عطني شورك يالطيب

[بعد النقطه]

السلام عليكم


انا ناوي اشتري جمس حدي من 15 الي 20 الف بالكثير

هاذي القيمه وش تجيب لي من الجموس اي مديل

وش رايم في الجمس هل هو قطع استهلاكيه وخلاص ولا يبهبل بي في الخربات

استخدامي راح يصير له خفيف عندي موتر ثاني بس هذا ابيه لطلعات البر او نقل اثاث


ياليت الي جرب الجمس يقول

1- هل خرباته زي اي سياره وفيه غثاء

2- كيفه على الخط او مسكت به خط

3- النوع الي تنصحوني به



وشكرا مقدما

[بعد النقطه]

غريبه الموضوع قد له تقريبا 3 ايام ولا حصلت ولا رد

[عيسى عبد الله]

اخوي انا كان عندي 2واحد 79 مكينه 454شريته نضيف وصلابي شرق لين بعته وكان عندنا وايت جمس 8طن يرد ما فيه شيء ويصدر خربان وهو نضيف وكل شتاء نوديه الورشه ونشيكه
وثاني 350مكينه احسن استخداد وقل خرابات وكلهن عليهن خفت ونفسه ويعطيك وقطع الغيار رخيص وهو امريكي كله يخرب بدون اي مقدمات ماهو مثل الياباني انا كان عندي جيب GXRحول 10 سنسن الحمد لله قليل خربات جداا واذا حطيت القطعه فيع تنساها ومن يوم بعته وانا ما حصلت الي يووحل محله
اذا كنت هاوي جمس دور نضيف و350 مكينه احسن استخدام وتعرفلك على راعي ورشه مضبووط ومتخصص امرريكي والفلووس تصير مخباتك ملليانه والله يعينك
بس الياباني غير
وتحياتي لك

[وحداني بعرعر]

مرحبا ..

من ناحية الجمس والشفر موديل 90 وتحت فهذا يعيبه صرفيته للبنزين وغيرها مافيه أي مشكلة وبالنسبة للصيانة فخذها قاعدة ..الموتر النظيف يستاهل قيمته لأنه يفكك بإذن الله من كثرة الصيانة والاهم مايتعطل فيك بسفر ولا مشوار ضروري!! ولو طلب ترى القطع متوفرة ورخيصة وبأي ورشة يقدر يصلح لك الموتر أو أنت بنفسك تصلح لأن القديم سهل جدا وغير معقد كالحديث.
واذا موديله 91 وطالع فهذي الموديلات نظام الوقود بخاخ أو حلاب مما يعني أكثر قوة وعزم وأقل إستهلاك للوقود.
أما بالنسبة للأسعار فهذا يحدده نظافة الموتر , وأنا شخصيا وقفت على جمس 1979 يسام بـ 34 ألف ولاباع !

عموما إذا تبي لك وانيت..؟! عندي فورد 250 محركاته نظيفة والبدي مرشوش بالكامل عداد 140 الف موديل 94 وارغب ببيعة حاليا وانسام قبل ايام 14.500 لو لك نظر ..
وللذمة السيارة سافرت عليها مسافات طويلة داخل وخارج السعودية وماشي معاي 100%

آسف على الاطالة.. وفق الله الجميع .