افيدوني في سيارتي

[سيل الجرير]

السلام عليكم ورحمه الله وبركاته

اخواني انا سيارتي باترول 2001

كلبليتر بنزين طبعا
المشكله هي

اذا مشيت مع خط ورفعت رجلي عن دواسه البنزين
بسرعه يطلع صوت ضربه قويه مع الشكمان
يعني زي صوت البندق:D
فياليت تفيدوني

[دل البحار]

لا مشكله
عندك مشكله في الكلبليتر يبغالك تروح ميكانيكي ضروري لانه بيخرب عليك الكربليتر وما يصلح تاني

[مكشآتي للآخر]

الظاهر ان ماخاب ضني عند خويي ددسن ونفس الحالة ..واحد من الورشات يقول :فية بلف مسكر

[الكشّات]

والله ياخوي ان ماخاب ظنّي يمكن المشكلة من البنزين لأن بعض المحطات يغشون في البنزين يخلطون معه مادة أخرى مثل القاز وما شابهه وانا قد صار لي مثل هالمشكلة يوم رحت للجنوب انا وناس من الربع وكانت سيارتنا باترول فتك 2003 وعبينا بنزين من إحدى المحطات على الطريق المهم صارت هالمشكلة وقام يوسوس راعي السيارة يوم وصلنا الجنوب لقينا الربع واجد الي يطعطعون واكتشفنا انه من البنزين يعني لاتعبي الاّ في محطة تثق فيها مثل الدريس أو نفط وغيرها من المحطات المشهورة
والله أعلم

[_دربيل_999]

اخوي افحص نظام اشعال الوقود ووزن كمية الأكسجين الداخلة للكربريتر..

شيك
اسلاك البواجي
والبواجي
فالشعلة اذا كانت ضعيفة تسوي كذا..
اجمل تحية..

[سيل الجرير]

لا مشكله
عندك مشكله في الكلبليتر يبغالك تروح ميكانيكي ضروري لانه بيخرب عليك الكربليتر وما يصلح تاني



حياك الله يادل البحار
الموتر كان يطلع مع شكمانه دخان اسود
وبعدين اختفى الدخان
وبدى الصوت
واذا كان الكلبليتر
طيب وش مشكلته

[سيل الجرير]

الظاهر ان ماخاب ضني عند خويي ددسن ونفس الحالة ..واحد من الورشات يقول :فية بلف مسكر

يامرحبا بـ مكشاتي للاخر
انا وديت الموتر عند مكانيكي فلبيني
يقول يمكن بلف ويمكن وزن الكويل
ويمكن هذي ذابحتني:mad:

[سيل الجرير]

والله ياخوي ان ماخاب ظنّي يمكن المشكلة من البنزين لأن بعض المحطات يغشون في البنزين يخلطون معه مادة أخرى مثل القاز وما شابهه وانا قد صار لي مثل هالمشكلة يوم رحت للجنوب انا وناس من الربع وكانت سيارتنا باترول فتك 2003 وعبينا بنزين من إحدى المحطات على الطريق المهم صارت هالمشكلة وقام يوسوس راعي السيارة يوم وصلنا الجنوب لقينا الربع واجد الي يطعطعون واكتشفنا انه من البنزين يعني لاتعبي الاّ في محطة تثق فيها مثل الدريس أو نفط وغيرها من المحطات المشهورة


والله أعلم



يامرحبا يالكشات
اخوي معه نفس موتري
ونعبي من نفس المحطه
ولاعنده اي مشكله
من البنزين
وعشان كذا المشكله ماهي من البنزين
اكيد شي ثاني
بس مادري:mad:

[سيل الجرير]

اخوي افحص نظام اشعال الوقود ووزن كمية الأكسجين الداخلة للكربريتر..



شيك
اسلاك البواجي
والبواجي
فالشعلة اذا كانت ضعيفة تسوي كذا..

اجمل تحية..


يامرحبا وسهلا
بالدربيل 999
انا غيرت الاسلاك والبواجي
والصوت باقي ماراح
موجود

[n_aa_s]

المشكلة وانا أخوك مشكلة كهرب لإنها هي اللي تجيب الصوت شيك على اسلاك البواجي والأسلاك الواصلة للكويل ، تأكد لا يصير مجروح ويلتمس . افحص السيارة بظلام وخل الموتر شغال ودوس له من الكبوت إذا لاحظت شرار معناه فيه تهريب .

[أبوجهاد التبوكي]

الله يعينك ويكون الخلل بسيط إن شاء الله

[مركز حراره]

عندك خرم لوبسيط في ماصورت الكنداسه ابحث عنه والموتر بارد

[سيل الجرير]

المشكلة وانا أخوك مشكلة كهرب لإنها هي اللي تجيب الصوت شيك على اسلاك البواجي والأسلاك الواصلة للكويل ، تأكد لا يصير مجروح ويلتمس . افحص السيارة بظلام وخل الموتر شغال ودوس له من الكبوت إذا لاحظت شرار معناه فيه تهريب .

مشكور على النصيحه

[سيل الجرير]

الله يعينك ويكون الخلل بسيط إن شاء الله

جزاك الله خير

[سيل الجرير]

عندك خرم لوبسيط في ماصورت الكنداسه ابحث عنه والموتر بارد

مشكور على النصيحه