أرجـــــوك .. لا تبخل عليّ برأيك

[أبو الفارس]

بسم الله الرحمن الرحيم

إخواني الأعزاء

أسعد الله أوقاتكم بكل خير

أدخل في الموضوع مباشرة

أرغب في شراء سيارة دفع رباعي (لكافة الاستخدامات)
الميزانية : 110.000 (مائة وعشرة آلاف)
الرغبة : يكون السيارة جديدة (وكالة)

لذلك إخواني شوركم علي وش أشتري من سيارة

علماً إن اللي في البال هو فورد اكسبلور 2010

وإذا فيه مقترح آخر لا تبخلون عليّ الله يسعدكم

[طواش]

لاتقرب الامريكي
جديد خذ اف جي مدري انا صاحب عايله ام لا
مستعمل خذ 2007 كروزر جي اكس ار

[أبو الفارس]

لاتقرب الامريكي
جديد خذ اف جي مدري انا صاحب عايله ام لا
مستعمل خذ 2007 كروزر جي اكس ار


أف جي , معجبني بصراحة لكن ما ياخذ أحد في المرتبة الخلفية . وأنا عندي العائلة عددهم (4) , مع العلم أني عزوبي :D , و مقبل على زواج الله ييسر الأمور .

[قطب 999]

fj .

[شوزن بلجيكي]

نصيحة وانا واخوك
ابعد عن الامريكي عاااااامه فورد جمس
غير الالماني او التويوتا او النيسان لاتدور
والله عمي شاري 2007 اكسبلور اخذه وكاله
يقول والله لو ادري انه كذا كان اخذ لي جكسار او فكسار

وانا انصح كان معك مبلغ 110 او 120
تجيب لك جكسار 2007 او 2006 ونظيف ويمشيك لا خربات ولا هم يحزنون
بر بر نفود نفود خط خط
وصدقني راح يعجبك ونصيحه من اخ لاخو لاتقرب الاكسبلور والله غير تندم بعد سنه تقول ياليتني ماشريته
وانا ماودي انك تمر بهالموقف

لكن نصيحه خذ لك جكسار فل كامل
وريح نفسك لاخربات ولا هم يحزنون
................................
اقتراح ثاني..

...........
وان ماكنت تبي GXR>او>VXR>او>Gx

خذ لك فتك من موديل 2005 الى 2009
<يجيك قيرين توماتيك<وعادي
وكلهن حلوات واللي بمزاجك اششتره

لكن نصيحه فقط لا غير ولا ودي انك تجرب الاكسبلور تندم


(والافضل انك تأخذ GX) ولاتستعجل وتندم

.................................................. ......
وان شاءالله اني ما اكون ازعجتك بس ابي الخير لك
حياك الله..

[أبوعبدالرحمن0]

حيّــا الله الأخ أبو الفارس

وأؤيــد كلام الإخوة

الإكسبلور ما يمدحونه

والله يدلك على ما هو خير لك

[الهاواوي]

اخوي انصحك في فور شنر سعره حول المبلغ وجديد

[ابن عيّاف]

إسمع يا طويل العمر

إذا ودك بالامريكي لا تآخذ الا الوانيت الامريكي
السييرا او السلفرادو او Z71
أما اذا ما ودك تآخذ وانيت ,,, براحتك ,,, خذ FJ ياباني لك و للزمن

ما يقول لاء ابدا ,,, احسن لك من االامريكي ,, الامريكي ما هو مثل اول

إن شاء الله يفيدوونك الشباب اكثر

وبالتوفيق ,, و يعطيك الله خيرها و يكفيك شرها مقدما ^_^

[قناصه]

ابوفارس سلام

حسب ميزانيتك و استخدامك وحبك للبر والمكاشيت لالالالالالالالالالالالكن ترى السياره الجديده ماتخدمك بالبر تقعد تخاف عليها من كل شي
ثانيا انت تقول على وجهه عرس الله ييسر امورك على خير اشتر موتر يمشي حالك ان بعته مايخسرك لو حبيت تبيع او ينفعك بعد الزواج ولا تنحد على بيعته
ثالثا اشتر تبيع وعلى قد لحافك مد رجليك
رابعا الفورد اخوي شراه ومل منه >>>>غير مريح<<<عكس الامريكي والا باقي اموره مقبوله واستأجر لك واحد وجرب خسارة 200 ولا؟؟؟؟
خامسا كل سيارة لها مميزات ولها عيوب وفيها شي مقابل شي وانت واستخدامك لها >>>حنا ماصنعنا فيها مسمار علشان نتعصب لنوعية معينه او شركة معينه ولكن السوق يحكم عقب استخدامك
سادسا اسف على الاطالة ولكن من باب حب لاخيك ماتحب لنفسك

[جديعان]

انصحك تاااخذ نيسان جي ال ابو رفارف سود اربع بيبان
دفرنسين ويكد ويطرب وقيمته مهي خساااره وهذي صورة المزيوووون وعطني رااايك بالله

والله اني محتار بينه وبين المقفص اربع بيبااان وكلها جباااره









http://www.mekshat.com/pix/upload04/images197/mk187072_48306927[1].jpg

[أبو الفارس]

الإخوة جميعاً

الله يبض وجيهكم , عز الله إنكم ما قصرتوا , وأخجلتوني بتفاعلكم .
الكل منكم ينصح من قلبه
أسعدني مرورمكم جميعاً

سـ / و ش رايكم في جيب المازدا cx9 ؟

[الهمه العاليه]

1) موتر بر
2) جديد
3) دراهمك 110000
انسب شي لك وانا اخوك تأخذ لك فورتشنر 2011 سته سلندر قيمته مابين 108000 - 110000
والله يوفقنا وياك لكل خير
واذ تبي جيب gxr قير عادي موديل 2000خابر لك واحد من الزملا يطري بيعته

[أبو الفارس]

1) موتر بر
2) جديد
3) دراهمك 110000
انسب شي لك وانا اخوك تأخذ لك فورتشنر 2011 سته سلندر قيمته مابين 108000 - 110000
والله يوفقنا وياك لكل خير
واذ تبي جيب gxr قير عادي موديل 2000خابر لك واحد من الزملا يطري بيعته

حياك الله أخوي , الفورتشنر ما فيه أي مواصفات , هايلكس مصندق .

وبالنسبة لـ GXR مالي فيه .

مشكور يا غالي , وبيض الله وجهك .

[شوزن بلجيكي]

اجل يالغلا انت موترك معروف

خذ لك فتك وريح راسك..

وراح يعجبك شكله ومواصفاته من الخارج والداخل

وان شاءالله اني افدتك

[العزيز2008]

الله يوفقك