ما ودي اللخبط وأخلي عمالة الصناعية تضحك علينا يمكن اننا احسن منهم

[اشاهين]

اخواني
السلام عليكم ورحمة الله وبركاتة
عندي يوكن 2002 اذا كان الجو بارد الصبح وشغلته قام تفتف وينزل مؤشر سرعة دوران المكينة حتى يطفي احياناً واذا سخن زي الحلاوة عزمة وشغله
انا احس ان احد البلوف يقفل واذا سخن الموتر فتح يمكن اكون غلطان .
مع العلم اني حريص على الصيانة وتغيير الزيت في حينه واسافر عليه دون اي مشاكل لاكن هذه المشكلة مقلقتني ولا ارغب اني اسلمه ورش تلعب فيه
ما رائيكم وما هو الحل
هناك نقطه اخرى ان مؤشر الزيت ينخفظ في الصباح حتى تضيئ لمبة شيك أويل بامب
اذا دعست بنزين يرتفع المؤشر الى النصف وهو لم يتعدى 1000 دوره في الدقيقة
افتوني في مشكلتي ولكم مني جزيل الشكر والامتنان

[mhajer666]

اذا بالرياض راسلني وادلك على واحد يظبطه

[المظل]

وعليكم السلام ورحمة الله وبركاته

اخوي عندك اللهاة حقت الدعسه فيها وسخ

يجب تنضيفها

ومكانها بين الثلاجه وخرطوش الهواء

[بدر00]

وعليكم السلام ورحمة الله وبركاتة

شيك على طرمبة الزيت احتمال يوكن فيها ضعف وشيك على الثروتل مثل مقال اخوي المظل

ودمت بود

[اشاهين]

بارك الله فيكم جميعا
اللهاة كما او الثروتل قد نظفته و استخدمت لها بخاخ تنظيف ومسحتها ولمعتها من جوا
اخوي مجاهد حاولت اراسلك على الخاص لاكن للأسف طلب مني خمسين مشاركه انا ما ودي اكتب اي مشاركه الا يكون لها هدف ومقصد لاكن جوالي هذا ولك جزيل شكري وتقديري رنه وقفل واترك الباقي علي

[اشاهين]

الشكر موصول للاخ مجاهد وصلتني رسالتك وانا بأنتظارك
سؤلاي عن نزول ضغط زيت المحرك الان لبقية الاخوة ماهو الحل وهل لابد من تغيير طرمبة الزيت ام استخدم زيت غسيل المكينة .
ارغب في سماع نصائحكم ومشاهدة مشاركتكم في حل هذه المشكل
تقبلو خالص تحياتي وشكري لكم

[ولد سعد]

وعليكم السلام ورحمة الله وبركاته

لا اخوي اذا حليت المشكلة الاول تبي تنحل معك مشكل الزيت لان فيما يبدولي ان تشغيل السيارة ضعيف فلذاك طرنبة الزيت لزم تصير ضعيفة فيصير ضخ الزيت قليل

[جساس5]

اذا بالرياض راسلني وادلك على واحد يظبطه






نبي نستفيد كلنا وصف لنا لو سمحت

[Faisal_1]

وعليكم السلام ورحمة الله وبركاتة

شيك على طرمبة الزيت احتمال يوكن فيها ضعف وشيك على الثروتل مثل مقال اخوي المظل

ودمت بود

احتمال طرمبة الزيت وانتبه لاتروح عليك المكينه واذا بتتأكد اذا شغلت موترك الصباح تسمع طقطقة البلوف ولا لا واذا سخنت تروح الطقطقه او تقل ؟؟؟؟

اذا صار عندك هالكلام اذذن الطرمبه فيها ضعف

وقبل كل شي تستحسن انك تفحص كمبيوتر راس مالها 100 ريال قبل لاتخسر بالسياره لان يمكن يكون السبب حساس برضو وينزلك ريس الموتر وبكذا الطرمبه ماتدفع

انا عندي طريقه تقليديه بالحالات هذي عشان اعرف اي المشكلتين وهي اشغل الموتر وادعس على البنزين بحيث اوزن الدعسه والريس يكون مثل ماهو شد بلد واراقب ضغط المكينه لو ظل نازل او ارتفع بس بشكل بسيط (اقصد انه مارتفع للنص ) هنا اقول ضعف ولو ارتفع للنص هنا نشك بأحدى الحساسات ونبعد الشبهه عن الطرمبه <<< متعوب عليها هالجمله مسويه جريمه
المهم ياخوي انا صارلي قبل فترة تفتفه بالموتر وتقطيع ولكن كنت متيقن ان البخاخات متسخه عندي وانا منضفهم من قبل بس خليت الموتر لين يوصل البنزين على النهايه وتوسخت مره ثانيه افادني نيسان 1990 الله يجزاه بالخير هو والشباب الي حطو افاداتهم وهي خلط الكيروسين مع البنزين وسويتها وتحصل افادتي موجوده بالمشاركه الحمد لله راحت التفتفه والتقطيع فلو تشك ان في مشكله بالبخاخات ماهي حساسات انصحك فيها
http://www.mekshat.com/vb/showthread.php?t=218300
هذا والله اعلم

[كديان]

اخوي شاهين
ادخل الرابط
check oil وش تعني الله يجزاكم خير (http://www.mekshat.com/vb/showthread.php?t=371383)

و شاهد ردودي الاخيرة روابط مدعومةة بالصور
و للمعلومية انتبه تغير طرمبة الزيت يفك فقط الكرتير و تغير سيلة ماصورة شفاط الزيت حق الكرتير
طبعا الماصورة تركب على الطرمبة و بين الماصورة و الطرمبة سيلة اظنه ب15ريا هي اللي تغير فقط
لا يضحكون عليك و تروح تغير الطرمبة
اذا طاح انبير الزيت تولع لمبة طرمبة الزيت لمبة حمراء و اذا ولعت تبدا بلوف المكينة مع العصافير تطقطق و السبب مايجيهن زيت
لكن دس بنزين دوسة وحده و راح بعدها يرقا الزيت و يرتفع الانبير و تطفى اللمبة و يختفي الصوت
وسبق صارت مع احد الربع بموتره تولع اللمبة جلست حول ال4شهر و ماضرت الموتر طبعا الصوت يطلع بالاسبوع او السبوعين مرة
و الصوت ما يطلع الا و الموتر واقف فقط

[العمده 0ون0]

اخوي شاهين
جرب غير فلتر البنزين