المساعد الشخصي الرقمي

مشاهدة النسخة كاملة : أين تباع مساند وجلسات السدو في الرياض


درباس فرناس
11/01/2011, 02:31 PM
ا
أسعد الله أيامكم بالمسرات
عندي خيمة وفيها جلسات الاسفنج ولدي مناسبة غدا وعندي رغبة بتغييرها بالمساند القديمة السدو والمدات التي تكون من السدو أو التي يكون قماشها من نوع ابو طير
موقعي شمال الرياض وشاهدت بعض المحلات باسواق العويس ولكن اسعارهم غالية جدا والجودة وسط وأتوقع أن هناك من هم ارخص سعر وافضل بالجودة
أرجو من يعرف عن مكان مناسب لبيع هذه الجلسات أن يزودنا بموقعه واسعاره ورقمه لو على الخاص
شاكر ومقدر تجاوبكم الكريم
user-1
11/01/2011, 02:38 PM
اخوي شوف الاسواق الشعبيه بالجنادريه قريب من سوق الابل
فارس ولدي
11/01/2011, 02:39 PM
المستودعات مخرج 17

بس ترى بيوجعك راسك من كثرها

اللي يبارك لك ويبارك فيك

ويوفقك
محلات الكشاتة
11/01/2011, 02:40 PM
يمكنك مرور المحل
وروية كل ماهو جديد

يوجد لدينا


جلسات من قماش أبو طير




وجلسات من قماش تركي







http://www.mekshat.com/pix/upload04/images157/mk70213_35.jpg
فارس ولدي
11/01/2011, 02:41 PM
اخوي شوف الاسواق الشعبيه بالجنادريه قريب من سوق الابل



هلا وغلا اخوي user-1

ممكن تعطينا وصف ادق للموقع

الله يبارك في حياتك
abo
11/01/2011, 02:42 PM
المستودعات مخرج 17



بس ترى بيوجعك راسك من كثرها


اللي يبارك لك ويبارك فيك



ويوفقك


الارخص تجده في مخرج 17 عن تجربة والله يرزق الجميع
بواسامه
11/01/2011, 02:45 PM
وكمان سوق الزل
فارس ولدي
11/01/2011, 02:48 PM
وكمان سوق الزل


بواسامه


الله يرضى عليك سوق الزل نار


طايرين بالاسعار فوق ليش ما ادري
الصنطران
11/01/2011, 03:20 PM
مخرج 17 وانت متجه غرب
ثاني اشاره لف يمين
كايد
11/01/2011, 04:23 PM
هلا بك يالغالي
سجل عندك :
- سوق الزل "نار"
- فيه محلات بجانب اسواق العويس تقدر تقول على طريق الملك فهد -رحمه الله- "اسعاره طيبة"
- اغلب محلات بيع ادوات وتجهيزات الصيد والبر "نوعا ما غالية لان اغلب المحلات لمن يكون جديد اسعاره مناسبة ثم يبدأ بالغلاء تدريجيا للاسف يخدعون انفسهم"
- مخرج 17 "الخيار الافضل"
- الجنادرية "فيه سوق شعبي بالقرب من البيطارة اسعاره مناسبة نوعا ما "
- انقز سوق الحميدية بسوريا تمش وقض اشغالك "حج وبيع مسابح"

تقبل مروري واسفين للاطالة
user-1
11/01/2011, 04:29 PM
ويبارك في عمرك اخوي
تمشي مع الدائري الشمالي كأنك موجه للمطار او الدمام او الفحص الدوري (شف ايهم اللي تحتاجه اكثر) وبعد ما تتعدى صالة المزادات على يدك اليسار بعدها يجيك سوق الابل كذلك على يدك اليسار في الاتجاه المعاكس تبتل ومع اول جسر بيقابلك تلقا مخرجين الاول يودي للخرج واللي بعده بمسافه بسيطه جدا يوديك للثمامه تروح معاه وسيده يطلعك على سوق الاعلاف وللاسف المديور القريب سدوه فتبتل حتى يجيك مديور تحت كبري تعود معه كأنك تبي الدائري الشمالي مره ثانيه وقبل لا تاصل سوق الابل تحصل لوحة واضحه مكتوب السوق الشعبي.
تعبتني في الكتابه لا تنسى تعزمني واكون اول مستعمل لها في مجلسك العامر
ناصر العلي
11/01/2011, 04:45 PM
أخي درباس بن فرناس
زي ماقال لك بعض الأخوة وانت بالدئري الشرقي متجه جنوب تاخذ مخرج17وتتجه غرب مع ثاني إشارة تلف يسار بعد مايجيك المسجد لف قبله يمين أعتقد خامس محل يمين أسمه الجلال على ماأعتقد أنا شريت من عنده العام جلسات قطن أبوطير طول الواحدة 2متر والعرض 70سم ويجي معه ثلاث مساند ومركا واحد والمركا تراه نوعين وكل هالمجموعة بـ250 ريال
تقبل تحياتي
اصيل نجد
11/01/2011, 07:13 PM
هلا باخوي درباس فرناس فعلا لاتتعب نفسك ولاشي شوري عليك اختصر الوقت ورح زي ماقالوا الشباب للمستودعات مخرج 17 ومهما كانوا ترى افضل بكثير من غيرهم ولاتقرب سوق الزل نار يحسبون التراثيات اللي عندهم مخيوطه بخيوط من ذهب اتركهم وشف الاصلح طال عمرك وكلام اخوي ناصرالعلي عين الصواب تحياتي لك
درباس فرناس
12/01/2011, 07:51 AM
اخوي شوف الاسواق الشعبيه بالجنادريه قريب من سوق الابل

الله يرضى عليك ويحرم وجهك على النار
شاكر ومقدر لك الاقتراح الطيب
فارس ولدي
13/01/2011, 02:38 AM
ويبارك في عمرك اخوي
تمشي مع الدائري الشمالي كأنك موجه للمطار او الدمام او الفحص الدوري (شف ايهم اللي تحتاجه اكثر) وبعد ما تتعدى صالة المزادات على يدك اليسار بعدها يجيك سوق الابل كذلك على يدك اليسار في الاتجاه المعاكس تبتل ومع اول جسر بيقابلك تلقا مخرجين الاول يودي للخرج واللي بعده بمسافه بسيطه جدا يوديك للثمامه تروح معاه وسيده يطلعك على سوق الاعلاف وللاسف المديور القريب سدوه فتبتل حتى يجيك مديور تحت كبري تعود معه كأنك تبي الدائري الشمالي مره ثانيه وقبل لا تاصل سوق الابل تحصل لوحة واضحه مكتوب السوق الشعبي.
تعبتني في الكتابه لا تنسى تعزمني واكون اول مستعمل لها في مجلسك العامر




بيض الله وجهك دنيا واخرة
ويا جعل عن كل حرف كتبته يرزق الله بالفردوس الاعلى من الحور العين
mzarkash2000
20/02/2011, 10:41 AM
تجدها في السوق الشعبي باالعريجا قبل نادي النصر وبالتوفيق اخوك ابو فهد .
فارس ولدي
20/02/2011, 10:44 AM
زي ماقال لك بعض الأخوة وانت بالدئري الشرقي متجه جنوب تاخذ مخرج17وتتجه غرب مع ثاني إشارة تلف يسار بعد مايجيك المسجد لف قبله يمين وبعد200مترتقريبا يمين أسمه القناص للمفروشات ولوازم الرحلات الي تبينه من مجالس تراثية موجودة واسعار ماهي عند حدمن المحلات الثانية جلسات قطن ابوطير او القماش السياح الى نازل جديدوالوان مختلفا ارضية 2مترومساندظهر2ومركة وثلاثية 200ريال/ وهاذي رقم جوال /0531334553او/2447844/01


اخوي احمد

يا جعلك ووالديك واحبتك بالفردوس الأعلى

نوع القماش هل هو مغربي
او سوري ( اي درجة )
او وطني

يا ليت تذكر لي نوعية القماش وان شاء الله اليوم راح اكون عندهم

اخوك / ابو فارس
mr.Canon
18/12/2012, 01:41 AM
القماش المغربي غالي وماتلقاه بالسهوله واذا قال لك صاحب المحل انه مغربي لا تصدق الا بعد التقصي والتحري -
عموما عليك بالقماش السوري الدرجه الاولى تراه زين وعملي
تكفون البر
18/12/2012, 09:01 AM
اخوي في حراج بن قاسم محلات ارخص المتر يوصل 150 إلى 180 وما عليك من الافغان تراهم غالين الآن فيه هنود وسودانيين يشتغلون نفس الشغلة
المكان السوق المقابل لسوق كرستال اللي على الدائري في طرف السوق
قصيمي قمر
18/12/2012, 11:54 AM
راح تلقاها بسوق الزل بالديرة عند جهة الآمارة