تجهيز الددسن الدبل للرحلات البريه بالصور

[محمد العبدالسلام]

السلام عليكم ورحمة الله وبركاته

اخواني هذا موضوع سبق وان قمت بإنزاله ولكن صادف ان ذهب مع بعض المواضيع التي حذفت اثناء فترة توقف المنتدى فحبيت اعيد انزاله مع إجراء بعض التعديلات على الموضوع .

الصورة الأولى تثبيت ماطور الهواء بجانب البطاريه بالجهه اليمنى للسياره وقد وضعت له قطعه من الصاج من الأسفل لحفظه من الماء
http://www.mekshat.com/pix/upload/images11/mk7850_mator.jpg

وهذه الصوره الثانيه
http://www.mekshat.com/pix/upload/images11/mk7850_mator1.jpg

وهذه صورة جهاز الأيكوم لكن يعاب على هذا الموقع الحراره بفصل الصيف يعني لازم تطفيه في حال عدم استعماله
http://www.mekshat.com/pix/upload/images11/mk7850_icome.jpg

وهذه صورة جهاز الجارمن وقد افردت له موضوع عن تثبيت القاعدة بخيمة أجهزة الملاحة

http://www.mekshat.com/pix/upload/images11/mk7850_myrat.jpg

وهذه صورة لتانكي الماء وهو على شكل بسط يعني على امتداد الحوض ويتسع بالضبط إلى 104 لتر وقد عملت له قواطع بالوسط حتى يتحمل الأوزان التي ترص فوقه وهو حديد طبعاً بسمك 2ملي
http://www.mekshat.com/pix/upload/images11/mk7850_tank1.jpg

وهذه صورة للتانكي عن قرب
http://www.mekshat.com/pix/upload/images11/mk7850_tank.jpg

وهذه عن بعد
http://www.mekshat.com/pix/upload/images11/mk7850_tank2.jpg

وهذا ماطور الكهرباء وقد قمت بتثبيته خلف المرتبه الخلفيه وقمت بتمديد الأسلاك الى البطاريه مباشره
http://www.mekshat.com/pix/upload/images11/mk7850_pict0204.jpg

وهذا الددس على احد النفود بس الجنوط تم تغييرها إلى جنوط سفاري 2005 مقاس 15المنيوم
http://www.mekshat.com/pix/upload/images11/mk7850_mycar1.jpg
وسلامتكم،،،

[Khalid AlGhamdi]

وعليكم السلام ورحمة الله وبركاته

سجل حجزي اوكي بالله لو سمحت معك :)

الله يعطيك من خيره ويكفيك شره ماشاء الله تبارك الله ماناقصك شي

[nahham]

ماشاء الله تبارك الله

الله يعطيك خيره ويكفيك شره

يبي لنا نشوف على الطبيعه في البر وقدر الكاتم يطبخ

هههههههههههههههه

تسلم يالغالي

[راع الونيت]

الله يعطيك العافية على التوضيحات المهمة والصور الواضحة
تقبل خالص تحياتي

[رسلان]

عافاك الله أخي على المجهود ...
وذكرتنا بأم الجمايل ....
98 عشرة سبع سنوات ....
لكن بعناها الصيف الماضي ...
تمنيت وجودها الآن ... فهناك تجهزيات كنت ركبتها فيها .... لتكميل الموضوع ...
ولكن - قدر الله وماشاء فعل :) ....

شكر الله لكم ...
وجزيتم خير الجزاء ...

[المستوي 1]

هلا فيك
الله يطعمك خير ويكفيك شره
ولكن هناك شيء اختلف معك فية من واقع تجربه
اي شيء كهرب و هو المحول لا تمد له اي شيء لانه خطر الالتماس و الحريق خصوصا انه بجنب المرتبه
ولكن عند الحاجة يمكن اخراجه و استعماله

و الله يستر عليك و يوفقك في كشتاتك

[أبو يوسف]

ما شاء الله شغل متكتك


بس مثل ما قال المستوي

تمديدات المحول خطرة انتبه
لأنه مع زيادة الاحمال يحتر السلط ثم الله يستر

مشكور على الجولة الرائعة في ثنايا الددسن بس وراك ما خليتنا نناظر على الطبيعة يوم الاجتماع

تحيتي

[حـاتـم]

ماشاء الله عليك شغل نظيف

وباخذ الصور نستفيد منها بالددسن

وشكرا

اخوك / حاتم

شغل عدل

[صقر]

ياسلام على التنظيم والتكتكة .... حقيقة اعجبني شغلك وترتبيك وضبطك للشغل .

على الرغم صغر حجم السيارة مقارنة بالجيوب ... لكن ماشاء الله عليك رهمت كل شي بطريقة ( وذفة ) .

بالنسبة للأيكوم انا أرى انه كذا ممكن تزيد حرارته ويحترق عليك.

بالنسبة لمحول الكهرباء انا ما ادري وين مكان ( خلف المرتبة الامامية ) هل هو أسفل المرتبة؟؟؟ واذا كان الجواب نعم ... الا ترى انه من الصعوبة التعامل معه في هذا لمكان الضيق. ؟

أشكرك على طرح هذا الموضوع الرائع .

وبارك الله فيك.

[بن نويشر]

ألتانكي ما يصدي ؟ وهل بالإمكان تفصيل من الألمنيوم أو الفيبر ؟

[(الأشهب)]

ماقصرت يالغالي كفييت ووفيت

تحياتي......

[الجفن]

ابن نجد يعطيك العافيه وما قصرت
عندي فقط ملاحظه بصيط جدا فقط وهو الكنود الشوف انه رايح يحترق على كذا لانه يبقله محل مفتوح مو مكتوم المروحه الي جواته يبغالها محل نفاه وشكرا على الابدعات الجيده مع خالص تقديري وحترامي ( الجفن )

[الضاري]

ابن نجد

بصراحة الله يعطيك العافية

شغل متعوب علية

لي عودة بأذن الله بالقريب العاجل وبالصور لقاعدة القارمن وجهاز المكالمات

تحياتي للجميع

[غالي]

ماشاء الله تبارك الله

[محمد العبدالسلام]

AbuMu3ath
اخوي هلا بك وان ما شالك الموتر تشيلك عيوننا

nahham
هلابك يا الغالي ووالله اني ادعو لك بهالعشر على علومك الطيبة يوم جمعتنا هاك الليل الله يجمعنا وياك بمقر رحمته

راع الونيت
هلا بك اخوي وما علمتنا وش نوع الوانيت

رسلان
حياك اخوي رسلان وشلونك وش علومك بس مالك حق يوم تفرط بالددس
لكن ترى السياره وصاحبها تحت امرك


المستوي 1
تسلم اخوي على ملحوظاتك بس اخوك محتاط وبالنسبة للتمديدات استخدمت فيها اسلاك بمنتصفها فيوز وهي الاسلاك التي تستخدم في توصيل جهاز الايكوم

أبو يوسف
اشكرك اخوي على توجيهاتك وهاك اليوم والله الواحد ماهو مصدق بيكون مع هالوجيه الطيبه وبيفكر بشئ ثاني نسينا السيارات ونسينا اشياء ثانيه

حـاتـم
هلا بك اخوي حاتم ويا اخي انا عتبان عليك وراك شلت صورة الددسن من توقيعك

صقر
هلا وغلا بمشرفنا الغالي والله تشرفت بمرورك على الموضوع وثنائك عليه الف شكر يا الغالي وياليت يحصل لنا نشوف هالوجيه الطيبه مره ثانيه

سنيدي
هلا بك اخي بالنسبة للتانكي حديد والحديد عرضه للصدأ لكن اذا حافظت عليه وحاولت عدم ترك الماء بكميه قليله به ولفتره طويله انشاء الله يمشي معك وقت ما يصدأ وبالنسبة للألمنيوم انا ماعندي فكره عن هالشئ

(الأشهب)
هلابك اخوي واحنا بالخدمة واشكرك على مرورك

الجفن
انا معاك بهالشئ وانشاء الله نفكر له بمكان يكون به تهويه طيبه

الضاري
غالي
الف شكر لكما على مروركما

[قاهر الفري]

الله يعطيك من خيره ويكفيك شره ماشاء الله

[الأعصـــــار]

ماشالله عليك يابن نجد جهد تشكر عليه والله يعطيك خيره ويكفيك شره
ويحفظلك الصغنونه الي تناظر من الدريشه معك في الموتر ترى هي المزينته هههههههههههههههه
ألف شكر لك اخوي أبن نجد......

[الأحوذي]

ماشاء الله تبارك الله الددسن الدفرنسين عليه شغل

اخوي ابن نجد ما ودك تركب فرارات

وسؤال ثاني وش رايك بكفرات شد البلد الدون لوب وليش مغير الجنوط يا ليت تفيدنا يخليك الله لعيالك

[محمد العبدالسلام]

اخوي قاهر الفري هلابك ولك الشكر على مرورك

الغالي الأعصار تسلم والله هذا والله من طيبك وانشاء الله نشوفك قريب بلقاء أم رقيبة

اخوي الأحوذي هلابك اخوي بالنسبة لكفرات شد البلد ماهي زينه كلها مطبات وقاسيه جداً وصغيرة وبالرمل الله لا يوريك ما تمشي وميزته الوحيده انه حجري لكن اذا تبي كفرات مثل العسل عندك تويو ركبها وراح تدعو لي وبالنسبة للفرارات انا مركبه من شريت السياره بس ما هي واضحة بالصورة وانصحك بالامريكي تراه احسن من البرازيلي وبالنسبة لتغيير الجنوط لتجميل الشكل وعشان تفرش الكفرات اكثر وحياك اخوي

[راع الونيت]

أخوي بن نجد حياك الله نوع الونيت داتسون دفرنسين 2005 وسوف أنزل الصور قريبا ان شاء الله بس خلها تكتمل التجهيزات

[قناص الحبارى]

السلام عليكم ورحمة الله وبركاته...

مـــــــــــــــا شـــــــــــــــاء اللـــــــــــــه عــــليك ..

الله يبارك لك فيه ويحفظك من كل مكروه..

الله يزيدك من فضله ونعمته ..

أخوك / أبو عبد العزيز


قناص الحبارى

[محمد العبدالسلام]

يا راعي الونيت لا تتأخر علينا ترانا بشوق اخوي لشوفة ابتكاراتك لكي نستفيد منك يا الغالي

هلابك اخوي قناص الحباري وتشرفت والله بمرورك على الموضوع

[محبس]

هلا فيك
الله يطعمك خير ويكفيك شره
ولكن هناك شيء اختلف معك فية من واقع تجربه

[محمد العبدالسلام]

حياك الله اخوي محبس وياليت تذكر لي وش تختلف معي فيه بالنسبة للسياره

مع ملاحظة ان السيارة بعتها وشريت برادو لكن عشان يستفيد الاخوه

[برق تميم]

ماشاء الله عليك تبارك الله

تدري وش ناقص اخوي ابن نجد ناقص البطاريه الثانية شف دور لها محل انا عجزت القى بطاريه نوع صغير اربعين امبير بطارية الهونداي والكورلا ما تجي

وقريبا نعرض صور الموتر