أرجـــوك .. لا تبخل عليّ برأيك [الأرشيف]

مشاهدة النسخة كاملة : أرجـــوك .. لا تبخل عليّ برأيك

أبو الفارس

14/01/2011, 07:46 PM

بسم الله الرحمن الرحيم

إخواني الأعزاء

أسعد الله أوقاتكم بكل خير

أدخل في الموضوع مباشرة

أرغب في شراء سيارة دفع رباعي (لكافة الاستخدامات)
الميزانية : 110.000 (مائة وعشرة آلاف)
الرغبة : يكون السيارة جديدة (وكالة)

لذلك إخواني شوركم علي وش أشتري من سيارة

علماً إن اللي في البال هو فورد اكسبلور 2010

وإذا فيه مقترح آخر لا تبخلون عليّ الله يسعدكم

خيال العشواء

15/01/2011, 01:09 PM

أبو الفارس

15/01/2011, 01:54 PM

كم عدد أفراد أسرتك ؟

تعتمد هل يهم كبر السيارة من صغرها ، راعي بر ، ولا راعي بحر ومدينه ؟

هل أنت منظم من ناحية الصيانة والتشييك للسيارات بالتواريخ ؟

هل أنت من اللي رجليهم ثقيلة أو خفيفة على السيارة

تعتمد ياعزيزي على إحتياجاتك والنمط الذي تعيشه

حياك الله يالغالي , ومشكور على مرورك

1- عدد العائلة 4
2- الاستخدام مدينة , كشتات خفيفة
3- منضبط في الصيانة
4- استخدامي راكد جداً (بعض الأحيان السيارة ما تشتغل إلا للدوام)

شرفني مرورك العطر ,,,

خيال العشواء

15/01/2011, 02:39 PM

ماشاء الله تبارك الله

لك عندي سيارتين من فورد وأسعارهن معقولة

أولاً : الإكسبلورر 2011

جداً روعه من ناحية الصيانة والراحة وعملي ووذف على ما قالوا وإقتصادي زي الكراون فيكتوريا بالضبط ودبلاته كان فيها مشاكل في موديل 2006 وتطلع أصوات . لكن الموديلات الجديده سمعت من موظف الوكاله كنت عندهم أمس أنه تم تلافي هذه المشكلة وسعره أقل من الميزانية اللي أنت حاطها .

ثانياً : الإكسبيديشن جداً رائع لكنه كبير على عائلتك شوي .. كأنك راكب يوكون في المقاس لكنه أريح وأخف منه وإقتصادي وأنا رايح أشتري الأيام القادمة واحد إن شاء الله .. بعد دراسة مستفيظة وإقتناع تام لأن عائلتي أكبر من عائلتك شوي. مشاكل في الصيانة لم يذكر حتى الآن ،،، وسعره 121000 ريال كاش

نصيحة من القلب : وإن بغيت تأخذه على نظام التأجير المنتهي بالتمليك على الراتب اللي ما فيه بركه

وتحط ذا المبلغ اللي عندك في قطيعة أرض تراها ما هيب شينه ،، بعد خمس سنوات الأرض سيكون سعر الأرض 3أضعاف سعر الشراء وأنت راكب سيارة جديده .

تحياتي

انسانه؟

25/02/2011, 11:01 PM

ان شاء الله الاخوان يفيدونك اكثر
والاحلى تاخذ gx.r
وربي يبارك لك واقتراحه الاخ جدا رائع لان نظرته بعيدة المدى .

هوندا 0770

28/02/2011, 09:39 PM

أنا أشوف الأكسبلورر مناسب من نا حية العائلة و الحجم و أستخدامة في البر بس ما عندي خلفية عن الخرابات بس كل السيارات ما تخلى من الخرابات الأستهلاكية فقط أما العيوب المصنعية فحض فصيب بس أنها قليلة جدا
و حنا معانا أكسبدشن أدي بور موديل 2006
بس كأنة شديد شوي في المطبات مو مثل اليوكن و التاهو ما تحس في المطبات الجامدة
و بتوفيق أنشأالله
الله يباركلك في السيارة الي بتاخذها مقدما :(
و علمنا عن السيارة لخذيتها يا خوي .
تحياتي.............

متعب نجد

08/03/2011, 12:28 AM

اخوي اشتر جيب لاند كروزر فكسار لو مستعمل
لجميع الاذواق والسعر ماسكه وانت خابر باقي السيارات تطيح قيمتها
هذا رايي وانت بكيفك

الحدريين

08/03/2011, 01:09 AM

خذلك اكسبلورر والباقي خذ الضبعة والعيال واستانسو بدبي لكم كم يوم

ابوراشد04

11/03/2011, 02:52 AM

خذلك اكسبلورر والباقي خذ الضبعة والعيال واستانسو بدبي لكم كم يوم

انت فكرة قبل لاتقول الكلمه الي بالاحمر!!!!

نديم الشمال

11/03/2011, 04:07 PM

ابو الفارس

اذا تبي شوري

خذلك

ج اكس

والله لو تاخذ ه

قديم

ولا تاخذ بعض سيارات جديده

ج اكس

على قد فلوسك

وبعد كم سنه تبيعه بنفس قيمته

دامر الصيد

14/03/2011, 01:49 PM

هلا ابو الفارس انصحك تشتري GX-R مستعمل بس بشرط يكون نظييييف لانه لك وللزمن باذن الله اما الاكسبلورر ترى بعضهن فيه مشكله بالقير مثل التاخر في التبديل من الثالث الى الرابع وصوت طقه في القير في تعشيق الريوس انا اخبر هذي المشكله في ال2008 مدري اذا عدلوه في ال2010 او لا اسال الله لك التوفيق وللمسلمين اجمعين

عناز الحره

14/03/2011, 01:59 PM

خذلك اكسبلورر والباقي خذ الضبعة والعيال واستانسو بدبي لكم كم يوم

والله يالغالى هذا الكلام مايجوز

فنحن جميعناااا
ابنااائهن وازواجهن

عناز الحره

14/03/2011, 02:11 PM

نصيحة من القلب : وإن بغيت تأخذه على نظام التأجير المنتهي بالتمليك على الراتب اللي ما فيه بركه

وتحط ذا المبلغ اللي عندك في قطيعة أرض تراها ما هيب شينه ،، بعد خمس سنوات الأرض سيكون سعر الأرض 3أضعاف سعر الشراء وأنت راكب سيارة جديده .

تحياتي

:good2::good2::good2::good2::good2::good2::good2:
:good2::good2::good2::good2::good2::good2::good2: