الدبل لخبط و تسبب في خراب الريوس ... افيدوني

[برج الخير]

بسم الله الرحمن الرحيم

اللهم صلي على محمد
الموضوع وما فيه سلمكم الله انه عندي يوكون موديل 97 باب واحد دبل ازرار
دخلت في تجمع موية في وادي بس ما شغلت الدبل ... المهم
يوم طلعت من الوادي قام الدبل يشتغل و يفصل من حاله علما اني ما شغلت الدبل
قمت شغلت الدبل و جربت شغال ميه ميه افصله يفصل و اذا مشيت و اسرعت تحس ان الدبل يبغى يشتغل و يبدأ يطلع صوت زي التروس بس عالي جدا وقفت و فصلت فيش الدبل
وفصلت فيش الدفرنس الامامي و فكيت العمود وواصلت بس نفس المشكله لا زالت وانا مضطر للمواصلة لاني بعيد عن الطريق العام المهم مشيت عليه حول 150 ك و راح الصوت و يوم وصلت ديرتي قمت اجرب الدبل شغال بس هناك مشكله وهي ان الريوس بدون الدبل اذا رجعت للخلف و شديت شوي عليه يفصل و يطلع صوت فرطة ترس ثم
يقف ارجع اعشق الريوس يعشق بس مجرد ما يحس شويت دعسة يفصل بصوت الفرطة
رحت كم ورشة يقولو سببها الدبل لازم توضيب للدبل بس الدبل شغال و القير 100%
افيدوني ولكم جزيل الشكر و العرفان مقدما ....

[برج الخير]

شكله ما احد له نفس يرد ويفيدنا

[النبع الصافي]

موفق ياخوي
بس هذي يبي لها تشيك على الحساس وعندك تروس الدبل شف لك واحد فاهم وأمين لأن كل من تكلم في القيروالدبلل قال توضيب

[كديان]

اعانك الله انتظر الربع اغلبهم كاشتين
موقعك ادلك على ورشة ؟؟؟
لا تنسى تمر على رابطة ملاك اليوكن و الجمس و الحوض

[برج الخير]

موفق ياخوي
بس هذي يبي لها تشيك على الحساس وعندك تروس الدبل شف لك واحد فاهم وأمين لأن كل من تكلم في القيروالدبلل قال توضيب
بس محيرني ان الدبل شغال المشكلة بس في الريوس
اشكرك على تعليقك

[برج الخير]

اعانك الله انتظر الربع اغلبهم كاشتين
موقعك ادلك على ورشة ؟؟؟
لا تنسى تمر على رابطة ملاك اليوكن و الجمس و الحوض
في ناس مكاشيت وناس اختبارات وكل في فلك يسبح

الله يجزاك خير

ان شاء الله يجي من قد مرت عليه هالحالة ويفيدنا