عاجل ابشرو بالخير امطار ؟؟؟؟؟؟

[عاشق الجوني]

السلام عليكم ورحمة الله وبركاته
خبر عاجل
ابشرو بالخير رعود وبروق وامطار على عرعر
يارب لك الحمد
جعلها الله امطار خير وبركه
وينك ياسلطان القفر فزعتك بالعلوم

[هبوب]

مبروك للجميه هذا الخير بس دعواتكم كثرو من الدعاء تحيااااااتي

[هبوب]

هذا الخير بس دعواتكم كثرو من الدعاء تحيااااااتي

[عبدالله بن فرحا ن]

أكثرو من الدعاء ولإستغفار والحباري بطريق بإذن الله

[سلطان الوايلي]

هلا وغلا اخوي (( عاشق الجوني ))والله يارجال ما حلفتني اليوم اول ماشفنا البروق وتبشرنا بالخير أول ماطرا بالي (( الكدري )) قلت إن شاءالله
الله يجيبه لنا عقب هالخير إن شاءالله , ومن ثم تذكرت سوالفي انا وإياك عن الكدري وطريت بالي قلت لو يدري خوينا (( عاشق الجوني )) يمكن يجي لعرعر على طول .
بس إني من الساعة 9بالليل وانا جالس اتابع السحاب وين المطر الطيب ودخلت المنتدى الساعة وحدة بالليل قلت ابشر الربع ولقيت واحد من الشباب (( يوسف عبدالله )) منزل موضوع يشكر عليه مدعوم بالصور والفيديو الله يجزاه خير إن شاءالله .
وبعدين طلعت اصلي القيام وما فتحت الكمبيوتر إلا بعد صلاة الفجر وشفت موضوعك واعذرني على الرد المتأخريالغالي .
وما عليك يالغالي انا عند وعدي لك والله اول مايطب الديرة عندنا إلا تجيك رسالة على الخاص.
وازيدك من الشعر بيت الأماكن الي نزل فيها المطر الطيب يا هي يموت فيها الكدري ومقر للقطا وأغلب صيدنا فيها وفيها مرح على كيفك وقاعها سهل وانا خوك والله يبكي على الي يزرقه والله مرمى واحد بس بالمرح الي اخبرهن يكفيك ويبرد كبدك .
وإن شاءالله يتتابع علينا الخير ويجيك رفوف . ونتواجه ونطلع مع بعض إن شاءالله والله لأخليك تبرد كبدك منه صحيح برمية وحدة بس .
وآسف طولت عليك و كثرت السوالف واعذرني يالغالي والله من الوناسة الي شاقتني شق .

[b2005]

الله يبشركم بالخير وعسى الله يغيث البلادوالعباد
يالربع ترا هالنعم اللي تتوالى علينا تبي شكر تباشير الامطار والصيد ان شالله وزيادة الرواتب وعسى الله لا يغير علينا قولوا اميييييييييييييين

[فتى اللوز]

الله يبشركم بالخير يا وجيه الخير

[A40]

الله كريم ... يرزق عامة بلاد المسلمين

[الببر]

الله يبشرك بالخير ويجيب الغيث القوي المبارك

[عاشق الجوني]

السلام عليكم ورحمة الله وبركاته
يابعد كبدي ياسلطان القفر والله يوم سمعت اخبار المطر انها خنقتني العبره من الوناسه والله اني كنت اتمنى اني حول الديره ابعرف وين المطر الطيب الله يطرح فيه البركه
بعدين ودي اسالك انا جاني خبر مدري عن صحته يقول ان مقر النعام واللي حوله جايه مطر قبل اسبوعين
ابشر بالكدري هالسنه ان شاءالله يتتابع المطر

[ABU-AL-3eeS]

الحمدلله على كل حال
ويعطيكم العافية على الخبر اللي يوسع الصدر

[عاشق الجوني]

والله وافي ياسلطان القفر وعلومك طيبه ولي الشرف اني اخاويك بس هاه ترا خويك لاشاف الجوني ضيع كل شي ومستعد لاكرته بالارض وتغنمت منه الباقي وراه لويطير اسبوع يوالله ودي ابرد كبدي

[أبو يوسف]

الله يغيثنا بالامطار والخير في كل بلدان المسلمين


اللهم اغثنا

تحيتي

[راعي العوجاء]

جزاك الله خير

[سلطان الوايلي]

اخوي (( عاشق الجوني ))

وعليكم السلام وصدقت يالغالي (( مقر النعام )) جاه رشه خفيفة حسب قول واحد من أخوياي الخاصين شغال في (( حرس الحدود )) بس انه ماهي قوية حيل , ونص الشباب الي في مراكز السلاح اعرفهم زين وموصيهم على طول يعطونا تفاصيل المطر والصيد أول بأول .

والله انا الي يشرفني خوتك طال عمرك , وإنشاءالله الا ترميه بالقاع وطيار وتفنن بالرمي , بس ولنا اخوك هالله هالله بالركادة لأن الكدري إذا ارتبشت او ارتبش واحد من الي معاك ضاع عليكم وماراح تصيدون منه .
ومثلك عرف وانا اخوك اول ما يجي ترمي على كيفك وما يقول شئ . ومايحتاج له ربشه

[المهاجرxp]

ما شاء الله تبارك الله

اللهم زد وبارك

وشكرا لجميع الأخوة