استفسار يا اهل القصيم .. اين اجد افضل محلات الرحلات

[شلة قنوص]

السلام عليكم ورحمة الله وبركاته
اخواني اهل القصيم انا ان شاء الله ناوي اروح القصيم وبما اني رايح القصيم ناوي اشتري عزبه من الالف الي الياء .
وين تنصحوني اروح وافضل محلات واسعار لو اكثر من محل مو مشكله واهم شي تحديد الموقع علشان نوصل للمكان
وجزاكم الله خير سلفا

[hot_line]

العزبه ما عندي خلفيه بالقصيم

بس اغراض العزبه روح محل الحماد ببريده

عنده اباريق كوريه مقاسين وعنده اتوقع ملقمه حقت القهوه ياباني

بالتووفيق عزيزي

[1711]

والله وأنا أخوك عندك محل السنيدي ومحل عرووق الشمال ببريدة متخصصين بالشنط
لاكن ما يمنع تمر الحماد بشارع الصناعه ببريدة تكمل .....

[bu hadi]

انا ماني من هل القصيم لكن اتشرف اكون منهم

لكن رحت كذا مرة

عندك السنيدي في بريدة

وعروق الشمال في بريدة

ومحل المرباع في عنيزة

هذول اشهر المحلات وكل الي تبية تلقاة عندهم

[احب بريدة]

الاخوان افادوك بمحلات الرحلات
اما المواعين واغراض الطبخ وخلافه فانصحك تمر الصانع 0 (اغراض جيدة وسعر معقول) وتاخذ منه الي تبي من الالف الى الياء , وموقعه بامتداد الطريق الي عليه السنيدي من الشمال (طريق الملك خالد )
تخلي السنيدي على يمينك وتجيك الاشارة , بعد الاشارة يجيك ساكو على اليمين اذا ودك تمره وتكمل اغراض وبعد ساكو بحوالي كيلوين يجي محل الصانع للاواني المنزلية .
وبالتوفيق ,,,,,,,,,,,,
وتقبل مروري المتواضع

[شلة قنوص]

بيض الله وجيهكم ولا قصرتو كفو والله

[جومانشي]

اذا تبي عزبه اشتر شنط عزبه فقط

وانت بعدها كمل الباقي من الاغراض

لان العزبه الجهازه ما تنفع بالمره

[علي بريدة]

اشتري بدي العزبة .. من محلات الحماد .. ولا عروق الشمال ..

ثم روح اشتري المواعين يا من ديرك .. ولا من محل الصانع ببريدة ..

ولا محل الباسم ابو خمسه ..





وياليت انك تشرفنا بفنجال قهوه اول ماتوصل بريده .. تشرفنا وتزيدنا شرف وانا اخوك ..

انتظر جوابك ..

[من البدائع]

انصحك الا تشتري العزبه دفعه وحده قد تشتري اغراض لا تريدها او لا تناسبك وتترك اغراض ضروريه

كل ما تحتاج غرض اشتره وضمه للعزبه كل رحله تحتاج اغراض اشترها

مع الوقت تجمع العزبه الي تناسبك من غير نقص ولا زياده

[mr.muhmmed]

مثل ما قالو

اشر العزبه من السنيدي ولا عروق الشمال

والمواعين من الصانع ممتاز جدا

لان المواعين عند السنيدي وعروق الشمال مبالغ فيها

[ابوالدحمي9]

السنيدي بلامنازع ثم عروق الشمال وكلهن ببريده

[طايربلي جنااح]

شف واناا خووك عندك محل المحيميد والحمااد بشاارع واحد ومقابلين للبعض عندهم الاغراض من دبه واباريق قهوه وشاهي وكواتم

اماا العزب فخذهاا من السنيد خذ تنزااني اصلي توهاا ناازله ررهيبه ومرر على عرووق الشمااال وعندك المرباااع كلهم ممتاازين
واي شي تبيه من بريده اناا مووجوود ولو تبي رقم اطلبه انت اامر واناا خووك

[msm5022]

علي بريدة وطاير بلا جناح بيض الله وجيهكم ولا يهون الجميع فعلا ترحيب بالعضو بالديرة والباقي ملحوق عليه

[القنصل,,,]

عليك بالسنيدي لاصرت ورطان .... يمنلك العزبه وكل الحوايج

لايردك الا السنيدي كل اللي تبي من الالف لين الياء بس الله يعين جيبك رايح ينزف من هالحمر هههههههه

[قناص حارتنا]

1-السنيدي ببريدة .
2-عروق الشمال ببريدة.
3-الرماية ببريدة.
4-المرباع بعنيزة.
5-الحسون بالبدائع.
6-المقناص بالرس.
7-مكشات بالرس.
8-السناف بالرس.
9-الخيمة بالرس.
10-روعة الصحراء بالرس.
*ولكن لا تعدى السنيدي افضل شي *

[بن حران]

سبحان الله وبحمده سبحان الله العظيم

[سمراني]

المرباع للرحلات بعد التوسعة والإنتقال للصالة الجديدة دورين ما شاءالله روعه وتنظيم وتنويع في البضائع وأسعارهم منافسة جدا .

[شلة قنوص]

بيض الله وجيهكم ماقصرتو وان شاء الله راح اخذ بجميع الملاحظات

[أبوجهاد التبوكي]

الإخوان فادوك...

[ابوعلي العجمي]

عليك بالصحراء بالرس شناطه بالصميم انا مجرب ثوابا روعة الصحرا عني عزبه منهم له خمس سنين وزي الحلاوة