وينكم ياأهل الجيرات

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه


يدفعني الشوق لمكشات لكن الظروف احيانا تحول بيني وبينه
اسلم على الجميع واتمنى لهم موسم كله خير


http://www.mekshat.com/pix/upload03/images102/mk8575_uy (3).jpg
رماع ليلة طرحه حشر بن عون
.
الحرب على الجيرات مدري وش سببها
والجير كذلك( يرى العداوه لا يرى اسبابها ).
لكن الزين فيها انها قريحة الشعار
أمثال الخس وابن عون عبدالله اطال الله اعمارهم


أذكر بيت لعبدالله بن عون الله يعين الجير واهل الجير عليه
ركزته في ربعة البيت المخومس *** مثل ركس العير فـ إسطبل العبيه
..
المتابع يذكر طير حشر بن عون اللي طرحه
في منطقة الجرد شرق الطايف .
اصبح هالطير من أفضل طيور المنطقه على مدى عامين
جروه وسبق .
رفع اسهم طيور العرب وهس مؤشر الجيرات
ابو نايف عدو الجيرات ههههه تمثل بكم بيت وقوى شكيمة الربع وكثر تحديهم وتهزيهم .. حبيت انقلها لكم


طيري اللي جعل الأقشر مايحوفه **ماعليه إخيار لو قالوا تــخــيـر
صافي ٍ غطت سراويــله كفــوفه **نادر ٍ راع الــنــظر عنده تحير
ليت حاتم وأحمد السالم يـشوفـه **كان في الجيرات نظرتــهم تغير
جا مهاجر معتلي عالي قـــنوفه **ماجلب للسوق مشروط ٍ مـطــير:D
جابه الله مادفــعــنـا فــيه الوفـه **شيك جا بسمي من الوالي مجير
من ملك مثله ولو صعبت ظروفه **مايطب السوق وابن آدم مسيــر


الرد . ولو بن شلاح المطيري.. وبن فليح الله يطول عمارهم
بيواخذني في حساب الفتحه والكسره



عقب ماشــفــنــــا لـــرماع البروفه **إله حق اللـــــي تعــيـــر لاتـعــيــر
ماعلى الــجــيـرات ياخالي حسوفه **لانقلت ململم ٍ عـــوق الــــــمـــذير

أفجح ٍمابــه عــــلـــى البرقا مروفه **منوة اللي في هشم هباس سير
طير صقار ٍ محــقــقـت شفـــــوفه **ما تحرى ف آخر الشــهــر المسير
كل يـــــوم ٍ يم تـنـــدوف إوحروفه **كان ما طيــــــر عشر ماقــــال طير
عادته شهـــــــرين مايطر النكوفه **وإن بغى غـــير عن المعتاد غـــيـر


..
رد للعضو عاشق حضن
وصفه راعيه وبدع في وصوفه ++ خلقت الخالق ولا فيها تغير



يوم وصف كنه أيعزف معزوفه ++ ان بغاها طوع ولا تنتظير



شاعر وصقار وروس معروفه ++ حبلهم ممدود ماهوب القصير



ان وقف مثل المهلهل في وقوفه ++ مايهمه لا كبير ولا صغير



وان تربع حاتمين في ضيوفه ++ سلمهم من جدهم ماينتغير



علمه يااحمد يرتب في صفوفه ++ دامه أعلن حرب مافيها تحير



بنقل الجيرات والساحل بطوفه ++ مقصدي شوفه ولا فيها تخير
,,,

رد للعضو النادر

كل راعي عشق معجبته هنوفه **والهوى والعشق مافيها مضير
عنتر العبسي ولا نجهل وصوفه** حبته عبلة ولزق فيها وشير
خل بن هباس والساحل وطوفه** للشمال شوي دام انك تعيير
لا كفخ دوبك تشوف او ماتشوفه** تسعة اعشار الهياط إنه يتغير
وإن ابو شكمان تاليها تعوفه ** الحظيظ اللي مع الحملة تجيير


في هذا الموضوع اشحذ الهمم عند هل الجيرات
كودهم يردون للجير بعض مافقده من هيبه
والأختبار على حمام الزاجل لدينا منطقه وسيعه لكن
الطير اللي مايضيق على الزاجل في دايره اقصاها 2كم
لايكشف برقعه


ارجوا انكم استمتعتوا بتصفح الموضوع
*
والسلام
الفيتو
الحجاز
6-2-1432هـ

[تميم222]

كفو يالفيتو....والله انك تقول وتطول....الموضوع قوي ..وانا اقول ان المحك الحقيقي لصقاره ...تراها في الجير ..وانا من ضمن الناس الي تستمتع في صناعه الاطباع في الطير ....وقد قلت هذا الكلام من قبل في موضوع سابق...وللمعلومه من خمس سنوات وانا اناقل الجير..والاصايل تعرض ولا ابيها لانها خابور في القيمه ..من جد؟؟ والله صقاره 20 سنه 15 منها..في الاصيل تحسفت عليها ...ماقول الا رحم الله من جاب الجير

[منصور بن محمد]

وعليكم السلام ورحمة الله وبركاته


يامرحبا ترحيبة البدو للبرق ... اللي لهم عامين مارحبو به


هلابك يابو صالح
كيف حالك يابعدي بشرنا عنك ؟؟


والله يابو صالح انا ننتظر مواضيعك بشغف
بيض الله وجهك وتسلم يمناك ياراعي الاوله


أخـوك
أبـو عـقـاب

[راعي طلاع]

يامرحبا بك يابو صالح ومرحبا بمواضيعك المميزه

انا من ناحيتي الجير عالم كبير والمتميز فيه صقار محترف واللي يصبر عليه

يعين خير من وراه اما للاسف القى بعض الناس ممن يقنون الجير ولا يعرفون

له كبدايه وكوزن وكجرد فالاختلاف بينه وبين الحر كبير بعضهم يطوف الجير

عشان يهد والجير ما يطمر ولا يطوف وبناء على ذلك يظهر الجير بصوره غير

صورته فالهدد وينعكس التذمر على افعال الجير وهي اخطاء من انفسنا نحن

فالختام انا لا اغفل الحر وفعوله وطيبه لكن في وقتنا هذا اللي ما يبي يفلس

من الصيد ياخذ جير ويصبر ويتعب عليه هذي وجهة نظري واسف على الاطاله........

[سلطان 1]

حي الله بوصالح
وموضوع الطير الوحش والجير \ المهجن \ يطول فيه الكلااااام ولا ينتهي لان كل صقااااااار ورغبته 0
لكن الاكيد ان اغلب اللي يسبون الجير ما جربوه يسمعون ويرددون انه فاااشل لكن من جربه وصقره صقاااااااااره وزن شرط ليغير رااااايه في الجير 0
ارجع واقول كل ورغبته وسلاااامتك يابوصاااالح 0

[المسرع]

حي الله الفيتو مرحبا مليون
الطير اللي مايضيق على الزاجل في دايره اقصاها 2كم
لايكشف برقعه
صحيح

[مطرح الأبكار]

حي اللة المميز في علومة

[عاشق حضن]

وصفه راعيه وبدع في وصوفه ++ خلقت الخالق ولا فيها تغير


يوم وصف كنه أيعزف معزوفه ++ ان بغاها طوع ولا تنتظير


شاعر وصقار وروس معروفه ++ حبلهم ممدود ماهوب القصير


ان وقف مثل المهلهل في وقوفه ++ مايهمه لا كبير ولا صغير


وان تربع حاتمين في ضيوفه ++ سلمهم من جدهم ماينتغير


علمه يااحمد يرتب في صفوفه ++ دامه أعلن حرب مافيها تحير


بنقل الجيرات والساحل بطوفه ++ مقصدي شوفه ولا فيها تخير

[علي الهاملي]

انتهاء زمان الوحش مافيه غير الجير نحن في زمان السرعه يعني مايلحق الحبارا المعشر في شهر 2 الا قليل من الحرار ويصيد بعد 7 كيلو ولا 8 كيلو اما الجير مايخليك تطمش على الهدد من سرعته يعني شغال على محركات طياره والسلام ختام ....... راعي خراش

[لبيه يمنادي]

مرحبا مليون بخونا الفيتو

والله ياخوي كل نفس وهوها ....
لاكن وانا اخوك ولايهونون الربع ... اللي ماقنص بالجير وشاف فعله اكيد بيهضم حقه .. اغلب اللي قنو الجير وقنصوبه وشافو فعله عافو الحرار .. لاكن بشرط انك تعطي الطير حقه من دعو ولياقه وعديه وشوف الفعل ... والله انه مايخليك تتطمش ...... والله انه جاب الخبر اخوي علي الهاملي ... شهر 2 يوم الحباري معشر ماينفعك الا ... الميراج ... (( الجير ))

الحر مانهضم حقه ابشر بالعشاء اذا الحبارا ماهي مخرشه ....

السرعه اهم شي في قنص اليوم لان الحبر من كثر القوانيص ماعاد تنلحق اطير علي الغط .. ومايجيبها الا وحدان .. من دون .. واحد ....

[قنيص غبر]

مرحبا ومسهلا يا ابو صالح .. اشكرك على التحفيز للجير . والجير الطيب تراه يعوض عن كل الطيور خاصه اذا جاك حر شكل ولون وعون .. واقول 2 كم حق هدد حمام للجير كافي وزياده :)

[بررق]

ما شاءالله تبارك الله

[تميم222]

صح يالفيتو نيست اقول معلومها ...يمكن سبقوني ...بها الربع...وهي ان الجير ما تستمتع بالطرد ...يعني بندق ماااشالله ... يعني حباره ما تفر شبر منه...والحر العادي .يروح ويرجع..ثم يعود عليك وياخذ..منك عزبه عشان يوصل لحباره.... يعني حلزونه..بس بدون جنحان امام... الجير.:D

[CoLumBuS]

والنعم فيك يالفيتو

[النـادر]

الله يصلح قلبك يالفيتو

هذي على الطاير وتسلو بها

كل راعي عشق معجبته هنوفه=والهوى والعشق مافيها مضير
عنتر العبسي ولا نجهل وصوفه=حبته عبلة ولزق فيها وشير
خل بن هباس والساحل وطوفه=للشمال شوي دام انك تعيير
لا كفخ دوبك تشوف او ماتشوفه=تسعة اعشار الهياط إنه يتغير
وإن ابو شكمان تاليها تعوفه=الحظيظ اللي مع الحملة تجيير

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه


*
أخوي /تميم222
سلمت وماعليك زود .. انا شوف
المحك في الجير ماهوب
في الحلزوني ههههه
اشكر على المرور والرد
*
أخوي /أبـو عـقـاب
مرحبا ملايين . ابشرك بخير ياعلك بخير
واشكر محضورك .سلمت ياغالي
*
أخوي /راعي طلاع
مرحبا وهلا .. كلامك في محله
نظره عامه مثل ماقلت هذا الجير
اشكرك على الحضور والرد


*
أخوي /سلطان 1
الله يحييك ويبقيك
صدقت .. وانا من مشجعين الجير
شاكرا مرورك الكريم
*
أخوي /المسرع
هلا ملايين .. مشكور على المرور
والتعقيب


*
أخوي /مطرح الأبكار
سلمت ودمت وماعليك زود
*
أخوي /عاشق حضن
وصفه راعيه وبدع في وصوفه ** خلقت الخالق ولا فيها تغير
سلمت ودمت وصح السانك
ليت المشرفين يضمون المجاراه للموضوع
مشكور


*
أخوي /علي الهاملي
مرحبا وهلا براعي خراش
صدقت المعشر وين طيرها ؟ اشكر
حضورك
*
أخوي /لبيه يمنادي
هلا ومرحبا .. صادقالحبر من كثر القوانيص ماعاد تنلحق اطير علي الغط
حضور سرني ياغالي
*
أخوي /قنيص غبر
مرحبتين وهلا .. اكيد هذا ردك
متوقع انك بتتحمس للجير
مشكور على الحضور
*
أخوي /بررق
سلمت ومشكور
*
أخوي /محب الشواهين
ماعليك زود .. عشت .. مشكور
*
أخوي /النـادر
امين .. مشكور
لا كفخ دوبك تشوف او ماتشوفه**تسعة اعشار الهياط إنه يتغير
يالطيف يالله سترك
اشكر ياغالي وصح السانك
*
والسلام
الفيتو
الحجاز
8-2-1432هـ

[روووح]

مرحبا يابوصالح
والله لا شفت لك موضوع كاني شايف لها جرره
الله يحييك ويحيي ما جبت
تحياتي لك...

اما هالبيت,,!!! الله يسامحه عليه هههههههه
جا مهاجر معتلي عالي قـــنوفه **ماجلب للسوق مشروط ٍ مـطــير:D

[هاوي هدد 11]

مرحبا مليووووووووووووووون
يابوصالح
المعذرةأنامع أبونايف
والصقرمن صقاره
http://www14.0zz0.com/2011/01/14/18/364208447.jpg (http://www14.0zz0.com/2011/01/14/18/364208447.jpg)

[هاوي هدد 11]

مرحبامليوووووووووووون
يابوصالح
المعذرة أنامع أبونايف
http://www14.0zz0.com/2011/01/14/18/364208447.jpg (http://www14.0zz0.com/2011/01/14/18/364208447.jpg)

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياجماعه
*
أخوي /روح
مرحبا هيل .. شف هالبيت كيف طاح عليه
ههههههه .اشكرك على المرور
*
أخوي /هاوي هدد 11
مرحبا عدد ماصادت امن الطرق كراوين
مرحبا بشيخ صقاقير الغربيه
حزب ابو نايف هههههه
حضورك سرني
سلامي للجميع
اشكرك
*
والسلام
الفيتو
الحجاز
11-2-1432هـ

[المقنع666]

هلا بك يالفيتو كيف الحال طال عمرك


نورت المنتدي من بعد هل الغيبة

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير
أخوي /المقنع666
هلا وغلا منور بيك ياطويل العمر
حضورك سرني
اشكرك
*
والسلام
الفيتو
الحجاز
12-2-1432هـ

[ابوسعد 3]

وعليكم السلام
يالله حيهـ وحي ماجاب

يعطيك العافيهـ ..

[أبو أمين]

تحدي صعب

لكن ان كان الحر بيضيق في 2كيلو على الزاجل هي وحده من الاثنين

1- اما ان الزاجل الي تهدونه عايدي جدا جدا جدا

2- اذا كان الزاجل عليه الكلام ويضيق عليه الطير فطيركم هذا شاااااااااااااااااااااذ عن الحرار

تأكد يالفيتو طيركم هذا يتيم ومعلمته الجيره السنع ههههههههه

مداعبه بسيطه

شاكر لك

[عابر الجو]

هاوي هدد11 مشكورعلى المرور مثل مقال الشاعر بن عون [طرح الشبك مقلبوه الطواويش**** ولا قرنسوه أهل العشش في عشاشها

[دابان]

السلام عليكم ورحمة الله وبركاته
يا هلا وغلا والله
ويا حي ها الطله والله يالفيتو
وطلتك والله تذكرنا بطله (سهيل)

والحر (راع الاوله) وراع الاوله ما يلحق يا (طير شلوى)

والجير رفضة انكار للواقع

[ابوفلاح كويت]

ناقل الي لاطرد دوبك تشوفه :::: يقصر الدربيل لو انه معير

كل ماروح يضمد في كتوفه :::: مثل كدري ناشه الرمي وتذير

أول المقناص ريشته معروفه :::: وآخر المقناص تلقاه متغير


وسلامتكم // حبيت اشارك النشاما في البيتين هذي

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
*
أخوي /ابوسعد 3
يامرحبا هيل
حضور سرني ياغالي
*
أخوي /أبو أمين
هلا ومرحبا .. انت مافيك حيله
عارف العلوم كلها هههه زاجلنا لك عليه
بس الطير سبوق وعجيب والظاهر
دارس فس ساند هيرس
اشكرك على الحضور

*
أخوي /عابر الجو
مرحبا ..ماهوب من وارد الجير من طار من عشه مراحه خلاوي
اشكرك
*
أخوي /دابان
سلمت ودمت .. اشكرك وماعليك زود
سرني مرورك وردك الجميل
*
أخوي /ابوفلاح كويت
ناقل الي لاطرد دوبك تشوفه :::: يقصر الدربيل لو انه معير

كل ماروح يضمد في كتوفه :::: مثل كدري ناشه الرمي وتذير:good2:

أول المقناص ريشته معروفه :::: وآخر المقناص تلقاه متغير


حيها من مشاركه صح السانك ومشكور مليتها عدل
اشكرك جزيل الشكر
*
والسلام
الفيتو
الحجاز
14-2-1432هـ

[راعي غضبان]

حي الله بوصالح



وموضوع الطير الوحش والجير \ المهجن \ يطول فيه الكلااااام ولا ينتهي لان كل صقااااااار ورغبته 0
لكن الاكيد ان اغلب اللي يسبون الجير ما جربوه يسمعون ويرددون انه فاااشل لكن من جربه وصقره صقاااااااااره وزن شرط ليغير رااااايه في الجير 0


ارجع واقول كل ورغبته وسلاااامتك يابوصاااالح 0

مرحبا اخوي الفيتو ماقصر اخوي سلطان كلن واختياره والجير بالسبق مافيه مقارنه والي يصقره مضبوط يونسه ويطربه والوحش ماعنه غناه لابد منه معك في السياره له متعه غير والف شكر لك

[قرناس شماالي]

وعليكم السلام ورحمة الله وبركاتة
مشكور يالفيت وعلى هصور وصح السانك
وماقصرت
وتحياتي

[ملاعب الطير]

سلاااااااااااااام
يالفيتو
صباحك شيح ونفل
تعال
يوم اكلمك قبل فتره قصيره
يوم اقولك انا بالشمال وابيك تشوف الطير اللي عندكم بالحجاز
الطير الحمر الصافي السبوق على قول راعيه
تذكرت!
وراك ماعلمتني ان الجير مهضوم حقه عندكم؟
انا رجعت لي عشرين يوم
وربطت اطيوري
لكن اذا مافي احد يجابه ويداحم الريجيل وطيورهم
انا حاضر
بس ابي اسبوع
وراح ارد كرامة الجير كامله لعيونك يا احمد
تقبل مروري
كن بخير

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
*
أخوي /راعي غضبان
يامرحبا .. وكلام سطان في محله
وانا معكم . اشكر حضورك
*
أخوي /قرناس شماالي
هلا ومرحبا .. صح بدنك يا غالي
مشكور
*
أخوي /ملاعب الطير
صباحك بختري ويشموم عن اللي داسه ابو نايف
لكن لا تتركنا الموسم هذا خذوها والموسم الجاي
عندنا بعد فزعتك ان شاء الله
انت كفو وطيورك كفو
اشكرك
*
والسلام
الفيتو
الحجاز
16-2-1432هـ

[ذراع الذيب]

السلام عليكم ورحمة الله وبركاته,,
صبحت بالخير يالفيتو,,


انا ويني عن هالموضوع مادريت عنه الايوم جيت ارتب مواضيعك,,
اخبار تسر عن رماع وبشر عساه غيرك نظرتك:) ولاالتحدي مازال,,
تحياتي لك,,

[مخلاب خامس]

السلام عليكم ورحمة الله وبركاته
لا شك ان طيورنا اللي تطرح عندنا لها الحنين والشوق وهي اساسنا وسبب ولعنا بالصقارة ، ،
لكن الان بعد الاتفاقيات الدولية وتناقص الطيور من مواكرها ،، اصبحت الصقارة بكشل عام صناعة ،،
وهذا سبب كافي لازدهار سوق الجيرات بغض النظر عن فعلها ( اذا عرفت تشتري جير ووفقت فيه )
انا واعوذ بالله من كلمة انا ماكنت اتصور في يوم اني استغني عن الصافي واخذ جير ،، لكن حدث مالم يكن في الحسبان ووقعت في غرام الجير وانساني حبه وصوف وشخوص العشق القديم اللي هو الحر الكلاسيكي

ولكن الغريب انه مازال عندي عشق ابدي وازلي للبحرية

اسف على الاطالة يالربع لكن موضوع لمس الجرح الدفين والعشق القديم للحر الكلاسيكي
شكراً ابو صالح ولا يهونون الاخوان



اللهم صلي على محمد

[طير جويان]

السلام عليكم /اخوى مخلاب خامس حتى الطيورالعبور فرخوها(الفارس/الشامي/الصافي/الجرودي) لاكن اشتري مثلوث مطروح بالحماد اوبالخبت احسن من ولد الديره الي لاراح ولاجاءوناوقفت على طيور مجلوبه من سورياجايه مستورده من روسيا وايران ويقولون طرح المملكه الطير المطروح تحت ماكره غير الي عابرلنارغم انه طار بمحيطه يعني ماقطع مسافات والطير الي توه مطروح يمس حاله على الشبه مثل الخيال الجديد ونكان (فرخ لازم شرط اساسي وجود سبلة الذنابا تقل شوك) وكفه حرش مثل برثن الضب اخوك طير جويان

[@السيف@]

ابيض وجه وماتجيب الا العلوم السنعه ونا اخوك اذا المقصد من الصقاره الوناسه وتوسيع الصدر مازي الحر تشوف هدد وتعيش جو واذا صاد الطير تزيد غلاته والحر يشارك العيال المحبه لكن الجير ما اعتقد وضني السبب ان الحر عاش بيننا ويذكرنا بالجيل الذهبي راعي العلوم الطيبه وانت منهم لكن الجير هد وعلق مافي متعه طرد والدعوه مقناص واذا جات علي السرعه اخذ طياره بالريموت كنترول واركب عليها ريش واعلق حباري واذ السبب الجوع والاكل اقنص بشاخوفه ويكفي التكنيك في الحر تحس انه يفكر ذكي يعرف متي يطرد ومتي يعلق وكيف يعلق وكيف يردد اما الجير احس انه سباق 100 متر ياخوي قارن بين هدد حر وجير وشوف وين المتعه ومع احترامي لصقارة الجير وينالمتعه بالنسبه لي حر يطرد مطراد وعقبها ان علق كمل وجمل واذا حل تكفيني الوناسه