المساعد الشخصي الرقمي

مشاهدة النسخة كاملة : 2004+2005+2006=الأجابه عند اهل الخبره والمعرفة والذوق الرفيع


الكرنشاف
10/01/2011, 03:08 PM
بسم الله الرحمن الرحيم
السلام عليكم ورحمة الله وبركاته.
بدون مقدمات ..
لمينا لنا كم قريش (تحويشة )والنيه انا نبي نشري لنا جيب تويوتا vxrكامل المواصفات فل الفل يخدم بـــــــــــــــر ســــــــــفر مدينه من بين هذه الموديلات 2004/2005/2006 بس احترنا على اي موديل نرسي ...السؤال الذي يسدح نفسه من غير احد يسدحه لو كنت مكاني ايهما تأخذ . اذا تساوت كلها من ناحية النظافة والمشي والمواصفات والأستخدام ؟
معللاً""اختيارك للموديل من حيث /المظهر العام / القوة / الراحة / التماسك على الخطوط الطويلة /الأتزان في الطرقات / الضوضاء/الارتفاع /.......الخ الخ ..
اذا كان هناك موديل اخر يتصف بجميع المقومات يذكر عدا (2007)..
شاكرا ومقدرا لطف تواضعكم وحسن صنيعكم وإفادتكم ....
ريف النشاما
10/01/2011, 03:14 PM
الله يوفقك للموتر الطيب اللي يخدمك ويريحك
..king..
10/01/2011, 03:46 PM
هلا بخوي
الصراحة اخذ ال 2006 بلا تفكير
فخم الى ابعد حد +نشاط + راحة مهب طبيعية +بالخط ما يسقط عليه الا اللكازس والكوابرس
العنابي 616
10/01/2011, 04:22 PM
2006 لأنه أفخم واحد فيهم و أجدد مديل
أما باقي المواصفات فهي نفس الشي بالضبط
شي ماشي
10/01/2011, 04:33 PM
استغفر الله الحي القيوم واتوب الية
الكرنشاف
10/01/2011, 07:39 PM
مستشارنا .. ريف النشاما ..





الله يوفقك للموتر الطيب اللي يخدمك ويريحك


جزيت كل الخير...ووفقت لكل خير ....
راشد ولد سعد
10/01/2011, 07:47 PM
لاندكروزر VXR 2006 خليجي .. مع الصور

http://www.mekshat.com/vb/showthread.php?t=370965
الكرنشاف
11/01/2011, 01:35 AM
اخوي ...king..
المهلي مايولي ..


الصراحة اخذ ال 2006 بلا تفكير



التفكير لابد منه وان لم يكن تفكير لم اختير ال2006



فخم الى ابعد حد




علل نوع الفخامة التي وصلت الى ابعد حد


نشاط





من اي ناحيه ..



راحة مهب طبيعية




كيف ذلك .


بالخط ما يسقط عليه الا اللكازس والكوابرس





واالبقيه .ماعندك احد..


سعدت كثيرا برايك واستفدت منه لاتحرمنا مما لديك ......
ابو محمد 2011
11/01/2011, 01:43 AM
انصحك بـ 2006 لانه اجددهم

واتوقع الاسطبات فيها فرق عن اللي قبله
sniper2009
11/01/2011, 01:45 AM
بصراحه مافيها تفكير 2006 ولاتشاور
RPM..5800
11/01/2011, 06:21 AM
2006 ولا فيه كلام


أولا
اللون الخارجي لؤلؤي ( أرغب وأجمل وأحلى وأروع من الابيض ) .. وهو ما يتميز به عن الالوان السابقه ..


ثانيا
يوجد شاشه وكاله ..


ثالثا
التغيير من ناحية الداخل .. ( الطبلون ليزر )


رابعا
التغيير من ناحية الخارج ( الاسطبات والانوار والشبك )





أبوولـيــد
الكرنشاف
11/01/2011, 02:09 PM
العنابي 616




2006 لأنه أفخم واحد فيهم و أجدد مديل
أما باقي المواصفات فهي نفس الشي بالضبط


زدتني معرفة .زادك الله سعة في الرزق
فكسار الأزرق
11/01/2011, 02:21 PM
كلهن مثل بعض ويفرق عنهن 2006 بالشكل الخارجي والديكور الداخلي
يعني 2006 أرغب إذا تساوت أقيامهن

بس تعال , ليش 2007 لا !!!
السحاب الثقيل
11/01/2011, 06:29 PM
خذ 2004 او 2005 حق بر وراحه وديره وخطوط الانوار الامامية زجاج ليس بلاستك مثل 2006
يعني بالعجاج مايتقشع وتعرف ديارنا 2006 تلاقي اكثر الموجود الانوار الامامية صفراء
الكرنشاف
11/01/2011, 10:49 PM
اخوي . شي ماشي
اللهم اني اسئلك من خير ما سئلك به عبدك ونبيك محمد صلى الله عليه وسلم واستعيذك من شر مااستعاذك به عبدك ونبيك محمد صلى الله عليه وسلم..
يكفيني نظرة
11/01/2011, 11:10 PM
لو انا مكانك اخذت 2006 اقل نوع بالمواصفات يعني يكفي فقط مثبت سرعه وبقول لك ليه بحكم اني مجرب..
انوار الزنون : ماتوضح بالخط ليلا الا بعد ان تسخن لكن اول ماتكشح العالي ماتشوف وقد بغيت اروح غلطه بسببها وكان موجود بوسط الخط ( كفر تريله ولا شفته زين بس انحرفت للاحتياط وفكني الله ) وفكيتها اول ماوصلت الرياض وحطيت غازية اقوى واوضح..
انوار 2006 تجي بلاستيك والركن متصل بها وهذا يعفيك من انفصال الركن لوحده بسبب حادث او غيره ويمكن تقول لي البلاستك يصيبه الرمل بالسفر ويخرب ارد لك واقول حلولها كثير مثل الغطاء البلاستك على كامل النور او مضاد الترميل عند محلات العوازل وانا طبعا تبهذلت من هالمشكله اللي هي انفصال الركن بالسفر..
الفتحه مالها فائده تذكر ولكن تفرق بالسعر واعطالها كثيره وصعبه تشتري موتر به فتحه وتخرب ولاتستفيد منها ولاتنسى انها ليست اساسية عشان تخسر فلوس عليها واتذكر خويي خسر عليها قرابة 400 ريال اصلاحات وصعبه تبيع الموتر وهي خربانه..
الفل كامل يزود فيه الكهرباء ويزود الاعطال التي لست مجبورا على اصلاحها والخسارة عليها ولكن من الصعب ايضا تركها لأنها قد تتلف عليك اشياء اخرى..
وبالنهاية اعتقد ان الكثير يشتري سيارة فل كامل ولا يستخدم كل المواصفات التي خسر من اجلها وانت اعلم بوضعك ..
اخيرا رزقك الله ماتتمنى وسهل امرك..
الكرنشاف
12/01/2011, 02:22 PM
راشد ولد سعد
ما شاء الله تبارك الله
الكرنشاف
14/01/2011, 04:42 PM
ابو محمد 2011
سعدت برأيك النير ...لا عدمناك
العزيز2008
16/01/2011, 09:36 AM
الله يوفقك ويرزقك
واحد مبسوط
16/01/2011, 12:34 PM
كلها واحد
اهم شي تلقى الموتر النظيف بغض النظر عن الموديل
لاته يمكن تلقى 2004 انظف من 2006

ولافيه الفرق اللي تقول انه يستاهل الا الشاشة
واغلب اللي عندهم شاشات مايستخدمونها لانها انجليزي
والاستخارة طيبة
الكرنشاف
17/01/2011, 01:51 AM
RPM..5800
ابو وليد.
لقد افدتني بما يتسع له صدري. فأنت. كالصباح اطفئ نور المصباح ..