عند شراءك للكفرات تبحث عن النوع والجودة والضمان و ....

[أبو شوق]

ياأعضاء ومشرفين هذا الموقع المميز

صبحتوا ... مسيتوا
بالخير

بصراحة الواحد يحتار ويفكر كثير عند شراااءه للكفرااات لا وبعد ماااأرتفعت ألأسعار بعد
لكن لقيت كفر بصراحة سعره معقول وشكله مقبول أما السمعه ماسمعة عنده لا مدحه ولا مذمه
ياليت يابعد حيي هالوجيه تعطوني رايكم به وأسمه (GOODRIDE) الشركة ألمانية صناعة صينية وعليه ضمان سنة والوكيل حقة الحويل





http://up.arab-x.com/Jan11/OVU36373.jpg (http://up.arab-x.com/)



http://up.arab-x.com/Jan11/Lyf36373.jpg (http://up.arab-x.com/)



http://up.arab-x.com/Jan11/acA36373.jpg (http://up.arab-x.com/)

[أبو شوق]

إيه الله المستعان

ولا رد واحد
انتظر ....

[.أبوعبدالرحمن]

الصناعة الصينية مالها امان خصوصا بالكفرات

يعني لو شفت أسعار الهانكوك والماكسس صناعة كورية ولكن مجربة والكل يمدحها مدح مبرح هههههههه

ستجد أن الفرق لا يتجاوز 20 ريال للكفر وهي افضل سواءا بر خط مدينة

[خادم الإسلام]

رأي أخوك : لا تضحي بالسلامة من اجل المادة

[أبو نـآيف]

we offer discount brand clothes with cheap price,wholesale Underwear Paul Smith online now,sale cheap Underwear Paul Smith (http://www.chinabrandclothes.com/wholesale_paul_smith_Underwear.html) clothes,replica Underwear Paul Smith outlet,if you need discount Underwear Paul Smith please mail to us


الرجال بيعطيك ملابس هديه الظاهر مع كل كفر :D

[أبو شوق]

الله يلبسكم العويفية

[مقلع الرمث]

ابو شوق هج

جربتهن اتوقع كانهن قديير بديت امشي وارقع من هالرقع حتى اني شريت حق رقع من الخوف

بس هن خط طيبات لكن بر وحصى لا يقربك على طوول ينشق

وعلى ماقالوا الاخوان تراء تزود شي بسيط تاخذ كفر معروف واريح لك

[العابر2222]

أخوي هذي اول مرة اسمع عنهاا

انا قبلك احترت وفريت وسألت وقريت ادور كفرات للجيب ولقيت كفرات سعرها مناسب نوعاً ما وجوده عاليه بما تعنيه الكلمة

اسمها (فايرستون) الشركة المصنعة هي شركة البرجستون نفسها يابانيه الصنع اصليه

الكفر لين وفي نفس الوقت قاسي تنسم فيها تصير كأنها بالون تطرق وفي الحصى قويه ما يهمها شي

اذا بتركب لجيب لا تتعداها

[VIP-503]

هانكوك ورح لهلك ممتاز وفخر الصناعه الكوريه ممتاز ممتاز وصبور نفس جودت الياباني ابو 450

[YOU1]

والله سبق وان ركبت كفرات صينية اسمها ايرون مان(iron man) علي فورد اكسبلورر بالصيف اللي فات ورحت عليها العمرة ورجعت للديرة ورحت صلالة ومشيت فيها علي حصي تقلول مسامير وممشاي بالسفر بالقوايل وماخالفت معاي...يمكن صدفت معاي...المهم انا اقول اذا الفرق بسيط بالسعر بينها وبين الهانكوك او الكومهو خلك علي الكوري وانا اخوك اضمن لك.

[أبو شوق]

عسى ربي يبيض وجيهكم جميع

نورتوني الله ينور عليكم بقبوركم

[قرم العيال]

الله اعلم انك مثلي ,,, ضايع وتدور الزين والعملي والرخيص

http://www.mekshat.com/vb/showthread.php?p=5962148#poststop

[أبو شوق]

عسى ربي يوفقك ياراعي القصيم ماقصرت

[بيق مان]

ما جربتها لكن عندي قناعة بأن أي شيء صيني لا يعتمد عليه ,, وهذي كفرات وانا اخوك .. انحش عن الصيني