التانكي يهرب ماهو الحل

[عبدالله......]

السلام عليكم ورحمة الله وبركاته


يالربع مشكلتي مشكلة بصراحة عندي التانكي يهرب

المشكلة اذا عبيته وحطيته بالبيت ماتشوف اي تهريبات لو تجيه بعد اسبوع

لكن من احطه بالسيارة بعض الأحيان يهرب وبعض الأحيان ما يهرب

آخرتها قبل أسبوع كانت الأمور ماشية ولا فيه تهريب ولا شي

وطلعنا كشته واستخدمناه وفجأة من بكره اجيه والقاه بعد الاستخدام مهرب مرره ثااانيه

وش الحل ظنكم

هل الغطاء مثلاً؟؟؟

شاكر ومقدر لكم

[سواق الشيخ]

أفرك عليه صابونه ممسكه

ووحده بوحده إن شاء الله

وبتدعي لي

[عبدالله......]

سواق الشيخ مشكور على ردك

لكن مافهمتك بصراحة

يعني الحل الحين ماشاءالله امسك الصابونه وافرك ام التانكي؟؟؟

[محلات الكشاتة]

أنفخة بهواء من عند البنشر وراح يبين الخلل

[فارس ولدي]

عبد الله

وش نوعية التانكي

ومن هو اللي صانعة

ومن وين شاريه

لأن بعض الموردين الصانعين والموردين يضمنون التانكي لمدة 5 سنوات

وان كان الخلل مصنعي يستبدل بواحد جديد

[عبدالله......]

انفخه وهو فاضي ولا مليان؟؟

[عبدالله......]

خزان الوادي يالغالي

بصراحة مبطي كنت بوديه لكن اتوقع يماطلون الزامل ولا شيء من هذا القبيل

قلت القا له حل من نفسي افضل

وإلى مردي لهم

[أبو الفهد]

السلام عليكم.
ممكن يكون من الغطاء. ضع زيادة كيس بلاستيك وشد الغطاء عليه.
وممكن يكون فيه شرخ لكن ما يهرب إلا عندما يتعرض التانكي للحركة (مطبات الطريق).
الأخ سواق الشيوخ
الصابونه تنفع لتانكي البنزين ، وأظن أن الأخ عبدالله يقصد تانكي ماء.
تحياتي للجميع.

[عبدالله......]

يالربع الخزان أمره غريب

ترجه وتحوس فيه بالرياض مره يهرب ومره ما يهرب

الي محيرني انه قعد اسبوعين من دون تهريب ومن بعد ما استخدمته ورجعت للبيت وخذت لي نومه يالله من فضلك قمت بالسيارة واناظر تحت الرجلين الله يكرمكم الخزان مهرب مويه

[محلات الكشاتة]

جبة لم المحل وبنشوف من وين يهرب
ومالك غير الي يرضيك


قل وين أبو خالد


وهذي فزعة لك يالغالي
وهلابك

[هاوي موتري96]

قدها يابو خالد والله كفو وعز الله عند كلامك

[مفتون صيد]

هلا اخوي انت تقول انه ما يهرب الا اذا صار بالسيارة ...

هذا معناه ان الحركة والرج في السيارة هو اللى يخليه يهرب واتوقع اقرب شيء له انه يكون الغطاء او انه يكون فيه ثقب او كسر بسيط من فوق واذا وصل الماء الى حده طلع منه هذا احتمال
الاحتمال الاخر ممكن محل التانكي وخصوصا عند اللى فيه اشياء تضايقه بحيث يتعفط اللى عندك ويكون القفيز موهب نوعية جيدة فينسم منه الماء

الماء تهريبه كثير او قليل اتوقع اذا كان كثير فهذا فيه يا شلخ فوق او ثقب صغير
اما اذا كان قليل ما يطفح الموتر فيمكن يكون من الغطاء او من تمديد اللى عندك بحيث ان القفيز او اللى من نوعية رديئة
او يمكن الحنفيه تكون من نوع رديئ جدا فتعمل هالشيء بحيث انه من رجة السيارة يصير الماء يروح ويجي فمع هالحركة باستمرار يكسب هواء وينضغط التانكي فيدور اقرب منطقة ضعيفه على اساس يتنفس منها وقد صارت لي

لكن فيه حل بسيط طلع التانكي في البيت وحطه على بلكتين او طوبتين ثم امله ماء الين يتاغر من الماء مره امله بحيث انه ما تخلي نفس واجد للهواء فيه ثم سكره بغطاء فيه بلف هواء اللى يجي معه شد مصنعه جب بعدها منفاخ حق الهواء اللى عندك وانفخه حتى يمتلي هواء بس لا تكثر عليه مره اهم شيء تحس ان الهواء ضاغطه بعدها حوال تسمع اذا فيه صوت تنسيم لو ما تبين معك جب اسفنجه وحط معها فيري وخلها ترغي ثم مررها عليه وشف اهم شيء يكون محلك هادئ بحيث تكون الملاحظه قوية اذا سمعت وان شاء الله ما يكون الا كل خير وان غلبت على امرك رجعه لهم ويشوفون له حل

انا اجتهدت واتمنى اني افدتك

[wafi4sa]

مثل ماقال اخوي مفتون الصيد اعمل
وإن شاءالله تحصل التهريب من وين
وانا ارشح يالقفيز او الحنفية

[عبدالله......]

بيض الله وجيهكم
وآسف على التأخر في الرد

وبيض الله وجهك يبو خالد ما قصرت وإن شاءالله بجيبه عندك بأقرب فرصة

ومفتون الصيد تدري وش الي يغبن أنك تعبيه للآخر وتحوس فيه وما يهرب وبعد ما تستخدمه تلقاه يهرب!!

وبعض الأحيان عكس يهرب حتى لو ما تستعمله!!

بجرب الي قلته وبعدها بروح لأبو خالد وإن شاءالله نشوف له حل ياااارب

مشكورين يا شباب والله لا يهينكم وبيض الله وجيهكم

[kingdom-ksa]

ممكن تحط له صوره
مشكله غريبه

[عبادي 2011]

اخوي اذا عرفت من وين التهريب ادخل هنا لحل المشكلة
http://www.mekshat.com/vb/showthread.php?t=372935