المساعد الشخصي الرقمي

مشاهدة النسخة كاملة : أرجـــــك .. لا تبخل عليّ برأيك


أبو الفارس
14/01/2011, 07:03 PM
بسم الله الرحمن الرحيم

إخواني الأعزاء

أسعد الله أوقاتكم بكل خير

أدخل في الموضوع مباشرة

أرغب في شراء سيارة دفع رباعي (لكافة الاستخدامات)
الميزانية : 110.000 (مائة وعشرة آلاف)
الرغبة : يكون السيارة جديدة (وكالة)

لذلك إخواني شوركم علي وش أشتري من سيارة

علماً إن اللي في البال هو فورد اكسبلور 2010

وإذا فيه مقترح آخر لا تبخلون عليّ الله يسعدكم
جنرال المدينه
14/01/2011, 09:26 PM
والله مدري وش أقولكـ لكنـ :
قبل لا تشتري السياره الله يباركلكـ فيها
أسأل عن قطع الغيار يمكن تكون غاليه وتكلف
هذي نصيحه لك ولغيــــــــــــــــركـ
ابو هياا
14/01/2011, 09:35 PM
الله يوفقكـ ويدلكـ على موتر يناسبكـ في كل الحالات

الفورد إكسبلور شعبيته زادت في السنوات الأخيره لقوته وفخامته

وأسال الأخوان اللي جربوا السياره >> هم اكثر ناس راح يفيدونكـ عنها

وعندكـ الفورتشنر برضوا سيارة ممتازه وعملية وسعرها مقارب للأكسبلور .

اتمنى اني افدتكـ ..
pajro
14/01/2011, 11:39 PM
اول عندك الباجيرو فل كامل مكينته 3,8 بمعارض النسيم على 113 خليجي

وهو موتر ممتاز انصحك فيه بس ماعليه ضمان بالوكاله لانه خليجي
وللعلم بالوكاله سعره ب 140 على ما اضن سياره ممتازه وراسيه ومريحه وفيها مميزات ونشيط

_______________________________________

وعندك الاكستيرا مكينته 4.0 291 حصان ماشاء الله يقاوم طيارات :D
يبدا ب 99 الف استاندر قير عادي والفل على ما اعتقد ب 112
موتر كل الناس تمدحه (سرعه قوه هيبه نص فخامه)بس من ناحسيت الفخامه ماتقارنه بالباجيرو ابد
__________________________________________


اتمنى اني افدتك وشكرا,,
أبو الفارس
15/01/2011, 07:59 AM
والله مدري وش أقولكـ لكنـ :

قبل لا تشتري السياره الله يباركلكـ فيها
أسأل عن قطع الغيار يمكن تكون غاليه وتكلف
هذي نصيحه لك ولغيــــــــــــــــركـ


أشكرك يالغالي على مرورك , وفعلاً قطع الغيار ممكن تكون مقلب ما تحس به إلا بعد شراء السيارة .
مشكور مرة أخرى ,,,
أبو الفارس
15/01/2011, 08:05 AM
الله يوفقكـ ويدلكـ على موتر يناسبكـ في كل الحالات

الفورد إكسبلور شعبيته زادت في السنوات الأخيره لقوته وفخامته

وأسال الأخوان اللي جربوا السياره >> هم اكثر ناس راح يفيدونكـ عنها

وعندكـ الفورتشنر برضوا سيارة ممتازه وعملية وسعرها مقارب للأكسبلور .

اتمنى اني افدتكـ ..




ما خلاني أتحمس للإكسبلور إلا شعبيته و انتشاره مع الناس , بالنسبة للفورتشنر اللي ما اعحبني فيه شكله من الخارج والداخل سيء , و لا فيه أي مواصفة تستاهل بالعربي هايلكس مصندق .

أسعدني مرورك و تعليقك , الله يوفقك يالغالي ,,,
أبو الفارس
15/01/2011, 08:22 AM
اول عندك الباجيرو فل كامل مكينته 3,8 بمعارض النسيم على 113 خليجي

وهو موتر ممتاز انصحك فيه بس ماعليه ضمان بالوكاله لانه خليجي
وللعلم بالوكاله سعره ب 140 على ما اضن سياره ممتازه وراسيه ومريحه وفيها مميزات ونشيط

_______________________________________

وعندك الاكستيرا مكينته 4.0 291 حصان ماشاء الله يقاوم طيارات :D
يبدا ب 99 الف استاندر قير عادي والفل على ما اعتقد ب 112
موتر كل الناس تمدحه (سرعه قوه هيبه نص فخامه)بس من ناحسيت الفخامه ماتقارنه بالباجيرو ابد
__________________________________________


اتمنى اني افدتك وشكرا,,

الباجيروا : فعلاً سيارة ممتازة , لمن اللي يخوفني قلة انتشاره بين الناس , لمن فعلاً سيارة رائعة .

اكستيرا : فعلاً سيارة بدأت تسحر الناس , لكن مشكلته شكله مقبول إلى حد ما , و من ناحية النشاط ما شاء الله تبارك الله .

الله يسعدك يالغالي على اقتراحاتك , وشرفني مرورك .
و تقبل تحياتي ,,,
NissaN 1990
15/01/2011, 08:24 AM
أحرص على الياباني لو كان مستعمل ،،،،
VTC 4800
أبو الفارس
15/01/2011, 10:40 AM
أحرص على الياباني لو كان مستعمل ،،،،
VTC 4800


لقيت عند الحمراني موديل 2010 الشكل قبل الأخير , سياحي مكينة vtc 4800 بـ 145000 , قير أتوماتيك , اللون ذهبي على نحاسي .

المشكلة أشوف إن السعر مبالغ فيه جداً , موتر سياحي ما فيه أي ميزة و بها القيمة .

مشكور على مرورك , وأسعدني تواجد ,,,
معشى الذيب*
15/01/2011, 11:23 AM
والله ياخوى ان كان تبى شورى ونصيحتى

ابى احد د لك 3 سيارات وانت عاد استخر الله على وحده

جيب تايوتاء

نيسان سفارى

باجيرو فل كامل القوه 3800

ولاتستعمل الاتماتيك منهن

ارجو ان اكون وفقت
pajro
15/01/2011, 06:38 PM
اخوي والله الباجيرو ماعليه كلام حق بر وكد

انا عندي فل كامل 3.8 2004

كانك بغيت تجربه كلمني

واذا خايف من الموتر تقول موب منتشر بسبب وكيله العيسائي مضيع سمعت السياره

ادخل موقع باجيرو العرب
وشكرا
هايل العتيبي
15/01/2011, 06:47 PM
كان تبي نصيحتي
خذ لك تايوتا
قطع غياره متوفره في كل مكان
وقيمته ماتطيح
اما الامريكي انحش عنه تاخذه جديد مايكمل 6 اشهر إلا وطايحه نص القيمه وهو جديد
بنــي زيــد
28/01/2011, 12:42 AM
والله وانا اخوك
انا صراحتاً اشوف ان الباجيرو الحل الامثل مع العلم اني ما جربته
بس على سمعته وفخامته وقوتة والله انا انصح به انا مجرب متسوبيشي غير الباجيرو
الله حق القطع غاليه شوي لكن ركب وانس القطعه ما شاء الله الجودة خذ جوده
والباجيرو ترا فيه فخامه وفيه قوة وفيه مواصفات ومزايا ما تلقاها بغيره بهالسعر
لكن اذا انت ما هضمته عاد شي ثاني
والاكسبلور مع واحد من الشباب والموتر ما شاء الله ما عليه عملي وسقته انا وجربته
تحس انه موتر ديره اكثر من غيره

و اسال عن الباثفندر تراه حليو
اامل اني افدتك يالغالي
الوحش الملتهم
28/01/2011, 02:55 AM
سلام عليكم اخوي انا خبير نيسان غير الباثفندر من موديل 2001الى موديل 2005 اقوء شي انا مجرب الموتر وانت وحظك :):):):):)
ملاحي الورقا
28/01/2011, 04:06 AM
أخوي الاذواق تختلف من شخص لآخر لكن الزين يفرض نفسه

تويوتا ونيسان مايندم راعيها على المدى البعيد التويوتا أكثر سياره تمسك سعرها وجودتها عاليه وسياره
مخدومه من ناحية القطع والصيانه وعموما سياره ماتطلب ولو بحثت عن فكسار فل كامل من 2007ودون والله
سياره لايعلى عليها وخصوصا ممشى السفر والهيبه والاناقه وسعره فيه.

النيسان كذلك سياره قويه متينه ومن أكثر السيارات جوده وتمتاز عن التويوتا بقوة المحركات في أغلب الموديلات وخصوصا الدفع الرباعي وهي أقل شوي من ناحية الاحتفاظ بالسعر بس هي أفضل شي بعد التويوتا في الجانب هذا ونصيحتي لك بباترول فتك سياره نادره بين منافساتها قوه غير طبيعيه ومتانه وبالمبلغ إللي معك تلقى شي نظيف فل كامل 2007وصدقني ماراح تندم هذي سياره مجربه في كل الطرقات وأثبتت جدارتها وبقوه..

أتمنى أكون أفدتك وشكرآ
لاندكروزر11
28/01/2011, 11:13 AM
فورتشنر 6 سلندر .. اف جي .. افورد اكسبلور صيانته غثيثه
لاندكروزر11
28/01/2011, 11:15 AM
الفتك طيب السياحي اذ ماتهمك نضرت الناس..\
لاندكروزر11
28/01/2011, 11:16 AM
ونصحك ماتشتري الا ونت امجرب الموتر وحاصه الفرامل ونت مسرع.
فارس النفود
29/01/2011, 11:43 AM
انا ماجربت غير الباثفيندر وانا احطة في راس المدفع شي موب معقول شي شي شي
وايظن يمدحون التيتان و التندرا حلوات
اتمنا افتك
اول 9099
29/01/2011, 08:23 PM
اف جي كروزر جديد
ولايوكن دبل اخو الجديد
ولاهدد 2007
ولافتك 2009 اخو الجديد
كل هذي بحول القيمة اللي انت ذكرت ولاتعداها مواتر ماعليها كلام بلاباجيرو بلا اكستيرا اشكالها غلط
واخيرا انا ماقد شريت سيارة جديد خذ مستعمل اخو الجديد جت الطيحة في راعية الاول والحمد لله مرتكز الفحص مالية الرياض