المساعد الشخصي الرقمي

مشاهدة النسخة كاملة : فزعتكم الرجاء الدخول ,, ماهي أفضل أنوع دلال القهوه


راع البل 999
14/01/2011, 10:38 PM
مسااكم الله بالخير يالربع
وش حاالكم عسااكم اب خير
امااااابعد......
اخوكم ناوي يسوي عزبه للبر جدييده وابي نصيحتكم يالنشمااا وش افضل نوع بالنسبه لدلال القهوه من ناحيت الجوده وتحمل الكد
لان الي عند تغير لونها من كثر لاستعمال

والشي الثاني وش افضل انواع الجاعد
ابيه للموتر
مطرح الحشو
14/01/2011, 11:18 PM
والله يخوي دلال رسلان ممتازه :good2: انصك فيهااا ولا تهجر انا استخدمهاااا واذا سكرت العزبه حطيت عليهااا عويدي مطحون ولا تهجر
وشكرا اخوي
راع البل 999
15/01/2011, 02:57 AM
لاهنت اخوي لاكن رسلان غاليه قيمتهاا بل الاف
الرويضة اون لاين
15/01/2011, 04:10 AM
افا بس افا..

راعي ابل ولا تعرف اطيب الدلال واحسنها؟

عليك بالرسلانية ولا تحسب لقيمتها حساب , قيمتها فيها , وانكانك تشوفها غالية فعليك بالبغدادية وانكانها غالية مالك الا دلال السيف
مفتون صيد
15/01/2011, 07:27 AM
هلا اخوي

بالنسبة للذي ذكروها الشباب زينه بس مشكلتها تبي لها من يربها كل بين فترة وفترة وغالية جدا والناس اذواق

بس انا انصحك اذا تبي مكده وسعر معقول عليك بوارد العساف والا السيف شرط يكون ستيل خامتها وصناعة كورية وراح تعمر معك باذن الله ومع عيالك بس دور القديم ان قدرت ازين
اتمنى اني افدتك
فهد راعي البر
15/01/2011, 08:08 AM
هلا وغلى براعي البل
احسن شي ولا يعلى عليها بدون منازع القريشية
وبعدها البغدادية ورسلان اصلي في نفس المستوى
لكن كل هذة الأنواع تحتاج رب ( رباب ) خليط من الرصاص وقصدير حتى يحمي النحاس من التأكل
وهذا الرباب يقولون ألطباء وعلماء الأغذية انه مضر للصحة على المدى الطويل والله اعلم
واكثر الناس في هذا الوقت يستعملون دلال الستان ستيل
وانا افضلها واستعملها لسبب اعلاه
والناس اذواق
mr-blanko
15/01/2011, 08:45 AM
البغدادية بنظري افضل شي
عشانا
15/01/2011, 09:16 AM
البغدادية بلا منازع هيكل وله منضر تحس انك تشرب قهوة بحق وحقيق
كانك من اهل الرياض عندك حراج بن قاسم هناك دلال بغدادية احجام مختلفة ورخيصه وتحتاج فقط رب
سرهيد
15/01/2011, 09:59 AM
السلام عليكم

ومرحبا بك اخي الكريم ويحيك ويحي هالتواجد في خيمة العدد

شف طال عمرك ، ما دام الدعوى للبر ، فانصح بالاستيل وخاصة وارد العساف وتراه في الحراج وبسعر مناسب جدا ...

والسبب انه ما تهجر وانك اذا بغيت تصلح فيها قهوة ولو بعد شهر ما عليك الا تغسلها وتصلح قهوة .

لكن النحاس معروف اذا ما استخدم يهجر ويطلع طعم في القهوة ...

وبلا شك الرسلان شكله يطربك بس اذا للبر ما انصح بها لان النار بتلعب فيها وراح منظرها

لذا انصح بالاستيل الاصلي عامة والعسافي خاصة

تقبل مودتي
النوبل
15/01/2011, 12:00 PM
السلام عليكم

ومرحبا بك اخي الكريم ويحيك ويحي هالتواجد في خيمة العدد

شف طال عمرك ، ما دام الدعوى للبر ، فانصح بالاستيل وخاصة وارد العساف وتراه في الحراج وبسعر مناسب جدا ...

والسبب انه ما تهجر وانك اذا بغيت تصلح فيها قهوة ولو بعد شهر ما عليك الا تغسلها وتصلح قهوة .

لكن النحاس معروف اذا ما استخدم يهجر ويطلع طعم في القهوة ...

وبلا شك الرسلان شكله يطربك بس اذا للبر ما انصح بها لان النار بتلعب فيها وراح منظرها

لذا انصح بالاستيل الاصلي عامة والعسافي خاصة

تقبل مودتي




ماأزيد على كلام ابو عبدالله

دام الدعوى للبر مالك إلا الستيل الكوري


لأني اشوف ناس يحط الدله النحاس على الشعله (شعلة الحطب)

يحرقها ويدمرها