استفسار عن وجار لمخيم مؤقت

[رماي الهدف]

السلام عليكم ورحمة الله وبركاته

اخواني انا من فتره كنت معزوم بمخيم وشفت وجار للنار عجبني واستحيت اسال العرب
وقلت اسالكم يمكن عندكم فكره او معلومه وين ينباع
هو عباره عن وجار كبير مستطيل من حديد موضوع على الارض ومفتوح بالنص يعني بس الاطراف حديد موضوعه عليها الدلال والاباريق شكله صراحه يفتح النفس
طبعا هو ينشال وينظفون حفرة النار ويرجعونه مره ثانيه
ياليت اذا احد يعرف وين ينباع يفيدني ولكم كل الشكر

[عاشق السيل]

وعليكم السلام ورحمة الله وبركاته ،،

بصراحة أنا مافهمت طريقته بالضبط وأتمنى لو تدبر لنا صورة لأني تحمست أشوفه وأعرف طريقته !!!!

[زهر النفل]

اعتقد هذا يباع في محلات مستلزمات البر

[عشقي الباترول]

رح للعرب اللي جيتهم وقلهم ابي موية واذاااا راحو صورة بالجوال هع هع هع هع امزح

والصقة هناا يمكن نفيدك

[ذري1000]

يمكن تقصد مشب الدوادمي هذا
http://images.abunawaf.com/2008/02/13/1103731299834.jpg

[خبير البران]

انا فهمت قصدك اخوي له حواف وماله ارضيه يعني وجار بس بدون ارضيه مثل اطار الصوره اعتقد هذا قصدك كان عندي مثله وطبعا فصلته عند الحداد والمقاس اللي انت تبيه ولاتنسى تسوي له شبك ترفع الدلال عليه

[سموالمرقاب]

حياك اخوي هذا موجود عندي حيث اني اسويه حسب طلب الزبون شي مفصل قطعه قطعه وشي كامل بدون ارضيه ويوجد به 2قز غاز واطباق حفظ القهوة وغيرها ويوجد به مقاديع تمر وملقاط جمر وجميع ماورد حسب الطلب واذا بغيت حياك وايضا اللون حسب الطلب وراح اعرض صور له ان شاء الله ومن اراد يرسلي رقمه على الخاص وشكرالك

[رماي الهدف]

اخواني يعطيكم العافيه واسف على التاخير وكان بسبب ظروف
اخي العزيز خبير البران نعم هذا اللي اقصده ومشكور على المعلومه
والشكر للجميع