هذه صورة عزبتي الخاصة المصنوعة من الألمنيوم

[عاشق الجبل]

السلام عليكم ورحمة الله وبركاته


فكرت كثيرآ بعد أن جربت الكثير من شنط العزب التي تنتهي بالكسر أو الطعج فجربت بعد ذلك شنطة

الألمنيوم .


كيف وصلت الفكرة ؟


لبست حوض الباترول بالألمنيوم الجميل المنظر الغير قابل للكسر والبارد في أيام الصيف للنوم وبعد أن

تبقى قطع منه طلبت من الورشة صنع شنط للعزب والحمدلله نجحت الفكرة بالنسبة لي حيث تمتاز بالأتي:


1- غير قابلة للكسر .... ولم تنطعج معي والحمدلله منذ سنتين وستة أشهر .

2- باردة صيفآ لتحافظ على مابداخلها من قهوة وهيل ورز ................ الخ .

3- وزنها خفيف وتحملها على كف يدك وطولها 24سم وعرضها 14سم وأرتفاعها 10سم

وتستطيع أن يضع بداخلها كل مايتعلق بالطبخ والقهوة والشاهي بمعاميلها والغازات الصغيرة

طبعآ بعد تلبيسها بقماش تنزاني لتستفيد من المخابي .


4- غير قابلة للصدأ .

5- لايدخلها الماء .

6- منظرها جميل وجذاب .






أترككم مع الصور



http://www.mekshat.com/pix/upload/images11/mk6834_16.jpg


http://www.mekshat.com/pix/upload/images11/mk6834_17.jpg


http://www.mekshat.com/pix/upload/images11/mk6834_18.jpg


والشكر موصول لأبوحمود ( راعي الأسيزو ) لتظهير الصور :)

[اسيزو 4x4]

السلام عليكم ورحمة الله وبركاته

ما شاء الله تبارك الله يا أبو منصور العزبة ممتازة وتستاهل واحد شرواك يا بعدي :good:

ولا شكر على واجب (( الصور )) أبو حمود يخدمك من عيونة :D

أخوك ومحبك في الله أبو حمود ...

.

[منتعش]

عزبة حلوه تشكر عليها .
بس ما أدري عن وزنها ؟ ثقيله أو خفيفه ؟
والله يوفقك

[عاشق المزون]

ماشاء الله عمل متقن بس اكيد سعرها مرتفع وين نقدر نفصلها فية اذا بالرياض وابو حمود راعي فزعة انا اشهد

[اسيزو 4x4]

السلام عليكم ورحمة الله وبركاته

مشكور أخوي الغالي عاشق المزون

أنا اشهد أنك ذيبان يا بعدي :D :good: وما أجي إلا من بعدك يالنشمي :) :good:

وأبو منصور يستاهل ... :good:

[عاشق الجبل]

تسلم يبوحمود .... وتفدى مواطيك :)


الأخ : منتعش الشنطة خفيفة جدآ تشيلها على كفك ومع ذلك تتحمل ( خير تجربة تانكي الماء الألمنيوم بالوزن )


الأخ عاشق المزون : سوف اصنع منها كمية قريبآ إن شاء الله .

[بواسامه]

الحقيقه دلع ياعاشق

بس لدي اقتراح طبعا قابل للرفض
لو تخرم الالمونيوم من تحت ب10 ملم
عشان الحتاحيت تنزل من العزبه على القماش
رمل ولا بقايا شاي ولا ملح

[عاشق الجبل]

كنك داري يبوأسامه كل بعد كشته أو كشتتين أفرغ العزبه وأقلبها علشان الحتاحيت على قولتك تطلع :)


على كذا يبي لي أخرم السدو بعد .... لأن قاعة العزبه من الداخل ملبسه سدو :(

[الأعصـــــار]

تسلم على هالموضوع ياعاشق الجبل أنت وأبو حمودو الله لايفرقكم عن بعض قولوا أمين

[عاشق الجبل]

آمين .... آمين .... آمين


أخوي الإعصار ويجمعنا معك ومع جميع الأعضاء والمشرفين في جنة الفردوس الأعلى من الجنة :)


أبوحمود نادر من نوعه وخدوم وراعي مواجيب ( شفت صورته عن طريق الجوال بالوسائط ) :)

[الشمطري]

السلام عليكم ورحمة الله وبركاته

بصراحة ابتكار رائع ( متين + مريح + خفيف الوزن )

الله يعطيك الف عافية

تحيـــاتي للجميــــع

[ابو ايمن]

عزبة ممتازة اخوي عاشق الجبل

وإن كانت لاتوجد بالسوق وصنعتها خصيصا لك

دلنا على مثلها ولك الأجر وإن صنعت منها شيء احجز لاخوك في الله وحدة

لك مني تحية عطرة وكل عام وانتم الى الرحمن اقرب

[عاشق الجبل]

ماتغلى عليك أخوي الشمطري


أبشر يبوأيمن لأني بعد العيد سأذهب بمشيئة الله تعالى لنفس الورشة وأخليهم يفصلون مقاسات جديدة لأن اللي عندي مقاسين

واحد كبير والأخر فيه صغيرنوعآما .

والقادم

الأولى : مقاس صغير للشاهي والقهوة .

والثانية : للطبخ .

[بدولوجيا]

1- غير قابلة للكسر
2- باردة صيفآ لتحافظ على مابداخلها من قهوة وهيل ورز
3- وزنها خفيف وتحملها على كف يدك وطولها
4- غير قابلة للصدأ .
5- لايدخلها الماء (( هذا اهم شي )).
6- منظرها جميل وجذاب .

هذا الكلام اللي يجمد على الشارب صراحه رائعه وشكلها جميل وامان يعني لو تطيحلك في بطناج ما تضرب حساب العزبه وتقعد تلفت

وحالتك حاله وتقعد تهوجس الظاهر انها انكسرت ولا انطعجت

مشكور يابو منصور

وكفو يابو حمود


اخوكم ابو سطام

[أبو يوسف]

شغل متكتك يا ابو منصور

بس الاطوال هذي للشنطة اللي بالصورة
لأن ارتفاع 10 سانتي ما ياخذ ابريق الشاهي ولا أنا غلطان

حسب الصور الاطوال مهب كذا وانت ادرى

مشكور
وفعلا هدية عليها العلم :)


تحيتي

[الجيب الربع]

شغل متكتك يا ابو منصور

بس الاطوال هذي للشنطة اللي بالصورة
لأن ارتفاع 10 سانتي ما ياخذ ابريق الشاهي ولا أنا غلطان

حسب الصور الاطوال مهب كذا وانت ادرى

مشكور
وفعلا هدية عليها العلم :)


تحيتي

هلا بعاشق الجبل

عزبه متكتكه ماشاء الله بس المقاسات هل انت متأكد منها؟

شكلها أكبر من اللي أنت كاتبه والا أبو يوسف وأنا غلطانين؟

تحياتي

[رسلان]

عافاك الله أخي على الابتكار والفكرة الجميلة ...
هل تكلف كثيراً ؟

جزيتم خير الجزاء ...

[عاشق الجبل]

كلك نظر يبوسطام ..... وباين عليك راعي صنف :)



أبويوسف ليتك تقهوى معي وتشوفها بعينك لأنها شايلة كل شي ويعيبها الصغر نوعآ ما وسوف أكلم الورشة إن شاء الله

بعد العيد لتضبيط عزبتين وحده صغيره للشاهي والقهوة والثانية الوسط للطبخ .

وبعدين لها قفل ومفتاح واحد خله في أحد مخبابيها والثاني مع مفاتيح الموتر وإذا جيت البيت أقفلها علشان لو نقصت قهوة

البيت أو الهيل ماتهجم عليها الشغالة حسب تعليمات المعزبه :):):)



أخوي الجيب الربع : تراها تشيل كل أغراض الشاهي والقهوة والطبخ والكاتم والدله والأبريق لــ 4 أشخاص يعني محفوفة

أضافة الى دبتين غاز وحده صغيره ووحده وسط .

وتراني ممترها بمتر ( ثوب الدفه ) تمتير صايم لكني متأكد أن حجمها بالثمنيات إلا شوي :)



أخوي العمده ( رسلان )

الشيء المكلف فيها لحام الألمنيوم واليد العاملة ( التلحيم والتطعيج على المكينة الخاصة لذلك )

كلفتني مع التلبيسه 200 ريال تقريبآ ولها أكثر من سنتين عندي .

[المشهور]

والله من جد شغل عدل وفكرة ممتازززززززززززززززززة مرة


عافك الله اخوي عاشق الجبل

[الضاري]

طيب

أخف من شنطة البلاستيك ( أقصد شنطة العزبة بدل الحديد بلاستيك )

وبالمواصفات نفس الوضع تلبيسه من برا ومخابي

[عاشق الجبل]

حياك الله أخوي مشهور وهذا من حسن ذوقك


أخوي الضاري .... الأوزان متقاربه وأعتقد البلاستيك أخف شوي ونفس طريقة التلبيسة والمخابي وحسب طلبك عند التفصيل

[راعي العوجاء]

مشكوووووووور

[عاشق الجبل]

ياهلا بك أخوي

[بدولوجيا]

يابو منصور اللي يدخلها الماء ماهوب اللي يخر منها الماء ;)

ونحب اللي متعوب عليه جعلك تسلم :cool:

وشغلك مرستك :good:


ابو سطام

[عاشق الجبل]

أبو سطام تراها تفدى مواطيك إن بغيتها ..... وإن صبرت ففي نهاية شهر شوال دفعه جديدة إن شاء الله

[الجفن]

يعطيك العايفيه يا عاشق الجبل فكره جيده رايح اشوف مثلها لاكن سوال بصيط العزبه ما تكون ثقبله شوي وشكرا

[nahham]

هلا اخوي خالد

رائع بالفعل جعلك تسلم يالغالي

هالحين العده لو ترميها من راس جبل ما يضرها شي ههههههههههههههههههه

على فكره القدر الكاتم المنسدح في الشنطه ماهو غريب علي

انا شايفه لكن افكر واسأل حاتم وارد لك

الله يحفظك

[أبو يوسف]

وتراني ممترها بمتر ( ثوب الدفه ) تمتير صايم لكني متأكد أن حجمها بالثمنيات إلا شوي

والله كنك داري
ما نمتر الا بمتر ثوب الدفة :)

مشكور والقهوة مخلوفة عقب العيد ان شاء الله <<<------- وش ذا النشبة

تروح وترجع بالسلامة


تحيتي

[عاشق الجبل]

الأخ : الجفن ..... الشنطه خفيفة بشكل ماتتصوره .



أضحك الله سنونك أخوي نهام ( يبي لك شنطة عزبه من المطاط المقوى ) علشان تدربيها من جبل طويق ولاتتأثر :)

مايحتاج تسأل الأخ : حاتم .... الكاتم صيني 5 ليتر :)



الله يحييك يبويوسف بعد عيد الأضحى ( علشان نحط لك من لحم الضحايا ) :) واحد بخيل :) لا والله حقك محفوظ يبويعقوب

ليتك تشيل هالبياله اللي بتوقيعك الين يطلع رمضان :):):)

[nahham]

سلام

ما تبون معكم زود واحد شاطر في الاكل بس ولا تراه تنبلي ما يعرف يصلح شي

[عاشق الجبل]

عداك العيب يالشيخ نهام

اللي يتنبل بالمقناص ولايتعب بالنهار نخليه طال عمرك يمسك خفاره بالليل لاتجينا السباع لأنه شبعان نوم بالنهار من التنبله:)

هذا غير تسبيع المواعين وتصليح البناشر وتهميـز القنوص عقب تعب الجبل :):):)

[nahham]

ابو منصور عندي اقتراح

لو تسوي منها عشرين او ثلاثين حبه كامله مع القماش وتجيبها معك لام رقيبه وتسوي فينا خير ونشتريها منك

وخذا تعابك وربح بعد حلال ولله الحمد ومضاف اليه دعاء كريم من الجميع

وانا اول المشترين

احجز لي وحده ولحاتم وحده

وانا متأكد ان الغالبيه يبون

تسلم يالغالي

[فلاجكو]

مشكورررررررررررررررررررررررررررر ...........

[عاشق الجبل]

أبشر يالشيخ هيام ........ متى الإجتماع ؟ ( على الخاص لاهنت ) :)



لاشكر على واجب أخوي فلاجكو

[بودحيم]

الف الف شكرالله يعطيكم العافيه الجهود الطيبه

[محمد بن ناصر الثبيتي]

اخوي عاشق الجبل


بيض الله وجهك على الشنطه

وان جبتها لام رقيبه في المزاين تراي ابغى وحده مثل ماقال اخوي نهام

وشكرا

[عاشق الجبل]

حياك الله يبودحيم

إن شاء الله ياولد روق :)

[الكونترولCONTROL]

شي جميل .... لكن ماذا عن الوزن ؟؟؟ أليست ثقيلة

[عاشق الجبل]

الأخ : كنترول

خفيفة جدآ ........ بشكل لاتتوقعه .

[al-nashmi]

ما شاء الله فكرة جيدة يا عاشق الجبل،،،

ولو حطيت لها مقبض يدوي كان ياسلام سلم...

ابي ارتب معك لي يوم وابي اشوفها عشان تفصلي وحده مثلها بلي تبي ....

[الكونترولCONTROL]

عزبتي صار لها معي 5 سنوات ..... و ابي لي 5 سنوات ثانية ان عطانا الله عمر و ادور عزبة مثلها !!!!!!!!!!
================================================== ========
شي غريب تقدير الناس للعزبة 1!!!!!!!!!!
مرة كشت مع اخوي ( قبل 10 سنوات ) بعدما تقهوينا قمت و غسلت الملقمة حقت القهوة .... من الخارج بالرمل و الليف و الصابون (( لمعتها )) تدري انه حرمني من الكشته معه طول ذيك السنة !!!!!!!!!! يقول ليش تخرب الدلة !!!

[عاشق الجبل]

حياك أخوي النشمي في آي وقت في بيتك وعند أخوك



أخوي الكنترول : رأيي أن نظافة معاميل البر من الخارج 100% مالها داعي لأنك ستستمر تنظف دايم اذا كان راعيها دايم

يطبخ على النار وليس الغاز .

ومن الضروري أن يكون للقدر والمعاميل اللي تتأثر بالنار تلبيسه توضع فيه لأنها غير نظيفه .

[صوح الجبل]

بيض الله وجهك ..... ياعاشق الجبل .... والله لا اقولها مجامله والله اعجبتني مره مره ماشاء الله ماشاء الله ... وكذلك كون الانسان يستغل مابقي من الاشياء لاشياء ان دل فانما يدل على التفكير السليم .... وفقك الله في ذهابك وايابك .

[عاشق الجبل]

حياك الله أخوي ( صوح الجبل ) وماقصرت يالغالي

[a.الخثلان]

شكلك قايسها بالأنش مو بالسانتيمتر خصوصا ما دامك قايسها بحق الدفة

الأخ كنترول

شعوري نفس شعورك جدا جدا جدا

هناك من الأشخاص من يتفنن بالعزبة وكل يوم له شكل ولو تمعنت قليلا لايوجد اختلاف كبير بين العزب وغرضها شيء واحد وكلها تقوم بالحاجة وفيها ترتيب وتنسيق محكم وأهم شيء يبقى البريق والملقمة سوداء ما تنغسل من الخارج مثل الي ما يشخلون حليب النياق ولا يغسلون الرطب
والظاهر ما يطلع للبر إلا عشان يصفف عزبته قدامه ويتفرج عليها وتلقاه ما يعداها ولا جاب خبر للربيع وياويل من لمس الضو حطيباته يحطها عويد عويد تقول نار سراج

وما غير صوروني جنبها
وفراشه مو بعيد عنه ولا أحد يجيه ويا ويل من قربه

وعاصب راسه الي يشوفه يقول جالس يطبخ قعود

وراحت فلوسة كل يوم شاري شكل جديد أما دافور ولا مسن ولا كشاف ولا سكين ولا مفصل شنطة أو فراش

والعجيب بريق صغير ودلة صغيرة

صراحة اذا ماكانت العزبة أكبر شيء فيها درزن سكاكين وملاعق ومماليس أشكال وأنواع وقدر كاتم أقل شيء أبو ثمانية لتر واكبر تاوة تنفع مقرصة وقدر أبو عراوي متحركة في وسطة قدرين ودلة كبيرة تقهوي عشرة رياجيل وترويهم وأباريق شاهي وحليب كل واحد أكبر من الثاني وصحنين كل صحن يجلس عليه أربعة بالراحة وخمسة ممتاز عليهم ناهيك عن ضياع اللواحق فيها من سمط ورز وسكر وشاهي وبهارات وملح وصابون وعدة نظافة وغيره

ولا لاتاخذ عزبة --------- أو لاتأخذ عزبة

وخل عنك شغل الضعافة
*********************************

أخواني أنا لا أنتقد أحد بعينة لكن كل يرى مقدار حاجته وأخونا كان عنده الأمنيوم زايد

وأنا لا أحب الدلة وبريق الشاهي الي تحطها في العزبة من يوم تصب بيالتين حسب التسمية أو كاستين أو فنجالين أو تديرها على الحاضرين وتحلى الجلسة إلا مخلصة الدلة (بسم الله ما أمدانا)
وتروح الجلسة في صلح قهوة صلح شاهي

أو يقلط غريب ويشوف هالدلة القنيمة محطوطة لخمسة رجاجيل

وجهت نظر ولا أحد يزعل

رسالة إلى بعض الناس خف قليلا على التولع بالعزب وما دام حاجتك عندك وقايمة بالغرض تكفيك

[فهيد711]

اخوي عاشق الجبل
تحية طيبة ومشكور على التصميم والفكرة الرائعة
تراني احتري وحدة وإلالالالالالالالالالالالالالالالالا ؟؟؟؟؟؟؟؟؟؟؟؟؟؟؟؟؟؟ (صادرنا اللي عندك )

تقبل وافر التحايا
فهيد711

[فتى التويم]

السلام عليكم ورحمة الله وبركاته

صراحه العزبه متعوب عليها وشكلها ماشاء الله وذيفه

الله يعطيك العافيه يا عاشق الجبل ويجزاك بالجنه

[ABU-AL-3eeS]

فكرة جميلة جداً
ياليت تعطينا التسعيرة كم كلفتك

[عاشق الجبل]

عداك العيب أخوي الزينون ومثل ماقالوا ( حلاة الشي راهي ) :)


بالنسبة للعزب فأبشرك المستودع غاص منها وعددها يجي له 9 عزب نصها ماله داعي ومن أيام كنت أشتري كل جديد :(

رسيت على 4 أنواع فقط وهي :


( 1 )
عزبه صغيرة جدآ بحجم شنطة الكمبيوتر المحمول ولكنها أعرض شوي أستخدمها للشاهي والقهوة اذا سكنت بفندق في

مكة المكرمة أو سافرت الى أحد دول الخليج لأني مرة طلبت براد شاهي حق نفريـن ويوم حاسبته طلع بــ 30 ريال :(

عمومآ هالعزبه معاميلها صغيرة جدأ تقهوي لها 3 أشخاص فقط مع قليلآ من القدوع ( حلوه قليلآ ) :)


حقت 3 دلال و 3 أباريق فقط



( 2 )

عزبة ألمنيوم متوسطة الحجم للطبخ فقط فيها قدر كاتم 8 لتر وكاتم 5 ليتر وقدر عادي 4 ليتر ودبة غاز متوسطة

( تم تفصيل هذه العزبة حديثآ ) + عزبة مخصة للشاهي والقهوة فقط .





( 3)

عزبة ألمنيوم متوسطة للشاهي والقهوة فقط مع كثيرآ من القدوع :) تكفي 6 أشخاص لمدة 5 ايام




( 4)

عزبة ما وراء البحار :) لمقانيص السودان وتحتاج لرجالين يشيلونا لأن كل شي فيها راهي ( قدر كاتم 22 لتر ) وبقية المعاميل .

ومركابه متر × نص متر عليها شبك + فرشه بيج 4 × 4 مفتوحة مع الوسط علشان المركابه وشبة النار وحط عليها كل

مايخطر على بالك : أبريق للشاهي وأبريق لتوفيح القهوة ودلة الحليب هذا من غير الي قاعد يشوي له أرينب وإلا وبر :)


والمقاسات التي قلت عنها أخوي الزينون فيها خطأ وسوف أطرح مقاسات العزب الجديده ووزنها وسعرها إن شاء الله







أخوي فهيد 711 .... والله تفداك كل عزبي المذكورة أعلاه ( خل لي وحده بس ) :)

وأبشر بالسعد وأنا أخوك بعد ماينتهي العامل من تصنيع المقاسات الجديدة بعدها لازم ألبسها سدو وتصير جاهزة .






اللهم آمين ....... وإياك أخوي فتى التويم




الأخ : عاطل

اولآ : اسأل الله العزيز القدير أن يرزقك الوظيفة اللي ترتاح فيها وراتبها ممتاز :)

ثانيآ : بعد تجهيز العزب الجديدة تتضح الأسعار لأني عطيت معلم الورشة قيمة لوح ألمنيوم واحد مع المماسك والفصالات لتفصيل 4 عزب 2 للطبخ و 2 للقهوة والشاهي

وبعدها يجي شغل يد العامل وتلبيس السدو ...... وبعده يتبين سعر التكلفة وتحديد الربح المعقول .

[اسـير الشـفـر]

حبيت اسالك اخوي وين ممكن القى واحد يفصل لي المنيوم على حوض سيارتي وبغيت اسالك واسال النشامى القراء وين القى الشنط الالمنيوم اللي تركب على احواض الجموس اللي شكلها تقول عزبة ولها قفل

وجزاكم الله خير

[عاشق الجبل]

الأخ : أسير الشفر


المواهب بالرياض يفصل لك الأمنيوم للحوض وكذلك ورشة أثير الرياض

وبالنسبة لشنطة العزبةاللي تسأل عنها فحسب علمي أنها في الغرابي ويمكن عند السليماني .

[المموه]

بسم الله الرحمن الرحيم
تفكير صحيح ان يتم الاستفاده من بقايا المواد التي نشتريها لعمل شيئا ما ولا نتركها للورش او غيرها او ناخذها للبيت تضيق علينا ونرميها بعدين . وشكل الشنطه جميل ومواصفاتها جيده ولكن الاطوال التي ذكرتها فعلا غير دقيقه 24سم و10 سم صغيره فضلا احضر المتر وقسها جيدا فقد تكون بعرض 80سم وعرض 50سم وارتفاع 50سم حسب الصوره مع الشكر .

[الكونترولCONTROL]

اخوي الزنون .... و لا يهون الجميع :::
بصراحة ما يهمني غريب ولا اخو ........ اللي يقلط عندي حياه الله على الموجود و ما ني متكلف شيء
و المجاملة ما للواحد عليها أجر ... ما غير يضيع قريشاته !!!!!!! .....

[path_poth]

السلام عليكم ورحمة الله وبركاته

حيا الله الشباب

أبو منــــصــــور؟!!!!!!!!!!!!!!!!!!!!!!!!!!



من وراي صاير تبيع عزب؟!!


وين اللي بيهدينا؟؟d:


يبيلنا كشته بهالعزبه وبال4800 (((ماشاء الله تبارك الله))))

[ابوفارسh]

الاخ عاشق الجبل
السلام عليكم
ارجو ان تدلني على الورشة يابعدي

[غيّام]

بيض الله وجهك يابو منصور وماشاء الله عليك ذيب عز الله انك جبتها ويبيلها براعة اختراع

تقبل تحياتي

[خلف]

عافية عليك اخوي عاشق الجبل على ذا الموضوع
وماقصرة

[أبو زكية]

مشكوووووور أخوي عاشق جبل
وأتوقع بعد أنها مريحة بالنسبة للتنظيف

[ملبق غلـــــط]

عاشق الجبل ماقصرت وراجع الخاص عندك الله يرحم والدينك

[ابوصالح77]

مع إن الموضوع قديم إلا أنه مفيد جداً
بارك الله فيك يالغالي
وجعله في ميزان حسناتك

[خط ليزر]

ماشاء الله والألمنيوم يتحمل المعاميل والسكاكين ويحافظ على العيشه من الحراره ولي قريب مفصل له وحده صغيره لحافظات الشاي والقهوه واكد لي ان الشاي يبقى فيها لاطول فتره مايبرد تحياتي للجميع

[محمد أبو حمد]

موضوع جميل من عام 2005