ممكن تكفون تفهموني شوي في الجو

[ابورشا]

بسم الله الرحمن الرحيم

السلام عليكم ورحمة الله وبركاته 1=وشوتعريف الظغط الجوي المنخض والمرتفع
2-انا انضر صور الاقمار لصناعيه للغيم وهي جايه صوب المملكه من افريقيا هل هي الغيوم التي تمطر علينا السنوات الماضيه او ان الغيوم التي تمطر تتكون من رطوبه في الجو
3-وش يروح الغيوم التي تجي عنا او وين تروح تختفي على السعوديه
4-هناك شي انا غاسل يدي من الاقمار الصنايعه لانه قبل اسبوع علينا في شعيب نساح غيم ولاتوجد في الاقمار الصناعيه
5- ودي اتعلم في حركة السحب وتكوين الامطار وغيرها من امور الغيوم

[هاوي المطر]

ممكن ترجع للموضوع المثبت فوق
المواضيع المميزه

[رعد الضحى]

أبو رشا ..فيه أفهم مني بالمنتدى لكن أبتلقف وأجاوبك :

الضغط الجوي قوة الضغط في طبقات الجو العليا ..إذا كانت قيم الضغط عالية مايجي مطر ..إذا انخفضت تتكون فرصة تعمق المنخفظات إذا بدأت قيم الضغط (تتخلخل) أبشر بالخير ..لأنه فيه فرصة لدخول منخفض
المنخفض ..دائما تتكون فيه السحب وترتفع درجات الحرارة وتكبر فرصة هطول الأمطار
المرتفع ...حط موترك بالمظلة وتذرى عن البرررررررررررررررررد ..يجيب الله مطر
* السحب اللي تقول عليكم وماطلعت هذي سحب بسيطة جدا وربما تكون سحب محلية ماتظهرها الأقمار الصناعية
سؤالك الأخير يحتاج عدة أمور :
يلزمك رادو روسي علشان رصد البروق اللي داخل المملكة واللي خارجها ااااااااا
يلزمك جيب لملاحقة السحب والبروق
أو أبختصر عليك ..خلك خوي لخالد العوض لمدة شهرين ..
وأضمن بعدها تحدد البرق اللي على الجهراء وتيماء وأنت بالخرج

تحياتي

[nahham]

الاخ رعد الضحى

خلك خوي لخالد العوض لمدة شهرين ..
وأضمن بعدها تحدد البرق اللي على الجهراء وتيماء وأنت بالخرج

ههههههههههههههههههههه

حلوه واحنا لقينا ابو عوض

على يدك انا ابي ابو عوض في شغل خاص له وما قدرت اصيده

[خالد العوض]

وش دعو ياخو نهام بالعكس الكبرى مهوب من طبعي بس يمكن غفله شوي
واخوي ابورشاء قبل كل شي يمر مكتبة تهامه او دار الكوثر بالرياض ويشتري الكتُب هذي ويقرا زين وبعدين يدخل عندنا علشان يصير تصوره مظبوط
وهذي صورته تحت بس الكتب هذي قديمه صادره له18سنه مدري تلقاه اولا
http://www.eyelash.ps/up/uploads/01e7fcc4ea.jpg
http://www.eyelash.ps/up/uploads/c8a3d7a11a.jpg
http://www.eyelash.ps/up/uploads/4fdf6bb6f0.jpghttp://www.eyelash.ps/up/uploads/166fc4e05b.jpg
http://www.eyelash.ps/up/uploads/ddb2bef18d.jpg
http://www.eyelash.ps/up/uploads/1af3a564af.jpg

[ابورشا]

الله يغفر لكم
وهل من مزيد