مشورتكم يالربع

[سلمان علي]

يالربع عندي طير حاله موب عاجبني ابد

احس انه كل يوم يوم يضعف عن قبل

والمشكله ان المرش حق الطير اعزكم الله صار لونه اخضر ومايل للون الازرق

وش اعطيه من دوا ارجو انكم تفيدوني

[السويحلي]

يمكن الطير فيه تسمم

و ان شاء الله الشباب يعرفون العلاج

بالتوفيق

[راعي طلاع]

الظاهر الطير فيه ديدان.....

[سلمان علي]

طيب وش الحل انا قبل كم يوم كنت اعطيه سبارتوكس دوا مرض القلاع
كنت احطها بداخل الكبده واعطيه هي بس الحين صار يكشف الخدعه وما صار ياكلها دفعه واحده الا بعد مايطلع الحبه

الحل يا اخوااني

[falcon 1]

السلام عليكم ورحمة الله وبركاته
اخوي فحصت الطير ولا لا ؟؟ انت متاكد انه قلاع ؟ يمكن مو قلاع والله العالم.
لو انا منك افحص الطير وان شاء الله يعطيك دواء..لكن يا خوك بالنسبه للحبه نفسه انت تحطها داخل قدام الطير ؟ لانه بصراحه اول مره اسمع طير ما ياكل لانه اكو حبه باكله ههههه سبحان الله ..والله لو الطير جوعان ..انه ياكل العظم من الجوع.

اخوك فالكن 1

[سلمان علي]

والله ياخوي انا حاس ان حتى شهيته للاكل ماصارت مثل اول اول كان يبلع الاكل على طول بس الحين صار ياكل شوي شوي

وعلى فكره هو له فتره ماروبج

[تميم222]

اخوي علي سلمان ...شف الطير ما دامه في ضعف ..فهو من حالتين لامحاله ...اولاً البرد ..فلازم ...تزود العلف له ...بحكم البرد..هذا شي ...ثانيا مرش الطير ؟؟الطبيعي بيكون ابيض ..واسود.. الا فى حاله ان عطيته سمان فهو بيميل للون الاخضر الفاتح فهذا طبيعي جداً...وغير هذا فالطير ..اذاكان مرشه اخضر دائماً بيكون الطير مملوع في اغلب الاحيان..اذا كان اما اي لون اخر فلا تستهين بالموضوع ان كان الطير هذا غالي عندك ...على طول رح للمستشفى..واطلب فحص له . بنسبه لروباج ..حاول تعطيه جربوع او زكه بالريش وش بعد يوم اذا ماروبج فان فيه مشكله .تقبل مروري اخوك ابو تميم

[مشبر البران]

أفحص الطير
أزيلك من انك تحتريه لين يموت

[الهدهد]

لون المرش الله يعزكم يعتمد على العلف
لكن في حالتك اذا الطير في نزول اسبابه واجد ممكن دود والدود مصيبه اذا ماتعالج وعلاجه حبوب لكن بعد ما تصنع الطير لا تعطيه على ضعف دواء الدود الحبه الصفره الى تعطيه حبتين قبل الاكل باربع ساعات وبعد 14 يوم تعطيه الحبتين الثانيات.
وبالنسبه الى الرباجه في حلول طبيه مثل الحبوب موجوده عند الطبيب وفي حلول عامه وانا افضلها عطه جربوعين كل 3ايام 3مرات لكن خلال الفتره عطه لحم صافي او دق له العلف اذا كان فري بدون ريش
ملاحظه اذا تبي تعطيه العلاج اذا حبوب حاول تعطيه تسقيط يعني تفك فمه وتحط العلف داخل بلعومه بيدك.
والله يشفي طيرك