مشكلة واجهتني

[اميرقومه]

السلام عليكم
اخواني واجهتني مشكلة في رمي القوقسي طيار
عجزت اصيب تروح الدستة والحصيل ثنتين
اما القطا اراهن عليه بعيدوقريب
والبندق سوبر والماصورة كندية كروم 32
وجربت انواع الفشق
وشرايكم وشكراً

[الطنب]

مرحبا فيك يامير كم الضغط للفشق وهل تضع البندق امام القوقسى او تحته او في الحمامه وكم المسافه تقريبا للرمى وهل تكتفى برميه وحده ام تتابع باكثر من فشقه على القوقسى اذا جاوبت على اسئلتى هذى راح اعطيك الجواب وماهو نوع الفشق

[اميرقومه]

مرحبا اخوي الطنب
الرمي من 60متر والضغط 6/36اولمبي و50/7 32 تيردو
ووالرمي يكون قدام القوقسية والمناطح فوق
وشكراً

[هاوي الطيار]

القطا تصيبه والقوقسي ماتصيبه؟؟

[الطنب]

المسافه ليست بالبعيده على بندق سبطانه 32 ولكن تكمن المشكله بنوع الفشق اولمبى هذا صناعه لبنانيه اعتقد انه سيء وعليك بهذه الطريقه اول رميه للقوقسى حطها امامه والحقها برميه تتابع ثانيه مركزه عند تغيير اتجاه الحمامه بالنسبه للضغوط اقل من 36 غالبا يجب ان تكون المسافه اقرب من 60 متر لعدم تاثير الحلبى على القوقسى من مسافات بعيده قد تصيبها ولكن تنقل صويبها ارجو انى افدتك وتحتاج الى رمى مكثف لكى تجيد الرمى طيار ارجو انى افدتك كثير من الصياده يرمى طيار ولكن لايعمل تركيز وينشل على الطير يعنى بسرعه يصوب البندق على الطير بدون دقه وهذا سبب عدم اصابتها وضياع كم هائل من الفشق

[اميرقومه]

مشكور أخوي وماقصرت

[ابو محمد 50]

دور فشق 9.5 32وارم للقريب شبر قدام منقار الطير والبعيد زد شوي وانشاء الله تصيد وبالنسبه للقطاء تصيده لان حجمه اكبر وبعدين الماصوره 32 يعني ما تعطي دائرة رش الا بعد مسافه تبدا تفرش واحرص على الفشق النضيف ايطالي او اي نوع جيدواحس تقديرك للمسافه غيرصحيح واعمل هذي الطريقه باذن الله تصيد بسهووله بعض الي يرمي طيار يوجه البندق ويصوب ولا يصيد اذا اردت تصيد وجه البندق على الهدف وامش مع الهدف وخلك دقيق في وضع النيشان على الهدف وسبق على حسب المسافه من20 متر سبق شبر تقريبا وكلما كان ابعد زد تسبيق وخلك دقيق بأذن الله اي واحد يسوي الطريقه هذي يبدى يصيد بنسبة تقريبا 75 بالميه واسف على الاطاله وشكرا

[ابو سفيان]

خذ الحل لنفس المسافه
حطها امامه بس ارفعها شويه فرضن الطير متجه من اليسار لليمين حط الحبه امامه بشويه وارفعا عنه بمقدار شبر تقريبن رح تصيبه ان شاء الله
وان ودك بصيده المضمونه جرب فشك رقم واحد وشوف ايش يطلع معك ان شاء الله تنبسط

[اميرقومه]

بيض الله وجيهكم
والوعد الخميس إن شاءالله وينك ياالقوقسي

[ابوفهيدان]

اخي من كلامك يوم تقول القطا تصيبه والقوقسي تخطيه
فمعناه انك ترمي من قريب علي القوقسي
وشي اكيد ان بندقك ماتفرش علي الهدف القريب
لان الماصورة 32 انش
ودايما كل مافرشت البندق اكثر كل مازادت نسبة اصابة الهدف
جرب ترمي القوقسي من مسافات بعيدة

[اميرقومه]

ماقصرت أخوي على هذه الفائدة

[almutairi.]

اخوي مشكلتك محلوله ان شاء الله عندي نفس الشوزن 32 اذا تبي نصيحتي اخذ فشق 28 قرام رقم 7 ونص او 9 السبطانه طويله لو تحط رقم 9 24 تتمتع بالصيد وحاول تكون بعيد شوي لاتقرب واااجد وشوف النتيجه القرامات الكبيره اخليها حق البط والقطا بسسسس واقوى قرام رميت فيها 40 حق القطا والبط رقم 7 ونص ما شاالله جنه طلقت رشاش
وموفق يالخوي