ابو مشهود
11/01/2011, 04:45 PM
سنة من السنين هاك اليوم كنت عند أقربن لي كاشتين بهكا الوسيعه واثري اعاين مرداحة لطيور، يوم انها جت الصبيحه المبتسره إلا الماخوذه بها حجله وانا اتولاها ثم اقوم البد عاد اطلقها حدا الدرشق تسيف انه سمرديقتن هالورع ...........................
ويسعلوني ربعن سنافيه عن وادي الغشيمي وياكثر شجر الرتم والرمث بها ومير وقدت ضون شهبا وقهويت الجماعه والى مقبلن علينا دبش من أسفل الوادي فقلت بروحي اليا لفى راعي الحلال قهويته
وبان منهو نحتراه ثريها راعيتن متغشيه وانا ازري لمناداها ........................ز.....
يقولك
يامعوض قلبي غشاه أرعـاش
شيء (ن) تواشا به الجاشـي
لما غشيت الدبـش طشـاش
سيل الغشيمـي وأنـا ماشـي
وشفت اللي أنا بشوفها منداش
توهش على طرشها أوهاشـي
شب الحشى اغظايها وأرماش
يوم (ن) سهم رمشها طاشـي
قص الحشى قصـة القمـاش
ليا أنه شرى الطاق بالكاشـي
ياحظ مـن بالشريعـه عـاش
معها علـى قمـاش وفراشـي
ومن كان حظه (ع) شكله ماش
حياتـه لمـاشـي وداشــي
وردها ليه الشاعر معيض
ياراكب اللي عقـب مطـراش
نــوا للأسـفـار طـراشـي
ممشـاه مـن عندنـا بغبـاش
وملفاه من عقـب الأغباشـي
فوقـه دريـول تقـل حشـاش
مايستمـع هرجـة الـواشـي
ليا داس بنصه يهوش هـواش
تقـل علـى الارض ماناشـي
ملفـاه عـز الخـوي بشـاش
لضيوفـه الوجـه بشـاشـي
يفداك من للفخـر مـا حـاش
والا انـت للطيـب حـواشـي
الحـب عـذب قـوي الجـاش
مايصلح حب(ن) على الماشـي
كم واحد(ن) من سببهن طـاش
بخصوص ليا اغضن بالأرماشي
وسلامتك
ويسعلوني ربعن سنافيه عن وادي الغشيمي وياكثر شجر الرتم والرمث بها ومير وقدت ضون شهبا وقهويت الجماعه والى مقبلن علينا دبش من أسفل الوادي فقلت بروحي اليا لفى راعي الحلال قهويته
وبان منهو نحتراه ثريها راعيتن متغشيه وانا ازري لمناداها ........................ز.....
يقولك
يامعوض قلبي غشاه أرعـاش
شيء (ن) تواشا به الجاشـي
لما غشيت الدبـش طشـاش
سيل الغشيمـي وأنـا ماشـي
وشفت اللي أنا بشوفها منداش
توهش على طرشها أوهاشـي
شب الحشى اغظايها وأرماش
يوم (ن) سهم رمشها طاشـي
قص الحشى قصـة القمـاش
ليا أنه شرى الطاق بالكاشـي
ياحظ مـن بالشريعـه عـاش
معها علـى قمـاش وفراشـي
ومن كان حظه (ع) شكله ماش
حياتـه لمـاشـي وداشــي
وردها ليه الشاعر معيض
ياراكب اللي عقـب مطـراش
نــوا للأسـفـار طـراشـي
ممشـاه مـن عندنـا بغبـاش
وملفاه من عقـب الأغباشـي
فوقـه دريـول تقـل حشـاش
مايستمـع هرجـة الـواشـي
ليا داس بنصه يهوش هـواش
تقـل علـى الارض ماناشـي
ملفـاه عـز الخـوي بشـاش
لضيوفـه الوجـه بشـاشـي
يفداك من للفخـر مـا حـاش
والا انـت للطيـب حـواشـي
الحـب عـذب قـوي الجـاش
مايصلح حب(ن) على الماشـي
كم واحد(ن) من سببهن طـاش
بخصوص ليا اغضن بالأرماشي
وسلامتك