ما هي طريقة تركيب جنزير ماطور الحطب لإهل الخبره

[يا روح روحي]

بسم الله الرحمن الرحيم

السلام عليكم ورحمة الله وبركاته

شريت ما طور حطب مقاس 16 من عند ساكيو وممتاز بس مع الاستعمال ضعفة سنة الجنزير

رحت وشريت جنزير جديد نفس المقاس 16 بس وا جهتني مشكله لما اركب الجنزير يركب مضبوط بس لما اقص به الحطب يطلع الجنزير ما ادري ايش المشكله

هل له وزنيه محدده ام ان له طريقة معينه للتركيب

ارجوكم المساعدة لا ني تعبت من كثر الفك والربط

[حبران والمسمى]

اخوي فيه وزنية شف تلقاه تحت المسطره اللي يركب عليها الجنزير بين الماطور والمسطره تراه داخله شوي شبه مخفيه شكلها زي شكل الصاموله تقدر تشد او ترخي بعد تركيب الجنزير
علما اللي عندي - كوماتسو - واتمنى اللي عندك يكون نفس الشي
وبالتوفيق ياروح روحي

[Fahad75]

السلام عليكم
نعم مثل ما تفضل أخوي راح تحصلها على المسطره أو تحتها وعلى حسب ماركة المنشار
والله يوفقك

[اصيل نجد]

هلا باخوي شف طال عمرك فيه نقطتين مهمه وحطها بالاعتبار دائما للمنشار الاوله انتبه يركب الجنزير مقلوب
يعني تصير الاسنان حقته جهه المنشار يعني جهه الى ينشر لاانه بالوضعيه هاذي تشوف الجنزير يدور بسرعه والخشبه تدخن بس مايقص علطول اقلب المنشار زي ماقلتلك الشي الثاني انتبه اذا تبي الجنزير يعيش معك اطول فتره لايلمس حجار وهوشغال واراعه بالتزييت ترى التزييت للجنزير مهم جدا استعمل زيت خفيف .

[ابو باسل]

هلا باخوي شف طال عمرك فيه نقطتين مهمه وحطها بالاعتبار دائما للمنشار الاوله انتبه يركب الجنزير مقلوب
يعني تصير الاسنان حقته جهه المنشار يعني جهه الى ينشر لاانه بالوضعيه هاذي تشوف الجنزير يدور بسرعه والخشبه تدخن بس مايقص علطول اقلب المنشار زي ماقلتلك الشي الثاني انتبه اذا تبي الجنزير يعيش معك اطول فتره لايلمس حجار وهوشغال واراعه بالتزييت ترى التزييت للجنزير مهم جدا استعمل زيت خفيف .

كلام سليم ::::: انتبه من ان الجنزير يكون مقلوب

[شايب السبيت]

بسم الله الرحمن الرحيم

السلام عليكم ورحمة الله وبركاته

شريت ما طور حطب مقاس 16 من عند ساكيو وممتاز بس مع الاستعمال ضعفة سنة الجنزير

رحت وشريت جنزير جديد نفس المقاس 16 بس وا جهتني مشكله لما اركب الجنزير يركب مضبوط بس لما اقص به الحطب يطلع الجنزير ما ادري ايش المشكله

هل له وزنيه محدده ام ان له طريقة معينه للتركيب

ارجوكم المساعدة لا ني تعبت من كثر الفك والربط


وعليكم السلام
حط الجنزير على المجرى وعلى بكرة التدوير ثم شد البكره ثم اوزنها ثم اربط على الصاموله
والوزنه الصحيحه ان يكون فيه ارتخى بسيط في الجنزير . ومثل ما قال اخوي اصيل نجد التزييت ضروري وانصحك بزيت في ساكو علبته لونها ازرق وعليها صور عدد
من ضمنها منشار حطب . واذا عندك زيت قير سياره اتوماتك يكفي ويفي بالغرض
وانصحك بسن سلسلة المنشار بالمبرد المخصص له (يجي مع المنشار)
الجنزير يبرد حده مثله مثل السكين

اذا تقدر تنزل صور للمنشار يكون افضل

[Abdullah_uk]

الشباب ماقصروا وانا ماعندي خلفيه عنه

[يا روح روحي]

الله يعطيكم العافية

وانشاء الله نزل صور

[رماح طاشا]

انت اكيد شاد الجنزير لكن مقلوب مثل ماقالو لك واهم شي مره مره الاماره اننننننننننننتبه

[سامي666]

كيف الماطور عملي معك ..~

[الساهر2003]

الجنزير مقلوب

[ابو دحيم5555]

انتبه منهن تراهن خطيرات بالحيل

والله ييسرك

[abdulrhmank]

بيض الله وجيهكم ..جميعا من صاحب موضوع ومن رد عليه ..
القصة يا شباب ...ولد عمي عنده منشار خشب بنزين كاماتسو ..وعندي حطب كبير في الحوش ...ويوم قلت أبي المنشار عطاني وأشغله ...وأحاول أقطع يفحط ..ويطلع دخان ...وخفت يشب المهم قلت يا ولد ما لك ألا مكشات ..وولد عمي ما له خبره ..كثير ..ويقول عطاه شخص اخر يقطع فيه حطب ....ويمكن الخلل فيمن أعار اليه المنشار ...اللي صار ..أني أخذته وما أعرف أشغله رغم كان عندي كهربائي زمان ....
اللي صار ..بحثت بقوقل ..ودخلت الموضوع هذا ...وجبت الحل من هذا الموضوع بصراحة ..وأمانة ..
وجدت الجنزير مقلوب ...هههههههههه وغيرت أتجاهه ..وشغلته وقص ماشاء الله مثل ..السكين ...
اقول الله يخلي لنا مكشات ......والله سيارات وأعطالها ....وكل ما يختص ..بالبر وبالوناسه ...فالله يخلي لنا مكشات ...بارك الله فيكم وشكرا كثيرا لكم ....
محبكم ...