كامل بدون رفرف

وسلامتكم
نصيحتي لك اخي قناصه- وفردراهمك واشترسعودي فل كامل دلفك- ونش- نورمتحرك
مسجل سيدي وكاسيت-واريل رادو كهربائي-قياس حراره الجو-مراياكهربا-جنوط فضي-كفررملي-
امابالنسبه لنبه المرايه الي تجي بالخليجي تراه مركبه تركيب ولاهي شدبلده
والدليل انظر الى ديكور الباب من الداخل تحصل اثار المفكات على الديكور
هذهي نصيحتي لك وانت حر والله يوفقك
995
10/01/2011, 11:51 AM
اولا :الله يكتب لك اللي فيه خير .
ثانيا:افضل شي على الاطلاق هو البريمي بلا منازع والسوق هو اللي يحكم.
ثالثا:ارخص الخليجي هو اليحيى لكني ما انصحك تاخذه لاني اعرف اكثر من شخص فكو من عنده شيصان عشره ويوم غسلوهن من تحت لقوهن محليات.((ترى هالكلام مهب على اطلاقه)).
رابعا:السعودي غني من اني ابين انه حرامي.
انصحك بما انصح به نفسي خذ البريمي ولا انت امتحسف لانه شيك بالمخباه. والله ولي التوفيق.
شي ماشي
10/01/2011, 04:31 PM
استغفر الله الحي القيوم واتوب الية
قناصه
11/01/2011, 09:55 PM
سلام على الجميع

اولا الشباب اللي ردو سمعتو عن البريمي ذكرى الستين وان فيه مواصفات خاصة بالمناسبه والا؟؟؟؟؟؟؟؟ كل الشباب عندنا يقولون اصبر لين ينزل ؟؟؟عندهم علم والا؟؟؟؟؟

ثانيا لقيت شاص 2011 محدودب103 رفارف >>>>> ابيض<<<<<وانا ابي بيج اللي يبيه يعلمني واقوله على مكانه ولا ابي منه الا دعوة من قلب صادق بالعفو والعافية
بومعطش
12/01/2011, 01:37 PM
مرحبا بك ياغالي
وين مكانه ال2011ولاعليك أمر أرسله لي على الخاص
وهل هو سعودي ولاخليجي
وأصفار ولاماشي؟
بلاتين
13/01/2011, 06:50 AM
نصيحتي لك اخي قناصه- وفردراهمك واشترسعودي فل كامل دلفك- ونش- نورمتحرك
مسجل سيدي وكاسيت-واريل رادو كهربائي-قياس حراره الجو-مراياكهربا-جنوط فضي-كفررملي-
امابالنسبه لنبه المرايه الي تجي بالخليجي تراه مركبه تركيب ولاهي شدبلده
والدليل انظر الى ديكور الباب من الداخل تحصل اثار المفكات على الديكور
هذهي نصيحتي لك وانت حر والله يوفقك

كلام سليم وارخص ومضمون بالوكاله
خالد030
13/01/2011, 07:03 AM
البريمي افضل و البريمي برضة يدخل تحت الضمان والدليل انا رحت لوكالة تايوتا بعنيزة ودخل موتري ربع 2010 بريمي تحت الضمان ولقيت الوكالة مليانة بريمي
أطلال نجد
13/01/2011, 11:34 AM
أنا سمعت من خبير جيوب شاص أن السعودي أفضل من الخليجي من ناحية التجهيزات والتخشيب وفي درجة اللون أيضاً ( الأشهب ) !

لكن بالنسبة للجيوب الأخرى vxr - gxr - gx فالخليجي أفضل بلا شك
aBu_aBdAlSlaM
13/01/2011, 11:47 AM
كلهن مثل بعض وانا اخوك ولو اخذت من عبداللطيف جميل ابرك لك مضمون تمشي وانت مرتاح
هاوي سمر
13/01/2011, 11:55 AM
اخي جربت البريمي والسعودي بالعكس السعودي احسن من البريمي
الي له دعايه على الفاضي السعودي اخف نفس من البريمي والبريمي
ثقيل ويالله يشيل نفسه والسعودي الفل كامل احسن مواصفات من البريمي
والتخشيباالي على الخليجي كلهاقص وتلزيق والسعودي تجي ثابته ماتنشال



كلااااام سلييييييم والله انك صدقت

ونا مجرب الشيء نفسه
قطب 999
13/01/2011, 12:01 PM
ابعد عن ابو جميل تراه تلفيق في تلفيق ومامشى سوقه الا التقسيط والاجار بدون كفيل
مخاوي العريس
13/01/2011, 12:39 PM
يا إخوان البريمي افضل بأيش؟
أغلى ولا ضمان .. وحنا ننصح وإلأ ما داخل جيوبنا شئ
كان البريمي افضل بالتسعينات لأنه كان يجي تانكيين
وقزاز كهرب وقفل مركزي . . أما هالحين كلهن واحد
بس السوق ورى الدعاية . .والا شف سعر الشاص 2006 أو غيره من المستعملات
السعودي والبريمي (نفس النظافة )تحصلهن متقاربات بينما بالجديد الفرق أكثر من 10000
والله أعلم
المتحد
13/01/2011, 12:56 PM
وارد البريمي يتعد ابوجميل انشريت من البريمي وفتحت كرت ضمان ب96 ريال
جنرال المدينه
13/01/2011, 05:12 PM
ابعد عن ابو جميل تراه تلفيق في تلفيق ومامشى سوقه الا التقسيط والاجار بدون كفيل


والدليل روح لشركة تايوتا أنواع السيارات
من 2010 وأنت طالع بالخصوص كامري مصدومه والله يجبر مصيبة كل مسلم آميــــــــن
قناصه
13/01/2011, 10:17 PM
الله يبيض وجيهكم جميع ويوفقكم وينفعكم بعلمكم ويسخر لكم عباده وعلمه يارب ياكريم

ابومعطش عندنا بالقويعيه الاكيد اصفار وفيه رفارف>>>>>وابيض وعشان كذامادققت اذا تبيه انت او اي احد من الشباب من عيوني اجيب لك علومه كامله

بس ياشباب انتشر سالفة الستيني البريمي احد يعرف عنه شي والا وش قصته والا مواصفاته