يشباب ابيكم تفيدوني للاهميه القصوى

[فايز60]

طيري امس طلع على حبارى درج ويوم وصلها خطمله واحد من الشباب صاربينه وبين الحبارى وضايف عندهاوبعدمامسكته شافهاخوينا مخمره قلتله طيرها يوم طيرها هديت وطلبها الطيرعلى طول يوم طبحت تكوبر مسحها من بعيد وطيرتها وقام يرددها علينابس مايلمسها يقربلها تقريبا نص متر تقول اللحين يطقها ويخليها اخرشي طرح وراحت مسافة 500متر وطلبها لحد مصارفوق ظهرها وخلاها ارجوكم افيدوني وشو العلاج والي مرت عليه لايبخل علي تكفون ابي حل

[شهراني وأفتخر]

اهل الخبرة يفيدونك

[ولد مساكن]

السلام عيكم و رحمة الله تعالى و بركاته

يا خوي لازم تحدّد

طيرك أوّل مرّه يشوف الحبارى أو هو معلّم عليها أو هو صايدها من قبل ؟ ؟ ؟

قياس الطّير ؟ ؟ ؟

الطير وقت التدريب آش هي طريقتك : ملواح حبارى و إلّا فك الحمام ؟ ؟ ؟

[جلاد الحباري]

يمكن الطير معلم علومه على الحبارى او انه مايعرفها بتاتا بس هذي شجاعة منه يوم هد ويمكن الطير يكون فسقان والاحتمال الاكبر انه معلم علومة والطير هذا اصبر عليه كان عندي طير نفس سواته كل ماقطت الحبارى وخر عنها ويقعد يمسحها ويلاعبها لين جننا وهو معلم وكاد على وحدة وبعدها شريت حبارى وعلمته عليها علومة طيبة وبعدين وريته وحدة من الروض اضربها ونثر ريشها وراحت طيار وعلقها انا اقول اصبر على الطير تراه بيفعل ولايضيق صدرك

[الحمش1]

الله العـالم

انه يـهاب الحـبارى او فـوقه حوم خوف ان يـنزل عليه شي

[فايز60]

الطير ثنو16ونص طول 16عرض الطيرعندراعيه الاول فرخ وبكر معلم طيارعلى وحده فقط وطريقتي معه حمام وملواح اكثرشي حمام ارجو توضيح كل شي عن الموضوع

[فايز60]

شكرا لك جلادالحباري ماعليك امر ابيك توضح كل شي بالتفصيل

[قرناس شاهين]

ياخوي اتوقع انه الطير غني لو اننه مجوع على طول صادها فوق او تحت

عط الطير نباته خله ينضف بطنه عقب فكله حبارى علومه او من الروض

والطير مافيه اي شي لتحاتي بس انه شبعان

[سلطان 1]

طيرك غني وانا خووووك اقصر له وبيبرد كبدك ان شالله

[راعي طلاع]

اذا عرف السبب بطل العجب تقول معلم على وحده طيار

الطير الى الان يهاب الحبارى ويبيها والنصيحه علمه على

حبارى يذبحها بالقاع علشان يتداوس هو وياها

وياكل منها لين يتفهق علشان ينكسر

حاجز الخوف وان شاء الله بتهد ويذبح ويونسك ..........

[جلاد الحباري]

اخوي عندك حلين الحل الاول لازم تكون عدة الطير حنا نسميها عدة هدد يعني لايكون نازل ولا عديد وبعدها اذا الطير ماشانذر لازم يشنذر واذا كان مشنذر اول الوقت الحين يعطى كبسولة شناذر او شناذر صبه وماتكون كبيرة لانها خطيرة اهم شي توزنها عشان تزين نفسه حتى لو ماقط شبيكة وبعدها بثلاث ايام يعطى سكر نبات عدد 2 حبة صغيرة وره حبارى علومه خله يداوسها في الارض واهم شي تكون الحبارى نشيطة ماهي معورة ونسره عليها وصكه برقع راح يحقل الطير ويجود بالدس وبعدها طير الحبارى وسق عليها خلها ترتفع اهم شي طيار وبعدها هده وراح يعلقها واذبحها له وخله يعلف منها لين يتفهق منها واهم شي عطه من قلبها وكبدها لان فيها دم زيادة وبالله التوفيق لاشفتها في الروض راح يطربك ويونسك