المساعد الشخصي الرقمي

مشاهدة النسخة كاملة : تكفون يا أهل الفزعة


هاوي صحاري
12/01/2011, 06:47 PM
يا أهل الفزعة



السلام عليكم ورحمة الله


تكفون يا أهل الإختصاص والخبرة اعطونا الجواب اللي عليه الكلام


عندي جيب gx99 قبل ثمانيه اشهر غيرت جميع المقصات فوق وتحت


عشان الجوزات حيث انهم يقولون ان الجوزات ما تجي لوحدها


غير هي والمقصات واليوم كشفت على الموتر ووجدت نفس المشكلة


ان الجوزات الفوقيه معدومه وتحتاج الى غيار وانها ما تباع لوحدها بل تجي


مع المقص .


هل فعلا ان الجوزات ما تجي الا مع المقص أو إنها تباع لوحدها


تكفون اكلونا اهل القطع والعمالة الوافدة وماندري الصحيح من الخطأ


وقلنا مالنا الا اخواننا في منتديات مكشات يعطونا الخبر اليقين


والآن نتظر الاجابة على احر من جمر الغضا
هاوي صحاري
12/01/2011, 09:25 PM
يالربع غدا الخميس مافيه فزعة
الريصي
12/01/2011, 10:03 PM
مساء الخير اخوي هاوي الله يسلمك انا حصلت معي نفس المشكلة بسيارتي لاند كروز99 وغيرت الركب مع المقصات وبعد فترة خربت الجهة الثانية واشتريت مقص كامل مع الركب ب570 وذهبت لورشه صاحبها صديق لي واشار علي اني ارجع المقص الجديد واجيب له ركب أي الجوزه وتباع لحالها تجاري وب100 ريال وبالفعل رجعت المقص واشتريت ركب تجاريه فوق وتحت وتم تركيها ولي اكثر من 8 اشهر وهي راكبه وانصح بها بعد تجربه توكل على الله وركبها فهي عمليه
مخايل البراق
12/01/2011, 10:17 PM
اخوي الريصي
عندي نفس المشكلة
انا راعي بر وطربقه
تنصحني بالتجاري لاني خايف اركبها وتنكسر
هاوي صحاري
12/01/2011, 10:26 PM
مساء الخير اخوي هاوي الله يسلمك انا حصلت معي نفس المشكلة بسيارتي لاند كروز99 وغيرت الركب مع المقصات وبعد فترة خربت الجهة الثانية واشتريت مقص كامل مع الركب ب570 وذهبت لورشه صاحبها صديق لي واشار علي اني ارجع المقص الجديد واجيب له ركب أي الجوزه وتباع لحالها تجاري وب100 ريال وبالفعل رجعت المقص واشتريت ركب تجاريه فوق وتحت وتم تركيها ولي اكثر من 8 اشهر وهي راكبه وانصح بها بعد تجربه توكل على الله وركبها فهي عمليه


بيض الله وجهك يا صاحب الفزعة

أنا الان بالمينة المنورة وسألت هل توجد الجوزات لوحدها ويقولون لي

غير مع المقص وبلشت بهم ولكن انت يالنشمي مين اين شريتها ؟

وهل يمكن لنا مراسلة المحل اللي شريتها منه ؟؟!

وجزاك الله خير مايجزي به عباده الصالحين

وننتظر من باقي اخواننا في هذا المنتدى الافادة اكثر وتحديد اماكن وجود هذه القطع وطريقة الحصول عليها.
الريصي
13/01/2011, 08:10 PM
اخوي الريصي
عندي نفس المشكلة
انا راعي بر وطربقه
تنصحني بالتجاري لاني خايف اركبها وتنكسر
هلا باخوي مخايل الله يسلمك ركبها وتوكل على الله انا راعي بر مااصبر عن البر وديرتنا الله يسيله حائل بها جبال ونفود وشعبان وكل اسبوع بلي ديره يعني الاربعاء والخميس والجمعة وترن ماني راكد بالسواقة والله اني انصح بتركيبها وبشده بعد تجربتي
الريصي
13/01/2011, 08:15 PM
بيض الله وجهك يا صاحب الفزعة

أنا الان بالمينة المنورة وسألت هل توجد الجوزات لوحدها ويقولون لي

غير مع المقص وبلشت بهم ولكن انت يالنشمي مين اين شريتها ؟

وهل يمكن لنا مراسلة المحل اللي شريتها منه ؟؟!

وجزاك الله خير مايجزي به عباده الصالحين

وننتظر من باقي اخواننا في هذا المنتدى الافادة اكثر وتحديد اماكن وجود هذه القطع وطريقة الحصول عليها.


هلا بهاوي وجهك ابيض اخي انا مركبها وشاريها من حائل واذا امرتني فسوف اشريها لك وارسلها ابشر طال عمرك ولكن مر على المنيفي لقطع الغيار لعلك تجدها واذا تبي من حائل ابشرمتوفره فوق وتحت ولك رساله على الخاص رقم جوالي
هاوي صحاري
14/01/2011, 11:45 AM
هلا بهاوي وجهك ابيض اخي انا مركبها وشاريها من حائل واذا امرتني فسوف اشريها لك وارسلها ابشر طال عمرك ولكن مر على المنيفي لقطع الغيار لعلك تجدها واذا تبي من حائل ابشرمتوفره فوق وتحت ولك رساله على الخاص رقم جوالي


بيض الله وجهك اخي الفاضل والفزعه والنخوه والشهامه والكرم ليس غريب على اهل


حايل احفاد حاتم الطائي وسوف ابحث عنها في المحل الذي ذكرت وان لم اجدها فسوف


ارسل لك يالذيب


وشاكر لك حسن التعاون واسأل الله لك التوفيق ,,,,,,,,,